推背圖下的中美

無神論狂徒

推背圖預測中國千年國運，現代去到第四十五卦象，象曰如下：

第四十五象 戊申 　山水蒙
讖曰：有客西來 至東而止 木火金水 洗此大恥


一般理解為日本西來，至東而止，中國素來被灌名東方代名詞，在推背圖中出現，理解為中國合情合理。金木水火欠土，因失領土而開片，洗此大恥更不難明。大約被時下人解作中日因釣魚台問題互片。

近幾個月中美關發展，美國反應去睇，西來客應該指美國。

象文中嘅欠土，正中了南海問題上，美國嘅取態。接連以自由航行為名搞局。中國因領土問題和老美開片，合乎推背圖劇情發展。

再講。

飛毛腿

相信稍有腦筋嘅人都睇得出
老味同老中之間嘅問題，唔係貿易戰
老味全世界咁去唱衰老中，要全球封殺華為，關貿易戰卵事？
你老味自己唔用華為就算啦，仲要其他人都唔好用華為
人哋自己出錢，用邊間嘅設備關你九事？
所以老味根本無法自圓其說

如果你話 ： 係自己友嘅，就唔好用老中嘅格力空調
好，俾幾分面你係老大，唔用就唔用，我哋轉用日立丶飛歌冷氣，冇問題
但 5G 設備喎，華為嘅技術最先進，價錢又相宜
而且我哋現有 4G 基站好多都係華為設備，新嘅 5G 網絡兼容 4G，亦只有華為做得到
唔同要我哋拆哂 4G 基站，鋪過哂新嘅 5G 網絡
邊個出錢？ 而且人哋都進入 5G 網絡年代，我哋仲慢慢鋪設？
玩得起 5G嘅設備商，來來去去得華為，諾基亞，愛立信，勉強加埋個泡菜國三叔
陰國佬係自己友喇啩 ？ 卻係第一個啋你都傻

老中最大嘅本錢係咩？
老中擁有嘅網絡用戶佔世界總數一半
全球已建嘅 4G 基站約 500萬個，老中國內有 4G 基站 336.9萬個
全世界除老中之外，所有4G 基站加埋都唔夠老中多
呢個世界用戶一半數目，足以支持自己嘅華為丶中興之類生存兼發展新技術
老味以為你有技術有設備又點，我唔賣芯片俾你，你即刻跪晌度
點知即跪嘅唔係華為，係老味自己嘅芯片商 ～ 你唔賣芯片，攞返屋企當牛扒食呀？
華為好淡定咁話： 我十九幾年前已經考慮過呢個問題，有朝一日人哋制裁你，唔賣芯片俾你，你點搞？
點搞？ 我哋早已經研發自己嘅芯片
風平浪靜嘅時候，可以買就買人哋嘅芯片，自己研發嘅就做後備胎，以備不時之需
而且舊年老味向中興禁運芯片，意味到下一個極可能向華為落手
有中興前車之鑑，華為多咗一年嘅預備時間
華為話淨係後備貨應付突發斷供，已經足夠應付兩年

谷狗仆崩鼻咁跟住老味嘅指示，即刻話停止華為電話使用安卓嘅權限
呢個禁令對大陸市場冇影響，大陸嘅電話根本就冇 google play，冇 youtube， 冇 whatsapp
大陸有自己嘅生態圈 ～ wechat，騰訊視頻，愛奇藝。。。無數其他 Apps
冇錯，對華為電話嘅海外市場會有影響
但華為點會冇防備有咁嘅一日？
華為宣布今年會推出自己嘅 OS ，可以兼容安卓
華為可以撇開谷狗，發展自己嘅生態圈，發展到一定程度，谷狗就被邊緣化
而且谷狗想進入大陸呢個世上最大嘅市場，諗都唔駛諗
於是，唔夠一個月，谷狗腳軟嘞
有傳霉報導話谷狗游說老味商務部，要求取消針對華為嘅安卓操作禁令

飛毛腿

6月1日，老中對老味反制措施生效
對老味部分商品加徵關稅，最高達 25%，最低亦要 10%
繼續貿易談判 ？
老味講嘢唔算數，簽咗拹議都隨時當廢紙，仲傾條毛？
最新一例就係幾個月前將原來北美自由貿易協定作廢
迫加麻大同墨西哥再重新簽訂一條對老味讓利嘅 USMCA
老墨以為向老味屈服，以後可以疊埋心水做勞工賺 D辛苦錢

新協議墨水都未乾，床破突然又發脾氣
指責老墨唔盡力去攔截邊境非法移民，由得 D 非法移民湧入老味境內
於是喊要懲罰老墨，要將老墨輸美商品加 5% 關稅，關稅會逐步提高，直至非法移民問題解決
老墨聽見真係含欖都冇味
非法移民問題跟關稅都可以扯上關係，咁仲有咩唔可以跟關稅扯埋一堆？
但老味口大，老墨口細，老墨要靠老味市場食飯
老墨死狗咁忍氣吞聲，答應加派 6000個警衛軍去墨西哥等危地馬拉邊境攔截來自中美洲非法移民
老床龍心大悅，話可以將加徵關稅無限期暫停 （ indefinitedly  suspended ）
～ 無限期暫停咋喎，即係隨時可以再生效

老中唔係老墨
老味可能冇意識到，地球上最大單一市場係老中，唔係老味
老中雖然係全球最大製造商，但同時係最大買家，最大消費者市場
所以老中啋老味道硬膠

無神論狂徒

只要老中繼續企硬，美國根本硬唔起。敗態畢露

維圓阿伯

打過鬼佬公司工D老餅實有呢D經驗
對上司做錯野態度
冇料亂攪紅鬚綠眼就一句”死鬼佬”哈哈哈
輕描淡寫\\
家幾能就自然”雞旦揀骨頭”再申一腳
陰國佬殖民狗洗腦教育一流掛
阿伯都是受害人

無神論狂徒

黑老大叫到，協力打咀砲，點都要打幾咀，身體還是要老老實實。
老美以共享情報嚟威脅身邊啲奴隸國，聲稱一用華為貨，就唔分享情報，但似乎收不到成效。而所謂五眼聯盟都係互助合作，你唔分享情報，人家亦不會分享情報，美國這種綁架式要脅，仍走不出七傷拳套路。自美國打出極限施壓，看不出對美國本土有多大利益。拖中國後腿，自己也慢下來。

我看美國現在只有把咀硬，實在上是處于下風。連默大嬸都出席一間大學演講，不點名硬插老美一棍。李顯龍昨日又跑出嚟叫老美冷靜啲。叫老味改變思維。
眼下所見，老美除口硬外，根本無力面對中國削弱美國本身影響力。

https://orientaldaily.on.cc/cnt/ ... 0601_00180_001.html

飛毛腿

前高官王永平在報章發文、說中國批評美國傾全國之力打壓華為這間私人企業、並不合理。無論点樣解釋、美國和 ...
public 發表於 2019-5-30 10:39 PM

陰國佬殖民地年代就專培養呢 D 奴才
呢 D奴才冇咩智慧嘅，只係話頭醒尾，識睇鬼佬上司眉頭眼額
舔鬼頭上司就最叻，當班鬼係上帝咁拜
的確係嘅，班鬼係佢哋嘅命運之神，衣食父母
好似許冠傑首歌咁唱 ： 得到佢睇起你，你有前途。。。。

幾年前，普京講過 ：
我以前以為 （蘇聯年代）西方針對我哋，係意識形態嘅分別
～ 共產主義同資本主義嘅鬥爭
但家下我哋嘅政制同西方完全一樣，西方依然敵視我哋
咁就唔係意識形態或者政治制度嘅鬥爭
我家下明白係資源嘅爭奪，不同民族嘅鬥爭

委內瑞拉唔係共產國家，完全係西式政制
伊朗係總統制，內閣政府嘅體制，同法國德國一樣
你話伊朗嘅宗教跟老味唔同，所以敵對
咁沙地阿拉伯班中東油王同老味嘅宗教都係敵對嘅，但中東油佬卻係老味嘅盟友
所以政制嘅分別唔係敵對嘅原因
係你肯唔肯向老味跪低叩頭，做老味嘅奴僕
你肯做奴僕，老味就當你係所謂 「盟友」
睇下，德國丶日本丶韓國丶中東油佬，有老味駐軍嘅
好聽嘅咪叫做盟友囉，其實就係奴才，睇老味面色做人
唔睇老味台戲嘅，老味就成日喊打喊殺，就好似古巴丶朝鮮丶敘利亞丶委內瑞拉丶伊朗等
至於中俄呢種大孖沙，喊打喊殺係嚇唔到佢哋嘅
咁就用經濟手段對付
只係老中今時今日嘅經濟體量，老味唔係咁易打壓到
老味家下打嘅係七傷拳
睇下佢自己吐血先，定係老中吐血先

public

前高官王永平在報章發文、說中國批評美國傾全國之力打壓華為這間私人企業、並不合理。無論点樣解釋、美國和西方國家不會相信一個由黨領導的中國, 會容許企業不聴黨的話。。。中國體制不變、這個信任問題不會消除。 ——- 真係不知所謂，言下之意，美國及西方國家就不會向企業打壓！

飛毛腿

早前先話有傳聞fedex同FBI定係CIA合作，將可疑人既件先送去呢兩個機構檢查(會唔會加偷聽器之類就無講)，檢 ...
anakin 發表於 2019-5-30 03:51 AM

唔只係 FedEx，基本上所有老味企業都會同 FBI丶NSA 之類情報部門合作
唔合作都冇用，情報部門會去法庭申請搜查令
識時務者為俊杰，富不與官爭，得罪官方部門就聽以後被諸般針對打殘
衛報記者 Glenn Greenwald， 就係嚟鄉港會見登仔做獨家訪問果個記者
佢報導過，登仔親眼見到情報部門將一件包裹攔截
包裹裏面係路由器，情報人員將一 D Beacon （ 信標）裝置植入去
然後重新將包裹包裝好，收貨嘅人唔容易察覺到路由器已經俾人做咗手腳
老味做呢 D 事駕輕就熟

無神論狂徒

我信。
早幾人斯諾登駕臨香港都爆哂料，美科企全部有同美政府合作，設後門比美國政府入去睇。呢個係所謂荾鏡計劃。
美國會利用國內巨企去監察全球係好正常。
而美國在科技上打擊華為及中國高科巨企原因係一旦全球改用華為通訊，等同癈除美國荾鏡計劃。用襧下流手段都在所不借。