北韓，美國，開戰?

Bjbook

大家討論。

das_reich

Brother Bjbook : 至這刻自己認為是不會 。 只是兩個一老一嫩的儍肥佬, 在拍檯

拍櫈罷了 。 肥仔金 要有核導彈是純為自保, 怎會儍更更先去扔出四粒到 關島, 而令到

特狼普 有藉口去郁他 。 況且 老尾也不是話郁便能去郁。 特狼普 這趟就真是衰亂噏嘞 。


很多股民就多得這一老一嫩的儍肥佬不少 。

:masuk

我谂起细个时，两个傻肥仔相怼的场景:
握紧拳头，绷紧全身肌肉神经，怒目对视，咀喷一句:够胆来呀!

無神論狂徒

北韓國土太細，冇戰略深縱，先打核戰等如滅族。金仔應該明啩坐得呢個位。
打常規戰，金仔冇航母，數嚟數去只有核武。
佢口口聲已經微型化咗核彈，可以塔載上導彈。亦聲稱研發出氫彈，我抱高度懷疑，因為果次佢話氫爆，但得果幾千噸TNT級數，比幾十年前老美個小男孩同伴子呢啲裂變彈比，差成萬噸。
理論上要把氚引發聚變，係要以極高溫加熱氚，使其氚高速互撞產生聚變，現時的聚變彈都係以小型核裂變彈製造高溫，即是要爆氫彈，首先要有一個核裂變彈，所以氫彈因技術問題，炸起嚟冇得細。起首過百萬噸TNT，你想細威力都冇可能。百萬噸氫彈係基本入門級數。所以北韓得果幾千噸，我睇吹水居多。

無神論狂徒

唔理佢堅定流，當佢真係有核導彈加氫彈。佢北韓只能用嚟自保，如果被滅，正常諗法係我橫死掂死，不如攬炒啦。所以金仔揸著核式，只能用作睇門口，不能用嚟攻擊。
又睇番老美，如果老美出核武，老中、老倭同泡菜佬唔會比你射。老美敢射，老中一定比反應，南韓會企埋老中身邊做嘢。俄佬亦唔會比老美响佢春袋度打核戰。而老倭同老歐最多打吓咀砲，老倭契爺要射，老倭可以點，而老歐就會認為事不關己，射飽佢，最多打吓咀砲。

無神論狂徒

我奇怪，點解金仔突然核技術咁勁，唯一解釋係背後有人過料比佢。而背後高人是誰呢？
有可能係金仔派出特工索到堅料，把技術帶回國。只係核技術可以滅世，理應攞唔到。
如果係金仔自己研究出嚟，似乎解釋唔到點解佢導彈技術同核技術同時突然進步神速。
我睇應該係有人專登放料。
邊個會係最大得益者？

無神論狂徒

响金仔啲街坊一定係受者，冇得益。老中唔會比，俄佬唔會比，老倭亦唔會比。
遠嘅係而又有核技術要去到老歐、老美。
呢兩個懷點最大，不過以老美霸權去睇，加上老中近幾年同老歐眉來眼去，老美會得益較大，
我都想過，老美比核技術金仔，對老美本土都唔係好事。不過想深一層，金仔國土面積細，你金仔真係敢射，老美可以响半小時內剷平金仔屋企，再加上老美攔截技術，老美本土被核打擊嘅傷害唔會好大。最多幾個重要城市被剷平。金仔都知個推論，所以金仔有核武，惡唔出樣。最多攞嚟攬炒。

無神論狂徒

但係金仔一有呢啲技術，就也文也武，搞屎棍，老美就大條道理插手亞洲，整亂你老中地頭，順手揸北極熊春袋。對老美嚟講，佢得益大一啲。

飛毛腿

老味打唔打朝鮮，完全唔會考慮朝鮮本身
唯一要考慮嘅因素就係中國
以前都會考慮埋蘇聯，但今日蘇聯變俄羅斯
北極熊嘅態度變成次要
但如果中俄聯手，老味就只有縮，冇得搏

朝鮮之可以生存
因為有呢個護身符 ：

《中朝友好合作互助条约》(以下简称《条约》)处在什么状态，北京对它是什么态度，不断引起中国国内学者和国际舆论的热议。

　　《条约》是中朝两国政府于1961年签署的，经1981年和2001年两次自动续约，它下一次到期是2021年。《条约》的第二条规定：“缔约双方保证共同采取一切措施，防止任何国家对缔约双方的任何一方的侵略。一旦缔约一方受到任何一个国家的或者几个国家联合的武装进攻，因而处于战争状态时，缔约另一方应立即尽其全力给予军事及其他援助。

飛毛腿

但係金仔一有呢啲技術，就也文也武，搞屎棍，老美就大條道理插手亞洲，整亂你老中地頭，順手揸北極熊春袋。 ...
無神論狂徒 發表於 2017-8-12 12:56 PM

當年金太陽年代冇核武器，乜叉都冇
老味一樣要打殘佢
老味有把握而又想打，求乜其生安白造一個理由就可以去打
睇下伊拉克嘅薩達姆，利比亞嘅卡達菲，敘利亞嘅阿薩德。。。。

肥仔金家陣嘅所謂核武器，叻哂都只係原子彈
原子彈同氫彈係兩回事
原子彈嘅破壞力唔似一般人吹得咁大
炸完嘅輻射亦唔係講得咁恐怖
睇下當年老味炸廣島丶長崎
過後冇幾耐，當地日本人咪又係咁繼續居住生活
而死嘅人，根本唔及老味狂轟東京死咁多人

所以，晌行家眼中，肥金嘅所謂核武器係小兒科
只係用呢個藉口去鞭撻制裁佢