老佛爺祝壽

飛毛腿

大陰帝國老佛爺今年 91大壽
雖然 4月 21日先係生日正日
以往鄉港係殖民地年代
每年4月除咗復活節長假外，仲有一日事頭婆壽辰假日
通常 2月份左右啱啱放完農曆年長假，隔個幾月又有幾日長假
打工仔夠晒爽
而事頭婆生日，對港燦唯一嘅意義就係有假放

前日，陰國再補一次官方慶典賀壽
話時話，大陸其他地方嘅風俗係點就唔知
鄉港似乎唔會有咩補祝生日呢回事
好耐以前，我盲毛黑七同個同事講 ： 不如過兩日請阿乜水食餐勁嘅，當補祝佢上星期生日
同事就噴我 ： 黐線嘅，邊有人過咗生日去補祝㗎
吓 ？ 點解唔得呀 ？
答 ： 咁即係做後事呀，人哋大吉利是你呀
原來有咁嘅禁忌     

飛毛腿

陰國人信耶穌， 睇怕冇呢種禁忌
所以，過咗老佛爺生日，一樣要隆而重之去賀壽

陰國王室族群繁衍，一大棚王親閣戚
不過，企晌白金漢宮影全家福嘅就只有嫡系嘅金枝玉葉  ：

飛毛腿

曾經嘅世界老大
雖然一個酸梅兩個核，今時唔同往日
大陰帝國光輝不再
但排場唔能夠寒酸，唔可以失禮人
～ 只不過，我就唔知呢 D 開銷喺王室出呢， 還是政府出。。。。
王室大把錢，老佛爺係世上最富有嘅女人之一

飛毛腿

今次唔係坐架金馬車
睇怕架金馬車係招呼外國貴賓用嘅

飛毛腿

講起架金馬車
床破本來預算 10月去訪問大陰帝國
佢指定要坐架金馬車過下癮
老中個習近平去訪問，坐金馬車住白金漢宮
連韓國朴阿嬸去到都坐金馬車
堂堂世界老大嚟到，你唔用最高規格招待成何體統 ？

不過，陰國政府就牙痛咁聲
俾個理由就話金馬車冇防彈玻璃
你老味咁多仇家，叫我點防呀 ？
上次奧黑嚟訪問，都坐自備嘅防彈防爆車，唔坐金馬車

其實陰國政府仲有其他難言之隱
陰國國內好多人連同反對黨都反對床破嚟訪問
而且床破舉動粗鄙，視外交禮儀如無物
容乜易跟老佛爺見面嘅時候發咩脾性，亂噏一通就含得欖嘞
所以陰國政府就依依鵝鵝，支吾以對
最近見到報導話老床發脾氣 ： 刁，唔去陰國嘞

飛毛腿

嗱，老床就係要呢種排場，呢種待遇 ：

Bjbook

謝謝。

飛毛腿

大陰帝國今年真係運滯，唐寧街冇餐安樂茶飯食
3月，一條友開車衝上西敏寺橋撞死幾個途人，撞傷幾十人
跟住衝向國會大樓大閘，最後俾警察開槍打瓜
5月 22日，曼徹斯特體育館開演唱會
啱啱散場時份， 體育館門口發生爆炸
最後 22人死， 59人傷
上兩星期， 6月 3日晚，一架貨van 衝上倫敦橋撞向人群
然後三條友落車衝向一間酒吧外斬人
最後警察趕到開槍打瓜三條友
好彩陰國控制槍械比較嚴
如果好似老味咁下下出動長短火去襲擊，咁就死得人多
不過，家下呢種恐怖襲擊用一輛車，幾把刀就可以出動
真係防不勝防

陰國佬驚魂未定  
上星期又整一鑊沖天大火災
幢樓 24層高，唔算矮啦，點知由底燒到頂，燒通頂
燒足成晚， 燒剩個石屎廊
燒死幾多人到今日都未肯定
睇怕有 D 人燒成灰，搵唔返

大陰帝國上下 （ 除咗蘇格蘭 ）呢個時候就算唔係愁雲慘霧，起碼係烏雲蓋頂
不過，老佛爺大壽大過天，點都要賀賀佢
或者佢哋好似中國佬咁諗，呢排咁衰，要辦喜事沖喜一下
只係倫敦好多陰國人，個心噏住噏住，好難笑得開口   

飛毛腿

講起成幢樓燒通頂， 我親眼見過
好多年前，有一晚我晌彌敦道近佐敦道附近
就係近舊普慶戲院果度
見到前面一大堆消防車，街角位企滿一堆人睇熱鬧
埋去一睇，原來下一條橫街有一幢樓火燭 ，果條橫街已經封咗俾消防車救火
幢樓大概有七八層， 估計係舊式唐樓
我未見過一層樓竟然由底到頂都著晒火，好似一枝蠟燭咁
就好呢次倫敦呢幢樓咁 （ 見下圖），只係倫敦棟樓24層，高得多
近距離睇先感受到火嘅威力
後尾睇報紙報導話幢樓係吉樓，已經冇人住
我就唔明，既然係吉樓冇人住，樓內就冇傢俬
點解仲燒得咁旺盛 ？




呢個情景好似我當年睇幢樓火燭咁
不過，我當日企嘅位置距離火場更近一 D

維圓阿伯

肥彭揸粒時佐敦嘉利大火重大獲
敦倫沖天大火災源頭是外牆金屬夹板內的發泡膠
冇事就好好地,隔熱保溫又平又正
點起火頭就火燒連環船大檸樂
大英帝國首都風聲鶴淚
最新一單耶穌教白佬飛車撞回佬,
正式鬼打鬼,正常人唔好去了
貝理雅 種樹後人涼,英國佬而家涼到震添
我等港燦贈佢兩句,
物極必反,善惡到頭終有報