免費論壇 繁體 | 簡體
Sclub交友聊天~加入聊天室當版主
分享
返回列表 發帖
歐佬扮正人君子扮上癮啩。

TOP

剛才睇新闻,好惨好惨

TOP

中美開會,老床柯打炮打敘利亞,之後轉頭出去見習帝,老中一路都主張政府同反派4466坐低拆掂壇嘢佢,老床就唔比面,响你老習嚟之前炮打敘利亞,兜巴刮落去老習塊皮度。
老習4襾撥千斤,回敬老床,話敘利亞政府用化武傷及無辜,你老床出砲我理解嘅。
就咁化解咗呢一巴。
潛台詞係,你要炮打敘利亞,同北極熊唔妥咋,嗱,唔關我事呀,我唔撐你㗎,你班恐怖份子怨有頭債有主,去搵老床算帳好嘞。亦冇靠邊站,冇得罪老床,破壞會面。
老江湖也。

TOP

中美開會,老床柯打炮打敘利亞,之後轉頭出去見習帝,老中一路都主張政府同反派4466坐低拆掂壇嘢佢,老床就 ...
無神論狂徒 發表於 2017-4-8 08:56 AM


你有冇搞錯 ?
你樓上條友同你隔離屋嗌交
樓上條友攞樽紅油潑你隔離屋度門
你會唔會覺得人哋兜巴摑落你塊面度  ?   
   
俄羅斯晌敘利亞有軍事基地,有駐軍
呢年幾時間,北極熊戰機狂轟反對派同 ISIS 霸佔嘅地頭
地面就由北極熊特種部隊指導敘利亞政府軍去打地面戰
北極熊出錢出人去幫敘利亞政府
明知道北極熊嘅地頭
老中唔會涉入太深, 以免惹起北極熊疑心老中想插隻腳落嚟

老味今次炸嘅空軍基地就有俄羅斯軍事人員駐紮
只不過老味事先通知咗北極熊,叫佢撤走自己人
雖然如此,對北極熊都係極大挑釁
奧黑年代,老味都係遮遮掩掩話要炸恐怖份子 ISIS
然後有意無意去炸敍利亞政府軍,過後就話誤炸
但今次就擺明車馬,目標係敘利亞政府軍空軍基地
連反恐藉口都唔用
俄羅斯已經去聯合國安理會指控老味入侵敘利亞,違反國際法
同時間,北極熊隻護衛艦駛去老味果兩隻戰艦所處嘅海域
今次發射戰斧巡航導彈係由兩隻老味驅逐艦
家下北極熊隻護衛艦就駛過去
睇下點嘞

TOP

本帖最後由 飛毛腿 於 2017-4-8 23:41 編輯

舊年 9月,老味向敘利亞政府軍空襲
北極熊粒聲唔出
9月 20日, 一艘停靠敘利亞沿岸嘅俄羅斯軍艦突然發射三隻巡戈導彈 (Caliber missiles )
三隻導彈命中敘利亞阿勒頗山區一個隱蔽作戰指揮中心
呢個架步係老味聯同陰國丶沙地阿拉伯丶火雞國丶以色列幾個國家軍事人員嘅協同作戰指揮中心
始終唔可以明正言順咁去參戰,唯有隱蔽咁做幕後去指揮敘利亞反對派做炮灰
所謂敘利亞反對派,接受老味佢哋資助同武器裝備果時就係反對派
轉下頭,換件衫就係 ISIS, 或者阿蓋達基地組織
呢樣嘢大家心知肚明

北極熊呢次回應係失驚無神射三隻導彈過去
呢班多國嘅幕後指揮軍官就當堂一鑊熟, 炸成骨灰 ,死咗 30人
仲要幾國都床板夾膥袋,唔出得聲
所以,惹㷫隻北極熊,後果難料
今次睇下普京會唔會報復, 點報復

TOP

玻利維亞個代表好野!

https://m.youtube.com/watch?v=FLUKvePLRPc

TOP

本帖最後由 飛毛腿 於 2017-4-9 22:28 編輯

回復 16# anakin

2013年,老中替玻利維亞發射一粒衛星
對於一個南美小國,擁有一粒自己嘅衛星簡直係光宗耀祖嘅大事
所以玻利維亞總統一早就去到中國
發射衛星果日,去到西昌衛星發射中心全程觀看
成功發射後就致辭
開頭當然係多謝老中支持佢哋呢種微不足道嘅小國
講下講下變成控訴大會, 控訴老味
佢話曾經有老味政客話 :玻利維亞呢種失敗國家根本唔應該存在於地球上,由得佢哋滅亡算嘞



2013年,登仔逃亡去莫斯科
7月份, 玻利維亞總統去莫斯科出席世界天然氣出口國峰會
走嘅時候,唔知點解有人傳出話登仔躲藏晌呢架總統專機度逃亡去南美洲
於是,玻利維亞總統專機經過歐洲時,俾多個歐洲國家拒絕過境
最後去到奧地利境內,奧地利迫降架總統專機
奧地利警察要上機搜查
如果唔俾上機搜查就唔准架機起飛離開
睇下,乜七外交豁免權丶國際法,晌白鬼眼中就係姨媽巾
需要時就攞嚟用,用完就掉
係 D 腦殘含洋奴先會當歐洲係文明社會
呢一鑊被玻利維亞人視為國恥

TOP

上面提到嘅「 白頭盔」( White Helmets) 其實係班戲子佬
~ 換件衫就係恐怖份子
youtube 上面都有短片踢爆佢哋搵人扮傷者
然後話係俾敘利亞政府軍濫殺嘅平民

前幾日,瑞典有個組織 ( Swedish Doctors for Human Rights )話班白頭盔其實係殺人兇手
拍 D 短片話政府軍用化武攻擊
為咗拍得逼真 D , 抱起個細路仔扮急救
亂七咁替個細路仔打針
本來個細路只係昏迷,亂篤一針之後就一命嗚呼
仲有, 所謂化學武器攻擊就假到出汁

西方情報部門同專家冇理由睇唔出
不過, 傳霉啋你都硬膠,只係掰大口亂吠阿薩德用化學武器

全文 : Fake Gas Attack

附件: 您需要登錄才可以下載或查看附件。沒有帳號?註冊

TOP

老味話今次用巡航導彈攻擊嘅敘利亞政府軍空軍基地
就係起飛戰機去用化武攻擊平民
咁老味有成 23隻導彈擊中個空軍基地
照計基地所儲存嘅化學武器應該被炸到開花,爆到上半空
成個基地遍地毒氣,唔被炸死嘅人都中毒氣死
但今次事件,敘利亞政府軍只係死五個人
毒氣條毛呀 ?

其實千百年來,人類世界都冇乜點變
有強權冇真理,勉強話有真理,拳頭就係真理
你拳頭夠大夠硬
就可以隨時生安白造一個理由,就可以理正氣壯咁去施行暴力
80年前嘅盧溝橋事件就係咁
50年前嘅越南東京灣事件又係咁
14年前嘅伊拉克戰爭都係咁

TOP

床破競選嘅時候, 一直都對普京示好
無論餵雞解密, 抑或所謂俄羅斯黑客爆料
都係針對希大嬸,變相幫床破助選
床破口口聲聲話當選後要改善美俄關係
於是有人推測,床破登基後,老中就好頭痕
老床要聯俄制中,全力對付老中

普京亦都對老床有所期待
所以舊年近年尾
敘利亞政府軍已經將 ISIS 逼到縮埋敘利亞西部近火雞國邊境一個角落
俄羅斯再加多壓力,狂轟一輪再一輪
ISIS 睇怕 有九成人變哂骨灰
但俄羅斯突然停哂手
明顯就係普京攞住敘利亞做籌碼,等老床上任後大家有數講

不過老床登基兩個幾月
想做乜都俾國內政治勢力阻頭阻勢
搞到老床成個老味版嘅 CY 梁咁
而可能老味國內反俄勢力比老床想象中強大得多
於是老床焗住要改變對外政策
咁老床跟普京嘅蜜月期,未開始已經結束

TOP

返回列表