免費論壇 繁體 | 簡體
Sclub交友聊天~加入聊天室當版主
分享
返回列表 發帖
回復 125# anakin

老共一步一步咁另起爐灶
目標係就算冇咗老味,自己小圈子都可以繼續玩
亞投行可以借錢俾 D 窮國丶發展中國家起基建
唔駛向老味主導嘅世界銀行借高利貸,俾佢剝皮拆骨
建立人民幣跨境支付系統 ( CIPS),可以避開老味嘅 SWIFT 系統
用老味嘅系統,老味可以監察你嘅資金走向丶交易
老味要制裁你,你唔可以收支美籠,根本過唔到老味嘅結算系統
但有自己嘅支付系統,可以唔用美籠交易,老味卡唔到你
上海設立原油期貨交易所
產油國可以晌上海賣出期油,到期交付現貨
石油用人民幣交易,油國收到人民幣後可以晌上海黃金交易所買黃金
~ 你唔信人仔都要信下黃金啩 ?
咁老中就自己可以參與石油定價,而且唔用美籠交易

老共逐樣逐樣做,都係撬老味嘅牆腳
老味唔氣急敗壞就奇
要防止老味狗急跳牆,老中就要拳頭夠硬
好彩老中呢十九幾年嚟漸漸荷包腫脹
掟錢落去發展軍備絕不手軟
造軍艦好似造玩具咁一批又一批下水
老中今日嘅工業產能係世界之最
分一部份產能造軍備係輕而易舉
而且成本比老味低得多
只係技術晌某 D 方面比老味低
而某 D 方面卻唔輸俾老味,比如導彈技術
老中唔怕跑長途賽同老味鬥耐力

TOP

本帖最後由 飛毛腿 於 2019-5-15 23:02 編輯

貿易戰打咗一年
床破當初講嘅 Trade war is good ,easy to win 晌老中度唔見實現
或者對住加麻大丶墨西哥丶泡菜國之類就真係  easy to win
明眼人都睇得出貿易戰對老中嘅殺傷力遠低於預期
老中近年嚟努力調整產業結構
大力發展內需市場,減少對外貿嘅依賴,尤其是對老味市場嘅依賴
加上一帶一路嘅發展,推動其他市場嘅開拓
唔駛講乜,淨係中國跟東盟貿易額已經追近中美貿易額

唔好成日以為老中要靠出口先搵到食
今時唔同往日,今日老中嘅消費市場已經世界最大
好多國家要靠老中嘅市場搵食,好似袋鼠國就係嘞
新西蘭果種小國就更加唔好講
先排阿蘭冇識死,跟住老味話拒絕華為 5 G
新西蘭得果 500萬人口,市場細到可以忽視
華為點會在乎咁嘅市場,但老中在乎你嘅立場
你要將我當仇人,我做乜要睇你台戲?
於是俾 D 面色新西蘭睇,即刻嚇到阿蘭腳軟
猛咁話 : 冇,冇,我哋冇話拒絕華為

嗱,佢哋嘅老祖宗大陰帝國就唔同喇,薑係老嘅辣
話晒做過世界老大,眼光係高 D,睇通大局
陰國一直都冇話實拒絕華為,只係曖曖昧昧咁模稜兩可
有時就放風話華為嘅設備可能有漏洞,但係可控嘅
先排又放風話,為咗大陰國嘅國家安全,當然核心設備就要好小心,未必用華為
但咩算係核心設備,當然陰國人自己話事
唔通要俾老味入嚟檢查佢哋嘅通訊設備,決定咩算係核心 ?

昨日,陰國嘅 Vodafone 宣佈今年 7月 3日晌倫敦丶利物浦丶伯明翰等六個城市推出 5G 服務
設備係用華為。。。同其他供應商
~ 不過仲有咩供應商技術堅得過華為,又平過華為?

BBC 報導 :
Vodafone's 5G UK service to launch in July

14 May 2019

Vodafone has said that it will turn on its 5G service in the UK on 3 July.

The company will rely on equipment from the Chinese telecoms provider Huawei, among others, to deliver the service.

It is the first firm to confirm a UK switch-on date, and both business customers and consumers will be able to sign up.

TOP

前日老味財政部長放風話要去中國繼續進行第十一輪高級別經貿磋商
昨日老中外交部記者會,記者問係咪有咁嘅事
外交部發言人話 : 係咩,冇聽過有咁嘅安排
~ 即係,挑,你話嚟就要招呼你呀?
今日外交部記者會,記者又再問,老味財政部長話期待嚟中國繼續磋商喎,中方係咪已發出邀請?
外交部發言人噏一輪官樣文章,就話 :
談判要有意義,要有誠意,睇老味之前談判中嘅表現,我認為有兩點好重要,一要講互相尊重,要平等互利
二要講信用,必須言行一致,不得翻手為雲,覆手為語

以老總一貫嘅外交語言作風,好少講到咁白㗎喇
即係話老味冇信用,反口覆舌,真係當正自己係老大,當老中係奴僕
咁嘅態度,傾你條卵咩

呢種操作,其實就係床破自吹嘅談判的藝術
重點係向對手極限施壓
比如自己想買對方嘅貨品,心目中底價係10蚊,向對手開價2 蚊
然後向對手諸般恐嚇 : 你唔賣俾我,其他人唔會同你買,佢哋個個都要睇我面色,唔敢搶我爛市
~ 當然要揸住對手嘅弱點,重點攻擊
反覆拉鋸, 最後話自己讓步,出價 5蚊啦,由 2蚊讓步到 5蚊,已經破天荒㗎喇
如果對手心虛,或者信以為床破解唯一肯出錢嘅買家,咁就會屈服
床破話呢 D 就係談判的藝術

老床認為老中嘅弱點係冇老味嘅市場就唔掂
每年老味賣商品俾老中得個 二千幾億 ( 唔計服務業輸出)
而老中每年賣五千幾億商品俾老味,每年賺老味三千幾億
呢個仲唔係老中嘅弱點?
不過,唔知老床有冇計呢五千幾億裏面,有 40% 係美國資金在華嘅投資工廠輸出

回想 80丶90年代
大家應該記得果時嘅老中總理每年都要話 GDP 增長要保七保八 ~ 即係話要有 7丶8或 9 %增長
呢個增長率就係要吸收當年嘅勞動力增加數量
每年由學校畢業出嚟嘅年青勞動力,要有工作空缺去吸收
否則就一大群,幾百萬個青年搵唔到工做,一千幾百萬失業人口會形成社會隱患
所以揸頸就命,咩血汗工廠,微薄利潤都去搶生意做
但近十年形勢轉變,勞動力並冇過剩
反而好多工廠丶服務業請唔到人

00年代,大陸 D 髮廊大把洗頭妹,唔憂冇人做
有 D 髮廊寫住話洗頭 40分鐘 ~ 10蚊雞洗過頭,同你洗足 40分鐘喎
無他,因為人手充足,大家搶生意做
今日,無論髮廊丶餐廳酒樓丶麵包西餅店,成日都請唔到人
讀書唔多,學識唔高嘅人都唔憂冇嘢撈
送快遞,送外賣呢種新興服務業吸收大量低技術勞工
所以唔經唔覺,大陸好多勞動力由低技術工業轉咗去服務業
經濟對外嘅依賴程度就減輕咗
但床破好似意識唔到老中經濟嘅轉型
所以有恃無恐咁曬老中欄

TOP

床破跟香港富豪嘅恩怨舊事
竟然令佢以為自己食硬中國 - 佢話 : 中國一直都是我的手下敗將
吹水就任你點吹到天花龍鳳都得
輸都可以話自己贏,床破就係咁嘞

紐約時報有篇文講床破同香港富豪由合作至反面嘅往事
有興趣可以睇下
篇文唔長篇大論,但翻譯水平就麻麻
我仲以為係用軟件翻譯嘅添

特朗普VS香港财团:“咆哮狂人”的商战败绩

https://cn.nytimes.com/usa/20160531/c31trumpchina/

TOP

上星期三,床破簽署一條行政命令,要求老味進入緊急狀態
在緊急狀態,老味企業不得使用對老味構成風險嘅企業所生產嘅電訊設備
~ 即係唔准老味企業用華為嘅通訊設備
同時老味企業唔可以提供設備俾華為
主要係電訊設備嘅芯片

到咁嘅地步
除咗鄉港班弱智口水佬,冇乜人仲認為呢場只係貿易戰
老床最初嘅藉口話貿易不平衡,老中賺哂老味嘅錢
本來要平蘅兩國貿易,老味要多向老中賣商品先啱
但老床家下反其道而行,唔賣貨物俾老中,咁打條毛嘅貿易戰呀?
其實,老床圖窮匕現,唔再掩飾真正目的
真正目的就係要摧毀老中嘅高端產業,要打斷老中定下嘅 中國製造2025計劃

。。。今晚我呢度個網絡神神地,斷斷續續咁
打上面一堆字都打下停下等下,都係第二晚再噏過   

TOP

回復 133# vincenttom

多謝捧場 !

TOP

上個月尾
老味有個黑婆 Kiron Skinner,佢官職係國務院政策規劃主任
佢晌一個安全論壇上講及中美關係,佢話係兩種文明嘅衝突 :

中國是獨特的挑戰,因為當前中國的制度不是西方哲學和歷史的產物。
(美國)與前蘇聯的競爭在某種程度上,是西方家庭內部的爭鬥。
這是我們第一次面臨一個非白人的強大競爭對手。



一個黑婆代表白人話白人與非白人競爭,真係搞笑
就算佢當正自己係白人,但白人認唔認同你係白人文化一份子?
不過,佢呢套講法當然唔係佢個人意見
有傳霉話係老味國務卿團隊基於 「與不同文明作戰」嘅理念而製定對華戰略

所謂文明的衝突,呢個慨念唔係咩新意
亨庭頓著書立說講嘅 《文明的衝突》,就係講冷戰後世界格局表現為七大或者八大文明
即係中華文明、日本文明、印度文明、伊斯蘭文明、西方文明、東正教文明、拉美文明,或者加上非洲文明
呢 D 咁複雜嘅慨念我哋就無謂深入探討嘞
總之就係咩貿易戰並唔係純粹經濟丶錢銀嘅問題
我覺得毋須咁複雜化去解釋老味發癲嘅動機
簡單地去理解 : 老味係世界老大,有個老二可能會危及佢嘅霸主地位,老味就不擇手段去打殘呢個老二,消除威脅

TOP

老床以舉國之力全面封殺華為
其實佢咁做,正如當年老毛話齋: 搬起石頭砸自己的腳
老中係世上輸入芯片最多嘅國家
每年輸入芯片嘅銀碼比石油更大
芯片又唔食得,要咁多嚟做乜?

老中一年生產 19.2 億部智能電話,佔全球生產量 75%
生產 3.1 億部電腦,佔全球生產量 95%
生產 1.7 部電視,佔全球生產量 60%
仲有其他店子產品丶家庭電器之類就唔一一列舉嘞
而老味係芯片生產大國,老中係大買家
芯片巨頭 Intel 有 46% 產品賣俾老中
AMD 都有 26% 賣俾老中
你家下一聲話唔准賣俾老中
咁老味 D 芯片賣俾邊個?
唔通將 D芯片當錢,發俾班工人職員當人工?
而且呢 D科技產品,好需要貨如輪轉,賣出產品後套回現金
再掟錢落去開發更先進產品,鞏固企業領先地位

或者有人會認為,老中冇芯片生產所需產品
自然有其他國家嘅廠商取而代之,搶走老中嘅生產生意
但19.2 億部智能電話丶3.1 億部電腦呢種驚人嘅產能,你估地球上有邊個國家擁有?
你要新建立一種商品嘅生產線,你估話咁易就做到?
比如一條智能電話生產線,要有無數配套嘅零件廠配合,咁就要天文數字嘅投資
仲要有熟練嘅工人丶技術員丶電子工程師等
地球上可以去邊度搵呢種龐大嘅人力資源?

仲有一樣壞後果,就係將老味自己嘅信譽毀滅
以後其他國家邊個敢信任老味? 邊個敢用美國貨?
同你做生意,你就隨時禁運禁賣,攞嚟做勒索手段
最㷫就係,你老味自己唔做老中生意都算嘞,仲唔准其他國家嘅企業同老中做生意
企業唔賣貨,冇收入,老味又冇補償俾人哋
你要佢哋食屎過日子呀?
就好似當日菲律賓阿基諾條弱智做老味嘅狗,狂吠老中
老中唔准賓賓嘅香蕉入口,於是 D香蕉就爛晌港口,冇人買
老味無動於衷,一個崩都冇幫下賓記

你嘅產品裡面,只要有 20% 涉及老味嘅產品或者採用老味嘅技術
咁你就受老味嘅管轄,老味話唔准賣,你就唔可以賣
以後,有選擇餘地的話,邊個仲想買老味嘅配件同技術?

TOP

我一早都話
老味班商家佬向中國採購各色各樣貨品
唔係因為錫哂班大陸佬,純粹係利字當頭
唔好睇少 D 平價日用品,雖然價錢平,但消耗量大
老味普通低收入階層人數唔少
平價日用品利潤銀碼細,但山大斬埋有柴
而且毛利率係幾倍咁計

譬如一隻用完即棄嘅打火機
大陸便利店丶小商店賣一蚊人仔一隻
老味 D 一元店就賣 1.5 美元 ~ 美籠兌人仔接近 7倍
大陸便利店一隻打火機入貨價大約要幾粒神
老味一元店就算要求高 D, 品質好 D, 加上運費最多係一蚊人仔好未?
家下加關稅 25%, 如果由老味進口商支付關稅,進口成本都係 1.25 人仔,約為 0.2美元
售價 1.5 美元 :




好似呢種毛巾
大陸嘅兩蚊店賣兩三蚊一條嘅就冇咁好樣
不過,淘寶好易搵到差唔多嘅貨色,大概四五蚊人仔都可以買到
而老味落單量夠大,好似 Walmart 呢種大孖沙落單就可以壓到好低價,而品質就要求多多
次一皮嘅一蚊店要求低 D, 就賣 3蚊美籠一條:


附件: 您需要登錄才可以下載或查看附件。沒有帳號?註冊

TOP

所以床破加關稅 25%
睇落好似幾得人驚
但其實老味進口商一直都係入貨價低,零售價以幾倍賣出
如果老味商家佬抵得諗,啃完關稅後唔轉嫁消費者,情願自己賺少 D
不過,咁就唔係商家佬,係慈善家嘞
佢哋啋你都傻
係床破要打貿易戰,有乜理由要商家佬替佢孭鑊

或者你會話: 老味商家佬可以向大陸廠家鏈價,你減 25%或者你包埋關稅,唔係就唔幫襯你
你慌老味商家佬會死錯人?
大陸廠家佬唔刮佢哋咋
造呢 D日用品,本來利錢就唔高,要啃關稅就要蝕本,情願唔做你生意
你去搵第二個同你造啦
於是,老味進口商自己先啃關稅,再加價轉嫁消費者

呢個情況我係我靠估嘅
係國際貨幣基金 ( IMF)做調查後出報告咁話嘅:


附件: 您需要登錄才可以下載或查看附件。沒有帳號?註冊

TOP

返回列表