圍毆賣油郎

飛毛腿

上個星期有一單突發嘅國際事件
中東一個油佬突然俾班兄弟圍毆
一夜之間有七個國家跟佢斷交
邊境關閉，唔准佢嘅飛機飛入領空
貨車唔可以過境
咁就要紮炮，因為佢嘅食物主要靠進口

卡塔爾，一個中東油王國
對港燦而言，似熟非熟，卻又時不時聽見提及佢
世貿多哈回合談判，大家都聽過
多哈就係卡塔爾首都
2022年，世界盃決賽將會在卡塔爾舉行
半島電視台，係為數極少有世界知名度嘅中東通訊社

卡塔爾人均 GDP 世界排名第六
購買力平價後嘅人均 GDP 係世界第一
富得漏油嘅國家
卡塔爾國土面積等如 10 個鄉港
人口只有 200萬，其中絕大部份係外國人
本地卡塔爾籍嘅人只得幾十萬人
所有粗重丶辛苦丶污糟丶厭惡性工作由外地人去做
本地人只識嘆世界

2012年， 卡塔爾提交一個議案俾聯合國安理會
議案要求敘利亞總統阿薩德即刻落台，否則聯合國實施制裁
俄羅斯要否決將呢個議案提出討論
卡塔爾首相警告俄羅斯代表 ： 你咁做會得罪所有阿拉伯國家
俄羅斯代表話 ： 你再用咁嘅語氣同我講嘢，聽日就唔會有卡塔爾呢件嘢存在世上
阿拉伯傳霉報導呢個消息
俄羅斯代表當然否認 ： 冇，冇件咁嘅事

同一年，再有議案提交聯合國
要制裁敍利亞
本來俄羅斯一票就可以否決呢個議案
中國照樣投否決票，要表明自己態度
於是一個議案俾兩個聯合國安理會常任理事國雙否決
老味駐聯合國代表蘇珊賴屎大發雷霆
佢明知同俄羅斯代表冇嘢好講，仲可能俾人噴到一面屁
於是佢扯住中國代表李保東又發脾氣又詐嬌
～ 中國佬起碼好講說話 D

飛毛腿

睇下地圖，卡塔爾黐住個大孖沙 ～沙地阿拉伯
而隔住個海峽就係伊朗呢隻波斯貓
阿拉伯人以遜尼派為主，波斯人以什葉派為主
兩個教派勢成水火，互砍互殺嘅歷史上千年
卡塔爾本地人係遜尼派嘅阿拉伯人
但無論以人口或國土面積計，佢兩邊都唔敢得罪

1968年陰國退出中東殖民地
陰國佬本來想將卡塔爾同巴林併入阿聯酋
但兩國嘅酋長強烈反對
1971年卡塔爾獨立建國
但跟巴林有領土爭執，去到 2004年先勉強傾掂
兩國都心不甘，情不願，覺得自己蝕底咗

呢班油佬國其實唔係真正嘅現代國家，只係部落式世襲統治
～ 所以阿拉伯聯合酋長國呢個國名就最貼切
卡塔爾嘅統治家族係二百幾年前由沙地阿拉伯遷徙過嚟
卡塔爾王室跟沙地王室係親戚
就好似當年伊拉克薩達姆對科威特咁虎視眈眈
薩達姆話科威特本來就係伊拉克一個省
沙地唔係唔想吞咗卡塔爾，只係今時今日嘅世界唔容許咁做

飛毛腿

今次沙地對卡塔爾發爛渣嘅借口係指卡塔爾秘密干涉沙地同其他油佬國嘅內政
又指卡塔爾支持恐怖組織
～ 真係搞笑，恐怖組織最大嘅後台老板係人都知係沙地同老味

其實最令沙地谷到爆係卡塔爾同伊朗衣衣揖揖
5月果時，卡塔爾通訊社旗下網站發放一段卡塔爾國家元首講話
內容話支持伊朗同巴勒斯坦嘅哈馬斯
佢話伊朗係中東宗教中心之一，同伊朗緊張對峙係不明智
又批評美國同沙特，譴責佢哋指卡塔爾支持恐怖組織
又批評老味晌卡塔爾駐軍

呢段講話俾阿拉伯傳霉轉載
不過，第二日卡塔爾官方通訊部門澄清
話佢哋個 Twitter 帳號俾黑客入侵，呢段國家元首講話係唔正確
但過咗幾日，卡塔爾元首打電話俾伊朗總統
祝賀佢幾日前選舉成功連任
沙地谷到標屎 ： 你仲唔認係二五仔 ？  

飛毛腿

咁睇来，围殴事件系两个教派的斗争，係沙特和伊朗争夺地盘的事件。
:masuk 發表於 2017-6-13 08:16 AM

沙特同伊朗係教派之爭
而卡塔爾就同沙特爭話事權
卡塔爾又係奇葩，小國寡民，食飽毋憂米，偏偏就去出風頭爭話事
其實教派之爭，對下層民眾而言可能係信仰問題
但對上層而言，歸根結底又係利益之爭
就好似鄉港班白痴含蝦燦
一班廢青腦殘植物人覺得自己係為免煮豉油而鬥爭
但上層班政客同幕後老板只係利用佢哋去爭取個人政治本錢同利益

飛毛腿

金融時報爆料
話今年年初卡塔爾一班王子貴族，組團去伊拉克同敘利亞邊境地區打獵
中東土豪最喜歡就係養 D 獵鷹去狩獵
呢 D 獵鷹身價幾萬銀美籠一隻
阿聯酋甚至為每隻獵鷹發一個護照
～ 今年初沙地王子包一隻客機俾 80隻獵鷹坐 （ 見下圖 ）

伊利克同敘利亞邊境立立亂，各派武裝勢力盤踞
都唔知呢班卡塔爾王親閣戚係咪嫌命長，去咁嘅地方打獵 ？
果然結果係俾敘利亞遜尼派武裝同伊拉克什葉派武裝扣押
最後談判條件，卡塔爾支付 10億美籠現金贖人
一袋袋美鈔用麻包袋裝好，用飛機運過去交收
據講敘利亞遜尼派武裝分到 3 億美籠
透過伊朗轉交俾伊拉克什葉派 7 億美籠
呢件事俾沙地油王知道，㷫到彈起
咁唔係變相資助沙地嘅對頭人係咩 ？
鬼知道你班卡塔爾王室係唔係整色整水過去送錢 ？