飛毛腿

上個月尾
泡菜佬文在寅同肥仔金晌板門店會面
傳媒形容兩人熱情牽手
今年年初肥仔金仲同床破喊打喊殺，互吐口水
突然間，風雲突變，朝鮮半島局勢驟變成一片和諧

飛毛腿

雙方約定今個月 16日再安排一場南北高級別會談
16 號凌晨，朝鮮宣佈取消原定嘅南北高級別會議
理由係老味帶住泡菜兵又再進行一場大型軍事演習
呢次演習仲出動 F 22 隱形戰機同 B 52 戰略轟炸機
咁嘅陣勢，肥仔金唔可以視若無睹
容乜易你老味演下演下突然然演習變真，嚟一個斬首行動
所以肥仔金呢一邊要作出戒備

南北雙方都落實要停止對峙，維護和平
話口未完，你就嚟一個大型軍事演習
你叫肥仔金點信你 ？
係，泡菜佬有苦衷，因為唔到佢哋話事
要唔要演習，甚至會唔會發動戰爭，係老味話事
挑，咁就福街啦，你泡菜國名義上係一個主權國家
但事實上只係一個老味殖民地，係老味嘅奴才
肥仔金睇穿哂，同你哋傾乜都多餘，你根本話唔到事
死埋一邊啦

今日，肥仔金仍然按計劃進行棄核第一步
將一個位於朝鮮豐溪里地方嘅核試驗場關閉
朝鮮邀請中丶美丶英丶俄四國記者去參觀並見證核試驗場關閉儀式
冇錯，只得四國記者，冇泡菜佬份，當然從來都冇預日本佬一份
原本係預咗泡菜國記者嘅
但前幾日泡菜國向朝鮮遞交記者名單
但朝鮮拒絕接收名單

按朝鮮安排，被邀請記者會到北京首都機場集合
朝鮮會派專機到北京接呢班記者去朝鮮再轉火車，預計明日可以到核試驗場
泡菜記者唔肯放棄最後機會，仍然跟大隊去北京首都機場
繼續向朝鮮當局遞交記者名單，希望最後出現奇蹟
一切按計劃進行，四國記者登上專機飛往朝鮮
而泡菜記者依然被拒絕  ，眼光光睇住其他記者上飛機   

呢個就係做奴才嘅悲哀   

飛毛腿

床破果然反口覆舌
肥仔金啱啱炸完個核試驗場
床破就話 6月 12日嘅床金會面要取消
跟住仲曬埋佢寫俾肥仔金嘅信出嚟
信嘅上款尊稱肥仔 His Excellency，內容算客氣
唔好忘記老味係世界老大，家下跟一個嚴厲打壓嘅又窮又細嘅國家直接通信
換著以往嘅總統，大概唔會以自己名義出信
多數係國務院，俾足面就用國務卿出面就夠啦



老床封信都冇封死晒後路
佢話如果對呢次咁重要嘅峰會，你改變主意的話
請不要猶豫，打電話或者寫信俾我
於是肥仔金無厘頭成為床破嘅筆友

肥仔金方面好冷靜
冇話好似以往咁暴跳如雷，狂插床破五時花，六時變
只係由副外相出面話對老味單方面取消會談感到非常遺憾
不過，可以給予老味時間同機會

飛毛腿

正當世人估算床破跟住會點樣對肥仔金發圍之際
唔夠 24小時，床破又話接收到朝鮮熱情正面嘅聲明
～ 大概係指朝鮮副外相嘅聲明
冇幾耐，床破就話正進行恢復床金會談
如果會談真係舉行，仍然係 6月 12日舉行
有必要嘅話，會談可以延長 （ 唔止傾一日）

朝令夕改，你信佢講好定唔信好 ？  

飛毛腿

今日，有一單更鬼神莫測嘅事發生
呢幾日，老床自己一個人做獨腳戲，自說自話吸引世人注意力
而板門店度，泡菜佬文在寅同肥仔金唔聲唔聲咁突然再度會晤
事前一 D 風聲都冇
而近日肥仔金冷淡對待泡菜佬
冇人諗到兩邊會咁快可以再坐埋傾
事後消息係總統府青瓦台發放嘅

飛毛腿

講起豆腐渣工程
泡菜佬認第二都冇乜人敢認第一
只不過鄉港傳霉冇乜興趣去熱炒泡菜佬嘅豆腐渣
只有興趣日日吊高自己晌網上全心全意去摷大陸嘅負面新聞

90年代當時仲叫咗漢城嘅
一條橫跨漢江嘅大橋 － 聖水大橋中間一段突然倒塌
幾架私家車同一架載滿學生嘅巴士衝落漢江

第二年，95年
位於漢城黃金地段一間大型百貨公司 ～ 三豐百貨突然倒塌
事發時係黃昏六點鐘左右，算係黃金時段
所以後果都幾金， 死五百幾人，九百幾人受傷
呢鑊係百份百嘅人禍
間建築物原本設計只係四層，業主自己加建一層，即係僭建
業主將呢層改為食街，租俾八間餐廳
而連同百貨大樓嘅冷氣機，通通放上天台
呢 D冷氣機唔係普通家用冷氣機，係水塔式巨型冷氣機
注滿水之後，重量達 87公噸，係天台地台承重嘅四倍
後來俾附近居民投訴冷氣機開動時太嘈，業主就將冷氣機移去前面位置，離鄰居較遠
搬動幾十噸重嘅物件係有講究嘅
本應用起重機，但業主慳錢，搵搬運佬用滑轆又拖又拉去移動冷氣機
咁就福街，天台地台點受得起咁重壓力，則應裂痕，連承重嘅柱樑都有裂紋
移動好幾部冷氣機口，開動之後就震動，加深地台同柱樑嘅裂痕，而且擴展到五樓餐廳嘅地台面
終於去到六月尾，五樓天花板裂痕越嚟越大
業主同管理層搵嚟土木工程專家檢視，結論係成棟樓都有倒冧危險
業主關閉五樓餐廳，冇關閉百貨公司，因為當日顧客多，業主唔想失去大量營業收入

下晝五點， 四樓天花板下陷，管理層關閉四樓
五點 50分，大樓裏面到處都有霹靂啪嘞嘅斷裂聲
工作人員開始疏散員工同顧客
但兩分鐘左右，成棟樓就冧積木咁，短短 20秒鐘就變成廢墟

2013年，又係橫跨漢江嘅一條橋，傍花大橋
大叫嘅一條在建嘅支路 （ 匝道）突然倒塌
好彩仲係在建中，未正式使用通車，所以死得人少

飛毛腿

今次泡菜佬整一鍋跨國豆腐渣出嚟
食到正嘅係窮國老撾
真係越窮越見鬼     

大前日，老撾一個水電項目嘅水壩崩塌
呢個項目係泡菜國嘅建築公司同電力公司合作承建
用水壩儲水發電，就好似大陸嘅三峽大壩咁
不過呢個老撾水壩比起三峽大壩就差得遠
話雖如此，老撾呢個壩嘅儲水量多有 50 億立方米
50億立方米嘅水即係有幾多呀 ？ 大家可能冇乜概念
鄉港最大嘅水塘萬宜水庫，儲滿水時有 2.8 億立方米
第二大嘅船灣淡水湖儲滿水時有 2.3 億立方米
全鄉港所有水塘儲滿水總容量係 5.86 億立方米
咁你就有個概念 50億立方米有幾多水

水壩崩塌，短短幾個鐘頭就暴湧出 50 億粒方米嘅水
最攞命仲係 高低落差有一公里
好似一條超級巨型 瀑布從天而降
下游嘅村莊，轉眼間就化為烏有

飛毛腿

呢一鑊水壩崩塌
種種跡象顯示係人禍
水壩上部晌 7月 22日就已經垮塌
泡菜佬建築公司話已經進行搶修，但雨勢實在太大咁話
大壩晌第二日進一步垮塌

泡菜佬事後諸般狡辯，話得知險情後，已經通知下游 12個村莊疏散
但泡菜國内傳霉就爆料，實情唔係建築公司講嘅咁樣
7月 22日發現大壩有崩塌危險，但建築公司唔認為有幾大危險
佢哋以為自己可以緊急搶修，試圖排洪泄水減輕大壩壓力，希望最終小事化無
所以建築公司冇向老撾方面發出警告
7月 23日，老撾方面得知實情係大壩上游垮塌
老撾即刻疏散下游居民，但為時已晚，大壩終於崩塌
因為泡菜佬隱瞞險情，延誤咗將下游居民疏散嘅時間

呢個項目根據合約，原定於今年完工發電
可能因為咁，泡菜佬搏命趕工，想趁雨季結束前完成儲水發電
馬後炮，泡菜傳霉指責呢個項目施工質量有問題，工程管理混亂
~ 就好似鄉港嘅沙中線，港珠澳大橋搞到一劈屎咁

爆咗大鑊後，泡菜佬方面安慰自己國民
話事件中冇泡菜佬傷亡，大家唔駛擔心
泡菜佬方面仲話參與工程管理嘅 53個泡菜佬第一時間撤離現場
仲會派直升機丶救援艇同救援人員協助泡菜僑民脫離險境
泡菜人聽見咁講，或者覺得政府同施工單位對本國人好負責，唔會有咩不滿

但老撾人聽見就丟佢那媽
出事時你班泡菜佬就冇鞋挽屐走，契弟走得摩
掉低個爛攤子俾老撾人自己搞掂
死嘅係老撾無辜嘅村民，你班泡菜佬就腳毛都冇甩一條
福你個街，真係自私自利，貪生怕死嘅人辦

飛毛腿

回復 36# 無神論狂徒

睇唔到
404 page not found  
  
呢個項目係泡菜佬 SK建設同泡菜國西部電力公司聯合承建
泡菜國想晌東盟建立自己嘅影響力
多數係用低息貸款俾老撾呢個項目，還款期特長呢種優惠搶個項目嚟造
工程都係冇可能泡菜佬自己玩哂，要將部份勞動力密集，技術要求唔高嘅工作分判出去
越南同老撾本地公司大概係分包部份粗重工程，如擔沙填氹落石屎呢一類工作

其實上世紀 70 ～ 80年代，泡菜佬都承包好多中東基建工程
不過果時佢哋承包嘅係粗重低技術體力勞動為主嘅工作，擔泥揼石頭紮鐵之類
而地盤工人就係由泡菜國内輸出大批泡菜佬勞工
今時今日泡菜佬係碼頭咕喱發達掉擔挑，好難搵到自己國內勞工出國，成本亦高昂

飛毛腿

回復  飛毛腿
manw0ng 發表於 2018-7-29 02:45 PM

呢份都市日報個編輯佬斷舊估
佢 D 資料大概係抄外國傳霉，不過可能翻譯水平太低
整 D 咁嘅料出嚟報導：

水電站大壩由越南Xe Pien-Xe Namnoy電力公司、老撾一間國企、泰國及韓國的電力公司合營，2012年建成，建造費達9.42億港元，發電量410兆瓦，原定明年投入服務，九成電力供應至泰國，賺取外匯。

   
Xe Pian-Xe Namnoy Power Company 係老撾一間合資公司 ～ 跟越南無關
呢間合資公司就係投資丶建設丶營運呢個水力發電站
方式就係 Build–operate–transfer ( BOT)
股東係泡菜佬  SK Engineering and Construction 持股 26%
泡菜佬 Korea Western Power  持股 25 %
老撾國有企業 Lao Holding State Enterprise 持股 24%
泰國企業   Ratchaburi Electricity Generating Holding Public Company Ltd. 持股 25%

Xe Pian-Xe Namnoy Power Company  個官方網頁 －－》 http://www.pnpclaos.com/index.php/en/about-pnpc/shareholders

成個項目總投資預算係 1.2 B 美籠
都市報 D 木嘴以為係 1.2億 （ 其實 Billion 係十億）
佢哋將1.2億 美籠 轉化為 9.42億港元

泡菜佬係呢個項目嘅大股東
老撾政府名義上佔 24%股權，估計冇乜出錢，只係批出土地同經營權
電站經營若干年後，擁有權歸還老撾政府
電站發電後大部份電力賣俾泰國
所以泰佬有份出錢投資佔 25%股權