免費論壇 繁體 | 簡體
Sclub交友聊天~加入聊天室當版主
分享
返回列表 發帖
隨即,周恩來以中國政府名義寫信俾神油國,提出各自後退嘅建議
尼赫魯拒不接受,佢覺得老中軟弱可欺,於是加強邊境武裝挑釁
老毛仍然按原先建議,自己單方面向後撤退 20公里

1960年 1月, 老毛又下令一系列令人出乎意料嘅措施 :
中方控制嘅 20公里內,不巡邏,不演習,不打靶,不打獵
遇有神油軍入侵,先提出警告,勸其撤退,勸阻無效後解除對方武裝
再經勸告後,發還武器,讓其離去

好多人都唔明老毛咩葫蘆賣咩藥
好多軍佬谷到袋都爆,咁樣係助長神油佬嘅氣焰,真係未打先輸
不過,跟老毛打天下嘅人都知道,老毛嘅策略好多時都係鬼神莫測
當年老毛率領極度弱勢嘅紅軍,俾刮民黨追殺
紅軍武器落後,彈藥缺乏,人數少
而刮民黨人強馬壯,彈藥充足,人數眾多
紅軍往往靠老毛神出鬼沒,高深莫測嘅策略殺出重圍

1961年老中多次向尼赫魯提出和談,大家執行隔離建議,避免衝突
神油佬拒絕
1962年,老中單方面向後撤退 20公里已經近兩年
呢兩年神油變本加厲向邊界增兵蠶食
而老中呢三年就苦過 de de
大躍進失敗,經濟倒退,加上三年自然災害,糧食減產
老中陷入內外交困局面
神油佬喜上眉梢,加快吞食中國領土
神油軍已經越過東邊麥克馬洪線,進入西藏扯東地區
1962年 8月, 神油軍已經晌中國領土建立 100個據點
呢 D 據點只距離中國哨站幾十公呎甚至幾公呎遠,真係 face to face 咁對峙
有 D 據點更離譜,去到中國哨站後面
神油佬得寸進尺, 如入無人之境

當年運籌帷幄,指揮若定,靜如處子,動若脫兔嘅老毛好似變成癡呆咁
任人打都唔還手 ?

TOP

1962年6月中,老味情報部門察覺老共晌東南沿海出現頻密軍事調動
呢次調動被認為係朝鮮戰爭以來最大嘅軍事調動
老味情報部門向國務卿報告
提議國務卿 嚴肅看待中共的意圖
情報部門認為中共可能要出其不意奪取金門或馬祖,或者兩者兼得
老味國務院通知駐呆灣大使,盡快約見蔣該死
提醒老蔣,中共軍隊在福建大規模集結,非常可能要對一 D 島嶼發起進攻
老味各部門忙碌索料分析,始終摸唔清中共嘅意圖

唔知老味想摸底抑或想安撫老共唔好衝動
老味要求陰國佬轉告北京 : 外間傳聞中華民國 (呆灣)要進攻大陸
美國政府在目前情況無意支持呢種進攻
~ 陰國政府在 1954年跟中國建立代辦級外交關係,所以有外交溝通渠道

一直有傳聞蔣該死要趁大陸困難時期發動反攻大陸
所以神油佬覺得呢個係絕佳機會向西藏邊界發動進攻搶奪領土
老味覺得老共可能想先發制人,搶奪金門馬祖,壓制刮民黨

6月23日,波蘭華沙,老味談判代表向老中代表保證 :
老味唔會支持老蔣向大陸發動進攻,老味唔願意再見到一場世界大戰
如果老蔣執意要進攻大陸,老味可以跟老共聯手制止佢
為咗顯示老味真係唔支持老蔣挑釁大陸
老味總統甘迺迪發表公開聲明 :老味唔支持老蔣進攻大陸
本來想混水摸魚嘅老蔣當然谷到爆
而赫魯曉夫條友乘機抽水
譴責老味支持呆灣老蔣向大陸挑釁
中共會得到社會主義陣營嘅支持嘅
~ 信佢講就聽乞米

點解老味突然咁怕兩岸打起嚟 ?
因為老味面對赫魯曉夫嘅咄咄逼人,自己個後欄隨時著火
老味收到料蘇聯同古巴達成協議,要晌古巴部署導彈
咁就有如一把利劍插向老味個袋
9月2日,蘇聯宣布向古巴提供武器並提供技術專家支援
9月4日,甘迺迪公佈古巴政策,不容許古巴部署危害老味嘅武器,必要時老味會向古巴採取軍事行動
9月5日,一艘蘇聯貨船運載一批中程彈道導彈抵達夏灣拿
9月8日,另一艘蘇聯貨船又抵達夏灣拿
9月12日,蘇聯塔斯社譴責老味蓄謀入侵古巴,警告老味 :入侵古巴意味戰爭
9月13日,甘迺迪發表聲明 : 只要威脅到老味安全,老味將採取行動

9月13日,神油國軍隊大舉越過麥克馬洪線,在西藏東扯地區設立軍事據點
神油軍向中國邊防部隊開火
神油佬趁全世界焦點集中在美蘇古巴危機
成機發動進攻,搶奪中國領土

TOP

精彩,期待後續

TOP

10月 16日, 甘迺迪接到經核實確認嘅情報
蘇聯開往古巴嘅貨船載有攻擊性導彈
進一步情報認為只少有 1,600 隻或者多至 3,200隻射程 1,000 哩嘅導彈
呢個射程直接威脅老味本土核心區域
甘迺迪同幕僚開會研究後決定封鎖古巴沿海
再施加軍事同外交壓力, 迫蘇聯放棄計劃在古巴部署導彈

10月17日,中央軍委由老毛主持高層決策會議
最後決定由 「對印度要克制」方案轉為反擊方案
中央軍委簽發 「殲滅入侵印軍的作戰命令」

10月20日清晨,西藏軍區司令張國華下達對神油軍反擊命令
中方陣地即時千炮齊發,山搖地動
中午時份,解放軍佔領克節朗河正面所有神油軍陣地

10月22日, 甘迺迪下令全面封鎖古巴,古巴導彈危機爆發
同日,中國政府發表聲明 : 由於印度軍隊越過麥克馬洪線侵佔中國領土
並向中國邊防部隊發動大規模進攻
為咗制止呢種侵略行為,中方軍隊發起自衛還擊
中方軍隊戰鬥中,無必要受到非法的麥克馬洪線約束

10月20日老中發動還擊戰鬥,至 22日,唔夠三日
神油國王牌軍第七旅全軍覆沒,旅長被生擒
克朗節河以南,駐守有神油軍三個步兵營加一個炮兵旅,約 4,000人
呢班人聽見第七旅已經被全軍殲滅,即刻向南邊作鳥獸散
10月 24日, 解放軍佔領東新橋
10月 25日, 解放軍進入達旺
邊界東邊戰線,解放軍五個營兵力越過麥克馬洪線,向神油軍發動攻擊
駐守該區嘅神油軍五個營兵力,一見到解放軍就豕突狼奔,瘋狂逃命

TOP

10月 24日, 老味海軍出動航空母艦丶空軍丶幾百艘軍艦對古巴領海實行封鎖
同日,聯合國秘書長宇丹向美蘇建議雙方暫停行動
建議蘇聯暫停向古巴運送武器三星期,老味暫停封鎖

10月24日,周恩來向尼克魯提出三項停火建議
尼克魯拒絕,反而向邊界增兵

10月25日,赫魯曉夫表示接受宇丹建議
10月26日,甘迺迪重申要撤走在古巴嘅蘇聯武器
同日,美軍攔截古巴封鎖線外一艘蘇聯租用貨船,登船檢查
當晚,甘迺迪接到赫魯曉夫親筆信,老赫承認古巴有蘇聯製嘅導彈
表示蘇聯決不再向古巴運武器,現有嘅武器可以撤除或銷毀
10月27日,蘇聯外交部向老味發出正式文件
要老味撤出在火雞國嘅導彈,作為蘇聯撤出古巴導彈嘅交換條件
同日,一架老味 U2偵察機被古巴擊落,駕駛員死亡
甘迺迪向蘇聯發出最後通牒,除非 蘇聯 24小時內保證撤出古巴導彈
否則三日後老味就採取軍事行動
10月28日,莫斯科電台廣播赫魯曉夫同意撤走古巴導彈

TOP

本帖最後由 飛毛腿 於 2017-7-23 21:54 編輯

11月14日,神油軍增兵完成,覺得自己兵強馬壯
神油指揮官信心十足,向解放軍發動攻擊
解放軍還擊,神油軍立地成佛
11月 16日,解放軍摧枯拉朽般痛擊神油軍
神油軍指揮官第四軍軍長掉低部隊,自己同其他高級軍官搭運輸機逃命
軍長帶領嘅 11旅 全軍盡墨

11月19日,尼赫魯向全國講話 :
我不得不把新的挫折告訴大家,兩支中國軍隊開進東北邊境地區……
我們丟了呢度 …… 果度又失守 …… 中國軍向我們發動猛烈攻擊
局勢是嚴重的,使人傷心的。

11月 20日 ,尼赫魯寫親筆信俾甘迺迪,呼籲老味提供緊急軍事援助
神油政府下令東北地段各邦緊急疏散人口
兵荒馬亂,有錢嘅收拾細軟逃命,冇錢嘅冇乜所謂,賤命一條
不過,好多人都驚炮彈冇眼,總之亂成一鑊粥咁
而神油國核心地區,傳聞話中國軍隊已經出現晌新德里外圍地區 50 公里左右
神油佬嚇到賴尿咁滯
~ 其實應該係有錢佬先會驚,聽聞共產黨會殺有錢佬丶地主,窮鬼同賤民冇乜好驚

11月20日,由於蘇聯運走古巴導彈,甘迺迪宣布結束對古巴領海封鎖
11月21日,蘇聯對軍隊解除動員令
古巴導彈危機結束

11月 21日零時,中國政府發表聲明 :11月22日零時起,中國邊防部隊在中印邊界全線停火。
尼赫魯粒聲唔出,冇話接受停火,又冇話唔接受
其實佢講乜叉都冇用,係中國單方面停火,你接唔接受都冇影響
前線你已經全軍覆沒, 唔接受又點 ? 再打過呀 ?

TOP

本帖最後由 飛毛腿 於 2017-7-23 12:40 編輯

上面列出嘅時間表對照老中向神油國反擊
跟古巴導彈危機係出奇咁配合
呢個對照係後來嘅人,事後孔明觀察出嚟
事件進行過程中,除非有超高觀察力嘅人
否則好難將兩件事聯想到一齊

家下返轉頭睇,老毛對神油佬忍而不發係等待時機
美蘇因古巴導彈引發危機,對老中係機不可失
老毛敏銳咁抓住一閃即逝嘅機會,向神油佬發出雷霆一擊
作戰方案大概早就部署,無數次反覆檢驗各種細節
等嘅只係機會
老毛亦唔知美蘇嘅危機要對峙幾耐
但兵貴神速,閃電出擊,打殘神油佬,唔可以等美蘇有機會插手

美蘇導彈危機可大可小
最小都可能引起西方集團同華沙集團被拉入全面戰爭
大嘅可能爆發美蘇核大戰
所以美蘇兩國唔敢掉以輕心,全力專注危機發展
神油國呢種地緣局部糾紛變成非常次要
美蘇當時唔會分心處理,你哋打餐死先,事後再執手尾
神油國嘅糾紛唔會影響美蘇嘅核心利益
老毛的確係天才,睇通睇透國際形勢

至於神油佬,都費卵事講佢
不知天高地厚,唔知自己幾斤幾兩
尼赫魯受到重重一擊,含欖都冇味
兩年後,鬱鬱而終,歸西

赫魯曉夫,正一係鱷魚頭老襯底
係威係勢抬 D 導彈去古巴威脅老味
你明知老味一定會強烈反彈
如果話你諗唔到老味反應咁激烈,你嘅智商真係堪憂
到老味擺出搏命格時,老赫就縮沙
咁點做老大 ?
呢一鑊之後,赫魯曉夫晌蘇聯國內聲望大跌
蘇聯嘅權力鬥爭激烈,赫魯曉夫本來就得罪唔少人,政敵多多
~ 難怪老毛一早就睇佢唔順眼
終於兩年後,赫魯曉夫俾人踢落台

TOP

事後睇返,老毛晌福建大動作調兵
估計用意就係吸引老味注意力
等老味判斷老共要對金門馬祖有軍事行動
其實老毛想郁手嘅係西南邊,教訓神油國
呢招二千年前班超用過嘅聲東擊西
  
老蔣念念不忘要反攻大陸就唔係傳聞
老蔣的確想咁做,但要老味契爺全力支持先得
老味唔係傻嘅,知道老蔣係咩貨色
當年老蔣晌大陸掌權,控制全國財政行政軍事
有正規軍四百幾萬人,有老味支持嘅美式先進軍備
一樣俾老毛帶領嘅共軍打到一仆一碌,最後要逃命去呆灣島
財政民生就搞到一鑊屎咁
家下匿晌呆灣得個幾十萬殘兵敗將,想反攻大陸 ?
唔通要老味派百萬大兵替你打江山 ? 發夢去啦   

老蔣就好似輸咗大半副身家嘅賭徒咁,唔服輸
總覺得有賭未為輸,連贏幾鋪就有機會翻本
佢覺得呢段時間係機會
中蘇關係破裂,老共冇靠山,內憂外患
老蔣只要搶到沿海幾個據點,建立根據地,加固根據地就有機會同老共再打過

以前睇過 D 國共内戰嘅書,有樣嘢好好笑
老蔣輸完一鑊又一鑊,兵敗如山倒
佢鼓勵手下將領,成日都話 :
大家唔好氣餒,半年左右,世界局勢會起變化,會打第三次世界大戰
到時老味會傾力支持我哋,唔會容許中國變成共產國家
老蔣心目中成日認為美蘇爭霸,始終會爆發美蘇戰爭
佢都唔諗下,剛剛打完二戰幾年
歐洲一片廢墟,打仗死咗一大批年輕力壯嘅男人
勞動力短缺,仲話再打一次大戰 ?

老蔣唔理老味反對,一意孤行
呢年 10月至 12月,佢派出 9 批特務帶同槍械丶通訊電台由高雄坐船出發
去廣東沿海幾個地點登陸
老毛痛打神油佬之餘,一樣有餘力清掃刮民黨呢批垃圾
將佢哋全部剿滅,老蔣血本無歸,又輸清光
1963年蔣經國去老味訪問,獲甘迺迪接見
甘迺迪問佢哋對大陸嘅騷擾行動成績如何
蔣經國依依鵝鵝話唔係算成功
問佢傷亡率如何 ? 佢答 :傷亡率 85%

TOP

美國有關1962年中印戰爭嘅文件解密
有人發覺原來果場戰爭,老中基本上係以一敵三
處於絕對劣勢,點解咁呢 ?

原來之前,蘇聯向神油國提供 13個陸軍師丶 2個空軍師嘅全套武器裝備
老味要擴展自己晌中南亞嘅地區影響力 ~老味要做主導者
一直想拉攏神油國呢種非共產國家
老味知道蘇聯向神油國提供武器援助
三日後,決定以北約名下一個亞洲軍事委員會名義向神油國提供 18個步兵旅嘅美式裝備
~ 其中一 D 裝備係英軍二戰剩餘物資
蘇聯仲派出軍事顧問專家培訓神油武裝部隊

萬千寵愛在一身,神油佬飄飄欲仙
地球上軍事力量最強嘅兩個超級強國,對神油國呵護備至
而對手只係由農業國起步想工業化嘅中國,又窮裝備又落後
~神油佬唔記得咗 12年前朝鮮戰爭嘅老味都係咁諗
尼赫魯心花怒放,自信心爆棚,幻想神油國已經邁向亞洲超級強國

終於,老毛大手一揮
巨靈之掌一巴打落神油佬塊面
呢個傷痛到今日仍然令神油佬耿耿於懷

TOP

飛哥你曾經說過老毛係中國數百年一遇的軍事奇才,但今時今日,軍事力量舆政治環境不同, 我們是否仍找到像毛一様天才都是一個問號

TOP

返回列表