老習指示香港力爭成為高科技產業城市同深圳大灣區等融合

無神論狂徒

香港人才有， 錢有，法治好，商業活動自由，稅率輕而簡單。

但香港鐵定搞不到似樣嘅科研。
鎅靚女先痾尿是常識，痾來照照尊容，再看看銀行戶口有多少個位數字，香港政府先要諗諗你憑乜嘢吸引人才留低或來港搞科研？
過去香港政府根本未想過自己有幾多料。

首先要了解科研係乜先，港府根本冇了解過，科研係燒錢嘅活動，冇人知研究會唔會有成果，亦唔知成果能否有商業化，就算商業化了，也不知市場是否接受，簡單講，科研就係高風險活動。
所以發展科研重點係，錢可以燒幾耐。燒得愈耐，成功機會愈高，而香港完全冇呢種優勢，香港只有缺點。香港生活成本係點？地價呢？香港租個豆潤地方可以响深圳遍遠地方租大十幾倍，工作人員要住，呢啲又係錢，你可以比幾多錢去燒？

香港唔係冇人才，只係環境唔到呢班人才發展科研，有野心嘅人才就蟬過別枝，唔想走嘅人材就留港做啲低三下四嘅研究，或者去做銷售佬賣科技嘢
，永遠做不了一些核心科研項目。
再講，香港教育制度都唔係適合孕育呢方面人才，香港只適合孕育樣樣都識啲嘅人才。香港教育制度係你要先搞掂通識，先準再讀上去。但係真正嘅理科天才，係討厭文科，呢啲天才响呢個遊戲規則下被淘汰。呢個唔係我講，係我見過一個心理學家，見好多個案，佢有呢個結論。香港教育制度浪費咗好多科研天才。
再講，香港係個功利社會，做任何時情，都先講有冇錢搵，但係好多科研係冇人知再鑽研落去，能否商業化，會否有結果，這就使投資者卻步。香港炒賣過日子，錢快賺易搵，為何要去燒錢做一些無底洞的事情。

但係最大問題都係第一點，生活成本太貴，地價太貴。絕不適合搞科研，香港要搞，極其量只能搞啲下三流啲研究。港府亦冇呢種能力眼光去搞，當年數碼港只係利益輸送嘅豪宅項目。科技園落成了，我去過見客，個客係遊戲點數咭，幾巴閉。係有啲租客係搞科研，但咁耐以來都搞不出甚麼大研究出嚟。要做到大科研，政府是問題關鍵，而政府已經係一隻老狗，學不了新把戲，永遠蕭規曹隨。香港搞科研只係假大空。