免費論壇 繁體 | 簡體
Sclub交友聊天~加入聊天室當版主
分享
返回列表 發帖
本帖最後由 無神論狂徒 於 2019-4-6 08:33 編輯

研究下埃航單空難。原來出自法航一個癲佬飛行操作員叫博南。
埃航同印航空難源自失速控制器失誤。
這控制器源自法航一單值得的條友出嚟鞭屍嘅副機司,佢叫博南。條友唔知點樣過關做到入職,响主機司休息佢幫手時,因一個偵測空速嘅部件暫時故障,要改為人手操作,條友遇到亂流,無厘頭瘋狂抽頭想爬升,升到無雷公咁高,因角度太斜,雙翼不足夠產生足夠浮力,條友戇膠膠見升唔起,又再抽但高空空氣稀薄,導致爬升唔到,一味抽頭使機身過於傾斜,但引擎唔係火箭級數,唔夠力上,又冇咗雙翼產生嘅浮力,所以向下急跌,屎忽落地。個另一個資深副機司叫佢唔好抽頭,條友口講收到,但繼續抽頭。最後成架飛機屎忽插地。到死果刻佢都係戇膠膠對一啲簡單物理常識都未明白。全機人因為呢個重要人物嘅無知一齊冚包散。雖然這款機有失速感應,理論上佢哋會聽到警報,但個系統唔會自動撳個機頭落地。
所以因為有呢啲白痴仔出現,所以加個防失速器,一唔對路就自動撳個機頭落去。防止又有白痴仔唔要命狂抽頭。而埃航及印航空難就係呢個控制器揸流攤,誤以為失速,狂把機撳個頭落地,最後印航及埃航兩單嘢一模一樣都係插個機頭落地。

呢個博南都算勁,一個人間接害死個千人。係航空史上少見。

TOP

师兄借黎分享一下到香讨可以吗?谢谢

TOP

比面,我修改咗少少資料。大體不變。

TOP

攞去洗。叫果邊人登記入嚟呢邊行吓。旺啲場多啲嘢睇。

TOP

連賭版老大都唔見人了

TOP

4月5日,埃塞俄比亞當局發表空難初步調查報告
同日,死唔認衰嘅波音,空難後粒聲唔出嘅 波音 CEO 透過一段短片
終於承認出事原因係 MCAS 系統嘅問題,並向死難者正式道歉
想唔認都唔得,因為呢次空難調查老味做唔到手腳
波音甚至冇份參與調查

今次空難調查,由埃塞俄比亞交通部轄下嘅空難調查局( AIB)主導
埃塞俄比亞民航局丶埃塞航空作為 AIB 技術顧問參與調查
老味國家運輸安全委員會參與
法國民航安全調查分析局提供設備同技術人員解讀飛機黑盒,亦參與調查
歐洲航空安全局作為 AIB 技術顧問參與調查

由運送飛機黑盒去法國,法國讀取黑盒數據
全程都有調查委員會成員在場監督
應埃塞政府邀請,法國民航安全調查分析局亦派出代表參與
咁嘅情況下,老味或者波音冇辦法可以隱瞞某 D 數據

半年前,印尼獅航同一型號 737機空難事件
見到波音卸膊兼臭寸嘅態度,埃塞當局點肯上老味當
印尼獅航空難後,印尼民航局局長一直等波音代表嚟同佢商量
印尼方面想知道波音會否建議停飛 737 Max 8 呢款飛機
點知等足幾日,波音都冇理會局長
而同時去印尼探討空難事件嘅老味 FAA官員就吊九印尼官員:
邊間公司更可靠? 老味最受尊重企業之一嘅飛機製造商 ,定係腐敗且監管不力嘅國家中。。
長期存在安全漏洞嘅低成本廉價航空公司 ?
獅航又被逼同波音簽約:不能對傳媒或公眾發表對空難調查嘅意見
而獅航自己嘅調查報告被老味批評係流口水貨色,信息不全又觀點矛盾
有報導話獅航逼死難者家屬簽一份賠償協議,要得到賠償就放棄向波音追究責任
老味對住印尼呢種二打六,有咩做唔出 ?

TOP

埃塞呢份初步調查報告
根據飛機黑盒丶駕駛艙通話記錄同飛機與地面控制塔通話記錄各種數據分析解讀
概括講就係機師有根據波音俾嘅操作指導去控制各項情況
只係 MCAS 強大嘅 overtake 能力壓倒人手操作,即係人同 MCAS 鬥爭操控權,人輸俾程式
~ 太複雜嘅飛機操作程序,我唔識講,有興趣可以去搵報告分析嚟睇

而對埃賽方面,唯一可以質疑嘅係機師嘅資歷
正機師 29歲,2017年 10月獲得正機師資格
佢有 8122小時飛行經驗,其中 飛行 737NG 機有 1417小時,737MAX8 只有 103小時
副機師 25歲, 只有 361小時飛行機驗,其中 737NG機有207小時,737MAX8 只有 56小時
一個經驗唔算豐富嘅年輕機師帶住一個初哥副機師
遇上複雜又前所未見嘅飛行危機,情況相當唔樂觀
據講晌大陸唔會有咁嘅配搭嘅,我相信國泰之類嘅航空公司都唔會
如果由老味隻手遮天去做空難調查,大概可以做下手腳,將大部份責任賴落去機師度
但埃賽早有防備,信老味唔過

TOP

我睇呢單嘢會重挫波音。

TOP

本帖最後由 飛毛腿 於 2019-4-8 09:46 編輯

今日嘅老味已經唔係幾十年前嘅老味
波音墮落只係老味整體社會墮落嘅縮影

KC46 係老味空軍嘅加油機
係波音 767 系列嘅衍生產品
今年 3月一日,軍方發現一架加油機嘅加壓艙有殘餘物
最奇葩係竟然有維修技術員留低嘅工具 ~ 士巴拿之類
軍方要波音整改,推遲交貨
十日後,再發現有新嘅殘留物
軍方當然唔肯收貨,只好繼續維修

鄉港 D 裝修佬,好多都係自備傢生開工
收工嘅時候,例牌執返哂 D 傢生
就算鄉下耕田佬,落田鋤地,收工時都記得帶個鋤頭返屋企啦
呢 D 波音機飛機技工,係最頂尖嘅航空產業工人
責任心居然不如裝修佬同耕田佬
你賴低件士巴拿晌飛機加壓艙
就有如醫生施完手術,賴低把手術刀晌病人個肚裏面咁大鑊  
~ 鄉港耐不耐都有呢類醫療事故,試過有個關節炎病人進行臀部手術,醫療人員將一截鑽頭遺留病人體內

幾年前,老味有艘核潛艇返船塢維修
有一日,隻潛艇無厘頭起火,好快就救熄 D火
調查起火原因仲未有結果
冇耐,又第二次起火
最後調查出原来两次起火係同一個人搞鬼
條友係維修潛艇嘅油漆佬
第一次起火,因為佢想早 D 收工返屋企
於是晌潛艇裏面搵 D 布料點著火,有關人員要救火,佢就可以收工
第二次點火,因為佢個女朋友話要掟煲分手
佢心情惡劣,於是點火泄憤
呢兩次火災搞到隻潛艇損壞嚴重,不過好彩冇燒到核泄漏
但要修好呢 D 損壞,要花 3年時間,加上維修費 四億幾美籠
咁重皮又要法人力物力時間去修復隻潛艇
軍方覺得隻艇 total loss 算嘞

總之老味呢一代人,責任心同拼搏精神真係今非昔比

TOP

老飛連呢啲逸事資料都刮到,冇得輸。

TOP

返回列表