飛毛腿

但係香港電視及報紙評論都話中國這回合是輸家，因為中興事件、被迫大幅讓步。就算比較中立媒體都這樣説。
...
public 發表於 2018-5-24 10:57 PM

鄉港傳媒信得過，屎都可以食  
總之呢個協議只一個框架，細節內容要雙方傾
呢兩日個老味商務部長又飛去北京繼續傾細節

飛毛腿

3 月初提出要向進口鋼鋁產品徵收懲罰性關稅
自己友可以傾條件，傾得滿意就永久豁免
泡菜國第一個跪地求饒，簽咗不平等條約
好，泡菜國可以永久豁免鋼鋁產品關稅

真正自己友嘅大家拿同墨西哥
～ 老味北邊接壤大家拿，南邊接壤墨西哥
～ 一早就有一條北美自由貿易協定
床破話北美自由協定搵老味笨實，要重新傾條件
歐盟一直當自己係老味嘅堂兄弟，切肉不離皮
床破話親兄弟也要明算帳，何況歐盟唔係親兄弟
不過，大家同撈同煲咁耐
以上呢班 「自己友」 可以暫緩徵收鋼鋁產品關稅，限期到今日 （ 6 月 1 日 ）
大家快 D 傾條件

老中當然唔係自己友，冇得暫緩
安倍 ： 契爺，我哋係你契仔，親過兄弟呀
床破 ： 契你條毛，你係我隻狗，同我講條件 ？ 死埋一邊去
神油佬 ：我哋要夾手夾腳圍毆老中，係自己友喎
床破 ： 你係炮灰咋，真係當自己係金牌打手呀 ？磅水啦，講咁多托杉咩

今日限期到嘞
以為係老味自己友嘅大家拿丶墨西哥同歐盟磨爛蓆唔肯向床破投降
於是，床破一聲令下 ： 時辰到，開刀 ！   

飛毛腿

何來永久豁免?
總統都唔係永久
manw0ng 發表於 2018-6-1 07:21 PM

總統係永久都冇用
老味講嘅嘢當放屁嘅
今日話永久，聽日可以話唔算數
你唔服氣又可以點 ？

飛毛腿

今日最唔服氣嘅係大家拿
大家拿個靚仔總理晌6月1日關稅豁免期限前六日跟床破通電話
當然係傾鋼鋁關稅嘅問題
靚仔總理質問床破 ： 鋼鋁關稅點樣會跟國家安全扯上關係 ？
床破九唔搭八回問一句 ： 當年你大家拿唔係火燒白宮咩 ？
真係唔知當時大家拿總理點樣反應

1812年 ～ 1815年， 呢段時間被稱為第二次獨立戰爭
老味想向西部開拓疆土
大陰帝國就出陰招，支持印第安人同老味政府軍作戰
老味谷到袋都大，心諗你大陰帝國恃住大家拿作為基地晌度做攪屎棍
老味認為打殘大家拿，等陰國佬冇基地做支撐，咁就冇得作惡
於是老味向大陰帝國宣戰，爆發戰爭
1814年 8月 24日，陰國佬陸軍攻佔華盛頓特區
放火燒周老味個總統官邸 ～ 白宮

但最大問題係 1814年果時，大家拿呢個國家都未出世
大家拿只係一個地理名詞，係大陰帝國嘅殖民地
床破一直俾人恥笑佢文化水平唔高，相信佢對老味歷史都係中小學生水平
但佢勝在面皮厚，你哋吹佢唔脹


大家拿一直做老味嘅跟班
老味去打仗，大家拿義不容辭派兵跟住老味去做炮灰
不過，大家拿都識避重就輕，派兵只係政治上嘅態度
唔會話衝鋒陷陣去搏老命
所以靚仔總理條氣好唔順，晌電視訪談節目度猛呻 ：
我哋同老味晌戰場並肩作戰，家下竟然無厘頭話鋼鋁關稅危及佢哋國家安全，我搲穿頭都諗唔明點解。。。。

飛毛腿

墨西哥已經對老味作出關稅報復
開出清單，對老味嘅部份進口貨品例如豬肉徵收 20% 關稅
大家拿呢舖唔硬都唔得，跟住要向老味價值 128億美元進口貨品徵收額外關稅
家下地球人就睇住歐盟點樣向老味表達不滿

歐洲一直都係老味嘅盟友
～ 起碼歐洲佬係咁認為
冷戰年代大家一齊對抗蘇聯呢隻凶猛北極熊
大家制度相近，意識形態相近，經濟互相依靠
所以歐洲，主要係德法兩個歐盟巨頭，對老味最終會網開一面有謎一樣嘅信心

法國佬總統出訪老味，諗住可以落嘴頭勸服床破
法國佬有兩大任務要說服老床 ～ 鋼鋁關稅同唔好退出伊朗核協議
法國佬以為自己同床破好有 feel，見到床破扮晒忘年之交
老床仲拖住法國佬隻手，又一齊晌白宮花園度種一棵友誼之樹
但老床扮 friend 還扮 friend，法國佬要求嘅兩樣嘢冇得傾
法國佬滿腔怨氣，去到老味國會度演講時不點名咁炮轟床破
第二日，記者佬發覺白宮花園果棵友誼之樹俾人連根拔起，無影無蹤
記者佬問白宮 ： 點解唔見咗棵友誼之樹 ？
白宮話棵樹攞咗去檢疫

法國佬鎩羽而歸，跟住德國默大嬸出馬
床破自己雖然係德國裔，但好奇怪，佢對德國毫無好感
對住默大嬸更加冇乜好傾
法國佬嚟度，假假地都有一餐國宴招呼佢
而默大嬸就只有快餐招待
～ 不過，法國佬係總統，國家元首，默大嬸只係總理，唔係國家元首
結果唔駛講，床破更加唔會俾面德國默大嬸

德法兩國領導人一走
床破就宣佈退出伊朗核協議
床破仲威脅德法兩國 ：如果你哋繼續晌伊朗投資，就會受到制裁
老床對德國更加過份兼苛刻，佢要德國停止同俄羅斯嘅能源交易或合作
否則老味會對德國進一步貿易制裁
老床恐嚇咁話 ： 要老味街上見唔到一架賓士
默大嬸聽見就真係含欖都冇味
第二個講咁嘅話，你可以當佢靠嚇，但床破俾人嘅印象係不可理喻，不顧後果
佢癲係上嚟，真係可能做到咁絕

飛毛腿

回復 53# anakin

你呢幅相據聞係德國傳霉專登揀出嚟
但事實上大家都表面上有時都有講有笑，話晒都唔敢跟老床當面頂撞

飛毛腿

老床出發去大家拿出席 G7 高峰會之前
法國佬同大家拿靚仔總理向公眾阿之阿左炮轟老味
由其是法國佬連發十幾個 twitter
嗌交唔肯蝕底嘅床破點肯吞聲忍氣
於是老床未起程去大家拿之前就反噴兩條友

飛毛腿

總之老床自覺理直氣壯
你老歐同大家拿咁多年嚟一直佔老味便宜
老味做咗咁耐老襯，家下要公平 D 嘅交易，有咩唔啱 ？
家下提高 D 關稅，要你哋傾一個公平 D 條件， 你哋就貓刮咁嘈
你又唔向公眾講你哋對美國貨點樣設關卡

老床焗冷氣，將個行程咁安排 ：
去 G7 開個狗噏會，講完就走，唔同班友影一幅全家福大合照
嗱，奧黑年代嘅 G7 就係咁融洽嘅



而老床就噏完就走
佢話要去李家坡跟肥仔金會面
但跟肥仔金會面係明日 （ 6月 12日）
老床早成兩日前就去到李家坡，昂周周咁四圍逛

飛毛腿

本來例牌菜， G7 峰會完後有一個聯合聲明
但今年係 G6 +1，老味一對六，傾乜都好難傾得成
大家估今次會晤會破天荒冇聯合聲明出到 ？
最後，消息話大家勉強都出一個聯合聲明

峰會後，大家拿作為東道主
靚仔總理就開記者會交代下峰會開成點
好衰唔衰，佢臨尾又呻幾句 ：
佢話老味要向大家拿徵收鋁鋼關稅，噏咩涉及國家安全
咁係對大家拿人嘅侮辱，大家拿人係唔會屈服嘅
據講老床坐緊飛機去李家坡，聽到大家拿總理晌度亂吠佢，當堂龍顏大怒
老床下令班伙記唔好簽呢份 G7 聯合聲明

咩係侮辱 ？ 嗱，俾你見識下真正嘅侮辱 ：
老床個白宮經濟顧問－庫德羅， 向記者話 ： 大家拿條土豆總理 （ Trudeau）應該落地獄   
呢個係空軍一號 （ 總統專機 ）嘅意思

飛毛腿

當然，老床自己唔插佢兩棍點會順氣
一落機就含含聲發 twitter 插佢
老床話土豆總理晌我面前就成個契弟咁 （ meek and mild ）
佢契爺我一行轉身，佢就亂吠，吠咩侮辱佢哋 。。。。blablabla