免費論壇 繁體 | 簡體
Sclub交友聊天~加入聊天室當版主
分享
Board logo

標題: 推背圖下的中美 [打印本頁]

作者: 無神論狂徒    時間: 2018-10-11 09:37     標題: 推背圖下的中美

推背圖預測中國千年國運,現代去到第四十五卦象,象曰如下:

第四十五象 戊申  山水蒙
讖曰:有客西來 至東而止 木火金水 洗此大恥


一般理解為日本西來,至東而止,中國素來被灌名東方代名詞,在推背圖中出現,理解為中國合情合理。金木水火欠土,因失領土而開片,洗此大恥更不難明。大約被時下人解作中日因釣魚台問題互片。

近幾個月中美關發展,美國反應去睇,西來客應該指美國。

象文中嘅欠土,正中了南海問題上,美國嘅取態。接連以自由航行為名搞局。中國因領土問題和老美開片,合乎推背圖劇情發展。

再講。
作者: 無神論狂徒    時間: 2018-10-11 20:21

早前我預測中美貿易戰唔會真打,只係一個攞著數嘅手段。我亦有估算過,如果中美貿易戰動真格,顯示美國認真起來,可能中美有一戰。
我暫時未敢斷言中美必將一戰。不過也不否定呢個可能。
我看法是要看下一任美國總統僨大法。家吓床破不能代表美國整體思維,而如果下任總統仍走床破之路,這顯示床破思維就是美國思維,因為是美國思維,所以床破政策得到延續。
早排美墨加貿易協定扑鎚,魔鬼在條文,加咗毒丸,但凡三方之一同非市場經濟體制簽貿易協定,協定內容要比美國睇,除時可以被老美踢出局,這是顯眼的霸凌,但在霸權下嘅潛台詞係叫其他國家歸邊,有底德修昔陷阱局勢走向。
作者: 無神論狂徒    時間: 2018-10-11 21:35

如果所有中國貨被打稅,貿易戰全力開火,這意味美國人會視中美係背水一戰。你可以諗諗,老美二戰後冇打過大孖沙,係唔覺意間接打咗老中呢個大孖沙,但果時老美以為老中係戰爭細路,打完先識死字點寫。一向打開細路嘅老美突然鬼上身同你片盡,你可以諗到老美心態係得就翻身,唔得就攬抄,一齊死。
而事實老美處境又真係好窄,外表風光,內裡陰乾,國債財赤貿易逆差不斷惡化,美元等同石油呢支歌都變夕陽之歌。好似香港啲乾溏有錢佬,一身名牌一身債。
作者: 無神論狂徒    時間: 2018-10-12 14:01

我睇老美個勢似布緊局要軟硬兼出片低老中。逼啲細嘅歸邊,再响南海老翻東京灣事件。出兵片老中,而如果真片,應該唔會比老中起到下兩艘航母。十年內開片機會高。再唔打,等老中海軍深藍化後,戰爭不會再限於南海,隨時响加勒比或西岸片過,响老美門口開片,老美唔會等呢一刻。

我看重點係下任總統會唔會跟床破條路,如果會就中美打仗機會高。等多兩年會知打仗機會有幾高。
作者: 無神論狂徒    時間: 2018-10-12 14:04

打貿易戰,中國傷,美國亦傷。這不合西方思維,佢哋想法一定係再唔同老中死過就死梗,所以貿易戰明知傷身都照打。
作者: 無神論狂徒    時間: 2018-10-14 12:00

床破搖擺不定,言而無信,埋佢美國身邊搵食隨時被出賣。歸邊真係你諗你。
作者: 飛毛腿    時間: 2018-10-14 22:05

本帖最後由 飛毛腿 於 2018-10-15 21:18 編輯

表面上,老床發起貿易戰有幾個目的 :
縮減對外貿易逆差 ~ 佢成日話現有嘅貿易結構,係全世界搵老味笨實
要製造業回流老味度,老味要再成為工業強國 ~ 對支持老床嘅一班白人藍領有交代
老味要佔盡著數,你哋其他跟班要好好供奉老大 ~  America First

而對中俄,目的更加唔只係上面幾樣咁簡單
老床好想跟俄羅斯緩和關係,有人認為係聯俄制中
但老味國內反俄勢力大到超乎想像
所以老床冇辦法對俄羅斯有實質性示好行動


對老中,老味嘅目標好明確 ~ 就好似當年八國聯軍時嘅中國咁
一個半死不活,四分五裂嘅中國先係一個好中國
一個殘廢嘅中國對老味或者西方而言冇威脅性,永遠做國際體系中嘅低下層勞工

8月份時,老床晌維珍妮亞州一個集會已經講 :
我剛上任時,我哋正朝著讓中國在非常短時間内超越美國嘅方向上前進,但那種情形不會發生了。。。。

點解老床會認為老中再冇能力發展而超越老味 ?
因為貿易戰,老床信心爆棚咁認為佢嘅極限施壓可以將老中打殘,老中好快會經濟崩潰
無論係老中頂唔順老味嘅壓力,跪地投降,咁老床可以得寸進尺,繼續摧殘老中
抑或死頂死撐,老中最後都要趴低瓜直
呢個當然係老床一廂情願

前幾日,老床再次狗噏吹水 :
中國佬過好日子過得太耐嘞 。。。 ( 睇住啦,等我將佢哋打到要食屎過日子 )


[attach]2918[/attach]
作者: 飛毛腿    時間: 2018-10-14 22:18

貿易戰打到今日,老中完全冇意思退讓
~ 點退讓 ? 你都要我死,唔通我自殺死俾你睇 ?
老中已經唔想嘥時間跟老床狗噏扯皮
你跟老床嘅團隊傾乜都冇用,達成咩協議轉下頭就唔算數,佢哋完全信用破產

上星期老味國務卿嚟個亞洲之旅
話就話關於朝鮮棄核問題
佢先去日本,再去朝鮮同肥仔金會面
然後去韓國,最後去北京
以前每一任老味國務卿去北京
都必定獲得老中國家主席接見
今次例外,只係搵外交部長王毅見下面
王毅仲教訓老味唔好只識得狗噏,亂七咁吠
~ 因為之前幾日老味副總統晌一個演講度亂吠老中
老習直頭費事理老味個國務卿
所以國務卿晌北京只停留三個鐘,西口西面咁搭專機走人
作者: 飛毛腿    時間: 2018-10-14 22:32

9月 30日
老味又嚟南海玩心口碎大石
今次老中唔客氣,派一隻導彈驅逐艦蘭州號去侍候老味嘅神盾級驅逐艦
蘭州號直衝埋去老味艦,老味艦唔轉軚就撞到正
最近距離只係得 41公呎
呢個距離就算係汽車都危險,何況係幾千噸排水量嘅戰艦
老味艦係奉命嚟做騷玩嘢,唔係嚟搏命
於是走夾唔抖
然後老味海軍事後向老中抗議 : 老中軍艦呢種做法不安全不專業 。。。。



[attach]2919[/attach]
作者: 無神論狂徒    時間: 2018-10-15 08:44

老飛點睇中美戰爭嘅可能性?
作者: 飛毛腿    時間: 2018-10-15 21:52

國慶假黃金周,大陸有近 700萬人出境旅遊
舊年國慶黃金周就有近 600萬人出境旅遊

而國內旅遊人數更加得人驚 :

众所周知,十一黄金周是人们外出旅游的热门时期。据文化和旅游部统计,刚刚过去的国庆假期全国景区共接待国内游客7.26亿人次,同比增长9.43%;实现国内旅游收入5990.8亿元,同比增长9.04%。今年10月1日,有超过14万人聚集在天安门广场观看升旗仪式。


全歐洲總動員人人去旅遊的話,都係 7億幾人
老味全國人都在國內旅遊一次,都係3億幾人

老床以為對老中打貿易戰後,老中經濟就會跳水式下跌,百業凋零
但事實剛好相反
因為二萬幾公里嘅高鐵貫穿大部份省市,交通便利
而且今時今日,大陸人擁有私家車數量暫時僅次於老味
只要有假期,開架車全家穿省過市旅遊係好平常嘅事
帶動嘅旅遊消費係一個可觀嘅數目

上個星期,有一個世界郵政日
老中披露,2017年老中嘅快遞業務完成 400億件
連續 4年居世界第一,業務量佔全球 45% 以上
呢 D 快遞大部份代表網絡購物,即係內部買賣消費嘅一部份
下個月又係淘寶嘅雙十一網購狂歡
一日嘅網購額等於老味兩個購物節嘅總和 ~ 黑色星期五同埋網購星期一
真係唔知老床攞住 D乜七數據,以為老中仲係要靠老味嘅市場開飯
作者: 飛毛腿    時間: 2018-10-15 22:21

老飛點睇中美戰爭嘅可能性?
無神論狂徒 發表於 2018-10-15 08:44 AM


老床以為嘅極限施壓會令老中仆低   
點知 8月份老味貿易逆差反而擴大,老中對對老味嘅貿易順差更創近幾年嘅新高
~ 可能係老味入口商怕貿易戰升級再加關稅,提前落單盡快付運聖誕節嘅消費品
~而老中就唔再買老味嘅農產品同石油,老味出口少咗,入口就冇少到

以老床嘅作風,真係有可能盡地一煲
現任嘅國防部長江湖上人稱癲狗 ~ 連老床度係咁稱呼佢
但其實呢個癲狗對老中算係有理性,唔係亂九咁嚟
好似先排我講過話老味駐台辦事處,國務院話要搵海軍陸戰隊去駐守
國防部長就拒絕呢個請求
我起先懷疑係國務院同國防部唱雙簧,向老中恐嚇
因為兩個部門嘅老細都係老床,國務院得老床同意先會向國防部要求調派海軍陸戰隊
國防部長拒絕要求,點向老床交代 ?

而家睇嚟可能係國防部長向老床據理力爭 ~ 咁做好大鑊,唔知老中會有咩激烈反應
癲狗咁做係好理性,但佢老細唔多似有理性
前日,床破接受老味電視台 CBS 一個老牌節目 「60分鐘時事」訪談
主持人傾到國防部長癲狗時,老床回答 : 如果你一定要我講實話,我覺得佢有 D 似一個民主黨人咁
老床仲話 Mattis 可能會走頭,然後欲蓋彌彰咁話 : 我意思係每個人都會晌某個時候離開,畢竟呢度係華盛頓
睇嚟癲狗  Mattis 都係執定包袱嘅多
作者: 飛毛腿    時間: 2018-10-15 23:01

好明顯,Mattis 同床破嘅意見不合
可能老床覺得貿易戰唔係期望中咁快有效果
不如再加碼, 用軍事行動加大壓力
職業軍人出身嘅 Mattis 唔贊成,因為老中唔係敘利亞丶伊朗呢種級數對手
對付老中呢種對手,要動員嘅力量唔係嘢少
而且一旦擦槍走火,開戰容易,但後來就未必以人嘅意志而發展
正如當年老毛話 : 戰爭甚麼時候開始,敵人說了算,而甚麼時候結束,我們說了算
老床呢種剛愎自用,唯我獨尊嘅性格,好難忍受手下拒絕佢嘅構想
超,你唔夠膽打,我換第二個人做國防部長

我估老床認為挑起一個局部衝突,用武力施壓,會有顯著效果
可能佢認為局部衝突係可控嘅
當年克淫頓炸九老中個大使館,老中唔係骨聲吞咗佢咩 ?

當然最理想就係老味撐腰,搵條炮灰去辣㷫老中
炮灰去同老中鏈過,老味晌後面執死雞
但環顧四周,搵唔到邊個肯做炮灰
舊年有次機會,神油佬卒咗神油咁,晌洞朗打坐撒賴
但老中又唔肯郁手 ,最後草草收場
日本倭狗 ? 呢條友精過冇尾蛇,得把口吠幾聲
近排仲連吠都唔願吠,驚死俾老味契爺斬佢隻狗脾嚟補身
倭狗睇見契爺六親不認,揸住把斬骨刀望住自己,目露兇光咁
倭狗於是猛向老中拋媚眼,終於老中答應 : 好啦, 你下個月過嚟傾下計啦

咁,老床搵邊度去辣著個火頭呢 ?
左睇右睇。。。。咦,呢個智商低冇有識死,賤命一條。。。。
菜 English     
作者: 無神論狂徒    時間: 2018-10-22 14:26

老美又退群unlike中程飛彈條約。罪名係莫須有。早前互指對方犯規。但都雙安無事。今日退群。表面劍指北極熊,但係項莊舞劍意在沛公。中國無簽約可以鐘意射幾遠都得,中國滑翔導彈兩小時無死角攻擊世界任何角落,即係中國打美國,美綁著手嚟同老中開片,當年中蘇冷戰冇想過老中會成為第二經濟體,今日仲挑戰老味一哥位置,所以當年中蘇簽約冇預老中一份。
而我睇,呢次退群係為中美之戰布局其中一part。
作者: 無神論狂徒    時間: 2018-10-24 09:46

昨日最新消息,老美核擴張。
先睇吓佢係咪真係搞。
作者: 飛毛腿    時間: 2018-10-24 21:25

首先,我哋搞清楚呢個中程導彈條約係乜東東
咁先可以推測老味想出咩陰招
中程導彈條約全稱係  Intermediate-Range Nuclear Forces Treaty
條約字面上講嘅係核導彈
但內容包括常規彈頭導彈

70年代中期開始,蘇聯開始部署可以機動發射且具有高精度嘅中程彈道導彈
去到80年代中,蘇聯成個華沙集團擁有 279 隻中程導彈,可以發射 837個核彈頭
基本上成個歐洲都係核彈打擊範圍
作為回應,老味為首嘅北約部署二三百隻潘興2型中程導彈
另加一百隻陸基發射嘅巡航導彈 ( 艦上發射嘅就係戰斧巡航導彈 )
於是成個歐洲就變成核武對峙嘅搏擊場
有乜衣郁,大半個歐洲成為不適宜人類居住嘅荒地

其實從50年代開始,歐洲就係處於呢種互相核威脅嘅環境
一方改良自己導彈嘅打擊精度,要佔打擊優勢
另一方冇理由坐以待斃,就要反制對方,改良自己嘅導彈
就係咁,雙方進入無休止嘅核武競賽

核武器唔同炮彈子彈,係高端科技嘅產物,係燒銀紙嘅玩意
你造咗一大堆核武器晌度,十年廿年都唔會用一次,但又要準備隨時可以用
咁維修費用,值班軍人嘅費用,武器到期要更新,通通都要狂燒銀紙去支撐
起初老味想同蘇聯談判裁減核武,但蘇聯幾個老鬼做一哥時都唔願同老味傾
但幾個老鬼揸莊嘅時間都好短,坐主席位冇幾耐就瓜咗
後尾唔知係咪怕咗,最後選一個後生嘅哥爾巴喬夫上嚟

表面上話降低核大戰嘅風險,實際經濟上好吃力
於是所謂新思維嘅戈爾巴喬夫同意跟老味列根談判,傾一系列嘅裁減軍備協議
1987年尾協議傾成
老味蘇聯雙方停止研發同部署所有射程界於 500 ~5000公里嘅短中程彈道導彈同埋陸機發射機巡航導彈
已經部署嘅就全部拆除
但海基發射 (艦上同潛艇發射)同空中發射嘅巡航導彈不包括在協議內
呢個協議蘇聯係吃虧嘅
因為蘇聯嘅強項係陸基導彈 ~因為打擊對象係歐洲
蘇聯嘅巡航導彈技術唔係好成熟
而老味嘅強項係海基同空射巡航導彈,可以保留
之不過果時天真嘅戈爾巴喬夫以為解除對歐美嘅敵意,可以換嚟真誠對待
後來嘅葉利欽更天真,連經濟改革都信哂老味枝笛
一個經濟休克療法,療到俄羅斯差 D 暴斃
作者: 飛毛腿    時間: 2018-10-24 22:17

本帖最後由 飛毛腿 於 2018-10-24 22:21 編輯

80年嘅中國,改革开放改到一頭煙
老中當時嘅軍事力量好弱雞,最大的威脅係北邊蘇聯陳兵百萬
同老味就夾手夾腳晌阿富汗陰蘇聯
所以人哋傾咩中程彈道導彈,唔當老中係咩大威脅
表面上老中埋頭苦幹搵真銀,冇閒錢去玩軍備兢賽
老鄧仲下令裁軍百萬
所以老味同蘇聯傾嘅年代,唔駛點理老中

但老祖宗教落 : 天下雖安,忘戰必危
而且老共一向有一種病,成日俾人嘲笑,呢種病叫 火力不足恐懼症
所以你會見到共軍有五花八門,匪夷所思嘅超級強力火箭炮丶自行榴彈炮丶反坦克炮丶自行高炮。。。
比如 WS-2D 火箭炮,據講射程可達 480公里,精度達到幾十公尺範圍
你睇下上面人哋嘅中導條約,500公里射程已經係短程導彈
最攞命仲係火箭炮價錢平,同彈道導彈比真係粉絲比魚翅
唔好忘記,火藥係老中發明嘅

除咗平靚正嘅火箭炮之類
其實老中默默耕耘,唔聲唔聲咁研製各種中程彈道導彈同巡航導彈
老中冇簽條約,自然唔受條約限制,鐘意研製就研製
踏入 21世紀後,老中嘅各種導彈開花結果
其中仲竟然有傳聞中嘅反艦導彈
老中一直冇公開承認自己嘅導彈可以打航空母艦
但以老味嘅情報收集能力,靠吹水嘅傳聞點會呃到佢
但老味又冇可能公開承認老中有打擊艦隊嘅能力,咁即係長他人志氣
幾十年來,老味係海上霸王
據說一有咩地區衝突,老味總統就問 : 我哋嘅航母編隊晌邊度 ?
家下,老中傳聞中嘅反艦導彈,可以將老味艦隊逼離中國嘅海岸線


火箭炮

作者: 飛毛腿    時間: 2018-10-26 17:33

有人認為老味要退出中程導彈條約
為咗恢復製造中程導彈,目標其實係中國
製造技術當然冇問題,錢先係問題
但有人話只要將現有洲際導彈拆走一級火箭,縮短射程就係中程導彈
呢樣嘢涉及專業知識,係唔係可行就無從判斷
算佢可行嘞,咁呢 D 中程導彈部署晌邊度 ?
老味要威脅老中,當然圍住老中週邊嚟部署
但射程所限,唔能夠離開中國太遠
咁老味可以揀咩地頭部署導彈 ?

最大嘅地頭應該係沖繩島,面積 2249平方公里
老味晌果度有空軍基地
不過,空軍基地已經不停咁俾當地人反對
你仲話部署導彈基地 ?
只得兩個香港咁大嘅面積,基地要遠離民居
可供選擇嘅地方少之有少
一起戰火,老中嘅導彈好似冰雹咁轟落嚟,你走得去邊 ?
雖然話今日嘅導彈可以精準打擊,但升級到帶核彈頭嘅導彈
咁就多多少少要班沖繩人陪葬,就算唔死,成個島都變成核廢墟,沖繩人唔嘈到拆天咁至奇
~ 咪搞錯沖繩人即係日本人,沖繩人係沖繩原住民,沖繩自古係琉球王國
作者: 飛毛腿    時間: 2018-10-26 17:44

沖繩之外,另一個基地就係關島
關島係百份百老味地頭,當地居民唔會有咩阻力
但關島面積只有 549 平方公里
中程導彈係老味軍事利器,價值不菲
今年年初老味用戰斧巡航導彈攻擊敘利亞
CNBC 估計每隻戰斧價值 1.4 百萬美籠
咁矜貴嘅武器,部署晌沖繩丶關島呢兩個豆膶咁大嘅地方 ?
一開片,老中首先就會一輪導彈向呢兩個導彈基地攻擊
要匿冇地方匿,要走又走唔甩

•  U.S. forces fired 66 Tomahawk cruise missiles on three Syrian targets early morning local time,
making for a price tag of $92.4 million for those missiles alone.
•  The U.S. fired 19 of a different kind of missile on Syria, for a cost of $26.6 million.


咁有人話,大家處境相同
老味向老中導彈基地發起攻擊 ~ 假設老味用艦載導彈丶空射導彈丶潛艇發射同時攻擊
但老中淨係華北地區已經有三百萬平方公里大嘅地方
陸基發射導彈唔係固定,好有機動性
有山洞,山谷,發射車可以拖去公路發射,射完即刻轉換地方
呢 D 就係戰略縱深嘞
所以近年來,老味將主戰武器向後縮,遠離老中打擊範圍
老味縮去夏威夷,縮去袋鼠國
冇理由家下反而向前靠近老中去部署昂貴嘅中程導彈
冒著一鑊熟,捱打嘅風險 ?

而且兩個基地能夠儲存嘅導彈數量有限
打完晒就冇貨賣,要靠老味本土運貨嚟補充
而打晒呢 D 導彈都冇可能令老中嘅戰鬥力癱瘓
相反老中晌自己地頭打,一邊打一邊加班開夜狂造導彈
打完又有新貨補充,打極都有
老味點頂得順 ?
打仗,只要唔係太強弱懸殊
打嘅係後勤補充能力,拼嘅係生產力
當年老味能夠打殘日本皇軍
就係靠老味生產力壓倒性嬴日本
作者: 無神論狂徒    時間: 2018-10-28 13:38

美國要跨過太平洋或大西洋都係要帶架生嚟打,兵法都有講,出兵攻打一方都要面對糧草物資問題。所以老美要打,也避不開這個問題。理據上看,美國要打中國,這個因素美國會考慮,但不能引伸出,美國不會因這個原因而不兵。否則世上沒有打仗的理由。
作者: 無神論狂徒    時間: 2018-10-28 13:44

中美如果一戰,這不是一場簡單戰爭,這是東西的戰爭。西方一向看不慣東方文明,要土全球跟西方一套。
中美不一定打仗。但西方信底德修昔陷阱,走勢亦向這方向發展。現在我們還可以看作老美中期選舉的伎倆。
作者: 飛毛腿    時間: 2018-10-28 15:26

如果老味想將中程導彈部署去倭國或者泡菜國
面對當地人嘅反對絕對比沖繩人激烈得多
老味晌泡菜國部署薩德反導系統,名義上係防衛武器
已經引起中俄兩國極度不滿,中韓關係大倒退
如果再部署中程導彈呢種攻擊性武器,泡菜佬搵藉口都難
一旦中美擦槍走火失控,導彈基地就成為首要攻擊目標
最壞情況就係受到核武攻擊,就算常規導彈彈頭,泡菜佬唔死都一身潺
泡菜佬就算食錯藥都唔肯俾老味攞自己較飛
自己有幾十個核電站嘅日本佬更加不在話下
一個誤炸,炸冧幾個核電廠,日本佬點收科 ?
日本佬嘅如意算盤係中美鷸蚌相爭,倭佬漁人得利
唔係自己去做炮灰替老味擋導彈

所以老味想針對老中嘅中程導彈
如果鬥中程導彈多,無論經濟效益或客觀條件對老味都係困難重重
最可能嘅做法就係拖老中落水,一齊談判新嘅限制導彈條約
拉埋俄羅斯一齊削弱老中嘅導彈攻擊能力
前幾日,老味個安全顧問博爾頓訪問俄羅斯
一見到普京就挑撥離間,想同俄佬講老味對老中嘅經濟軍事政治情況擔憂乜乜七七
俄羅斯一口拒絕 : 涉及中國嘅任何問題只會與北京討論
作者: 飛毛腿    時間: 2018-10-28 15:29

美國要跨過太平洋或大西洋都係要帶架生嚟打,兵法都有講,出兵攻打一方都要面對糧草物資問題。所以老美要打 ...
無神論狂徒 發表於 2018-10-28 01:38 PM


天下雖安,忘戰必危
老共係晌血流成河,屍積如山嘅環境打下江山
點會唔明白呢個道理
作者: 飛毛腿    時間: 2018-11-4 23:03

果條安全顧問博爾頓好似食咗屎咁
去莫斯科挑撥離間碰咗釘
普京仲潤佢 : 你哋個國徽 (一隻白頭鷹右爪揸住橄欖枝,左爪揸住一束箭 )隻鷹好似食晒 D 橄欖枝,得返 D箭
博爾頓 : 我今次冇帶橄欖枝嚟
普京 : 我睇得出

呢條友去莫斯科兩手空空而回
跟住去格魯吉亞訪問,死唔斷氣咁係都要挑撥兩句中俄
佢話老中部署嘅中程導彈,有能力打到俄羅斯嘅心臟地帶 ~ 莫斯科
老味希望同俄羅斯就中國嘅好戰行為進行戰略對話。。。喎
俄羅斯聯邦高官話: 對俄羅斯國家利益構成威脅嘅係老味同北約,唔係中國

一年有 12個月
基本上每一個月,老味都有軍事演習
唔係晌歐洲就係晌亞洲
全地球人都知道地球上最好勇鬥狠,最窮兵黷武,日日喊打喊殺嘅就係老味
作者: 無神論狂徒    時間: 2018-11-8 10:48

中期選舉出咗爐嘞,民主黨重奪眾議院;共和黨守著參議院。
這顯示。床破政府有少少跛腳。
但參議院仍由共和黨控制。這顯示美國民眾某程度支持床破對華攬炒政策。
中美打仗機會係細咗。但攬炒心態似乎不算弱。
作者: 飛毛腿    時間: 2018-11-10 23:01

本帖最後由 飛毛腿 於 2018-11-10 23:03 編輯
中期選舉出咗爐嘞,民主黨重奪眾議院;共和黨守著參議院。
這顯示。床破政府有少少跛腳。
但參議院仍由共和 ...
無神論狂徒 發表於 2018-11-8 10:48 AM


其實老味選民投票好少考慮外在因素
主要都係國內因素起主要作用
老床靠嘅係民粹 : 老味再次偉大,老味優先,唔歡迎窮鬼爛民。。。
仲有一樣嘢冇講出口啫,班粉絲心照 : 白人至上

而民主黨就靠班黑鬼窮鬼丶基佬基婆丶荷里活戲子丶記者佬傳霉婆等支持
一班白左開口人權埋口公平,就好似鄉港班犯民港毒咁玩意識形態,一日到黑扮晒魚蝦蟹
正經事就唔做, 食飽飯等屎痾,成日搞埋 D咩同性婚姻,廁所唔應該分男女廁,仲要俾人有權選擇無性別。。。
你滷味玩到走火入魔,成日俾班變態佬變態婆煩到嘔血


[attach]3014[/attach]
作者: 飛毛腿    時間: 2018-11-10 23:30

唔止係老味度民粹興起,歐洲都係咁
所以好多極右翼政黨都崛起,晌政壇嘅影響力漸漸擴大
所以老床戲有一定嘅民意支持
今次選舉,老床冇去撐場助選嘅共和黨參選人都落敗
老床 : 抵能你死,唔妥我咩? 家下你就落選啦,睇下選民睇邊個台戲?

睇下民主黨新上台嘅議員,有黑婆,有印第安原住民,竟然仲有兩個包頭嘅女人當選



試問呢十九幾年來老味開口反恐,埋口反恐,反嘅係咩人?
班保守嘅白鬼睇見包頭女人竟然入國會做議員
傳統老味白鬼係 WASP ( White Anglo-Saxon Protestan ),包頭嘅價值觀同佢哋南轅北轍
仲唔一能都係火?
而呢 D咁嘅人,政治能量有限,完全冇可能帶領民主黨有咩進步
民主黨來來去去都係靠班老柴,連年近古稀嘅希拉里都話 2020年再出嚟參選
作者: 飛毛腿    時間: 2018-11-11 22:34

本帖最後由 飛毛腿 於 2018-11-12 08:00 編輯

上個星期一,老味施行對波斯制裁
呢次制裁號稱史上最嚴厲制裁
老味話要令到波斯嘅石油輸出歸零,即係一滴油都賣唔出
老味霸道在於邊個幫波斯買油,邊個跟波斯做生意就制裁邊個
點制裁 ?
法國巴黎銀行幫古巴丶波斯轉移資金,罰款 90億美籠
中興事件大家應該記憶猶新
地球上極少數國家可以同老味斷絕瓜葛
就算你唔同老味做生意,晌老味度冇資產
但你要同其他國家做生意,有買賣就有錢銀交易
咁老味控制住美籠結算系統 - SWIFT ,環球金融電信協會 ( Society for Worldwide Interbank Financial Telecommunication )

於是好多國家知道避唔開老味嘅魔爪,唯有停止同波斯做生意
6月中, 陰國開始減少向波斯買油
法國能源巨頭退出波斯市場,晌波斯嘅巨額投資油田轉讓俾其他人 ~ 邊個唔怕老味而夠膽接手? 據聞老中會接手
9月,泡菜國完全停止進口波斯石油
而老中,外交部明確表態: 中國跟波斯完全合理合法,此乃國家主權,不容別國干涉
~老中認為,如果有聯合國決議案已於制裁波斯,咁就合法制裁,你老味單方面要制裁,其他國家要聽你話? 你當自己係地球皇帝呀?
老中連續幾個月,不斷增加由波斯進口石油
10月份達到破記錄嘅每日進口 71.8 萬桶石油

老中雖然話啋你老味都硬膠,但不可不防老味發爛渣
8丶9丶10月搏老命咁進口波斯石油,大概係預防 11月一下子要暫停
始終受過中興事件嘅教訓,要佈好個局避開老味嘅黑手
老中幾年前已經準備好自己嘅人民幣結算係統 - CIPS ( Cross-border Interbank Payment System )
要繼續同波斯做生意,就要避開老味嘅美籠結算系統
但呢樣安排要同波斯講掂數
老實講,波斯唔算係老中嘅兩肋插刀生死之交
前幾年奧黑簽訂伊朗核協議後解除對波斯制裁
波斯就鬆毛鬆翼,雖然未至於過橋抽板,但打完齋唔要和尚之嫌就走唔甩

至如俄羅斯呢隻北極熊,唔駛講啋你老味都硬膠
俄羅斯已經俾老味老歐制裁咗幾年,家下仲制裁緊,怕你條毛
俄佬自己大把石油,唔駛向波斯買油
但俄佬可以輸入波斯嘅石油,改頭換面,話係自己嘅油,賣俾其他國家
你老味吹佢唔脹
老味話你哋唔准向波斯買油,亦唔准向俄羅斯買油
咁搞法,你要人哋鑽木取火呀 ?
作者: 飛毛腿    時間: 2018-11-11 23:02

老味向波斯實施制裁嘅同時
宣佈八個國家獲得豁免權,可繼續向波斯買油,為期六個月 :
印度,日本,韓國,土耳其,伊拉克,阿聯酋,意大利。。。。。。中國

老中 : 冇所謂,你豁唔豁免我都要向波斯買油,我又冇要你豁免
老味:我就係知道唔豁免你都要買油,我家下豁免你,咁人哋有錯覺認為你敢買油因為我批准你買。。。。  

呢個豁免令最令老歐心碎之餘又谷到爆
其實 11月初老味國務卿透露會俾八個國家豁免權向波斯買油 ( 冇提到話老中有份豁免)
佢特別提到歐盟不在豁免名單內
前幾個月,晌北約峯會時,床破已經吠德國跟俄羅斯簽下石油天然氣協議
仲俾咗 70億美籠訂金
床破吠德國默大媽,一面驚北極熊咬七佢哋,一面又俾錢北極熊賺
好嘞,老歐向俄羅斯買油又話唔得
家下向波斯買油都唔得,你叫老歐佢哋燒柴呀?
最焗冷氣係老中被列為老味對手,竟然可以獲豁免
老歐係老味嘅盟友,卻即時被禁向波斯買油,冇人情講
老歐真係含欖都冇味   
作者: 飛毛腿    時間: 2018-11-14 21:14

老床做咗兩件事,受傷害最大嘅係歐洲
一件係最近放聲氣話退出中程彈道導彈協議
咁做嘅結果係俄羅斯恢復部署中程導彈
射程覆蓋成個歐洲,將歐洲變為美俄對抗嘅前沿陣地,變成火藥庫
有乜衣郁,歐洲首當其衝捱導彈
班身嬌肉貴嘅歐洲發達國家,唔心噏就假

另一件最令老歐當揼嘅事就係老味退出伊核協議
一來解除對波斯制裁,老歐晌波斯大把世界撈
油氣能源多一個來源,唔駛單吊靠晒俄羅斯
已一個穩定嘅中東,對歐洲大有好處
一個戰亂嘅敘利亞同埋利比亞,搞到上百萬難民湧去歐洲
不過呢樣嘢抵能老歐自作自受
搞亂利比亞同敘利亞,就係老歐替老味為虎作倀造成嘅後果
如果再搞亂伊朗,老歐想過太平日子都難
所以歐盟千方百計都安撫住伊朗,誓神劈願話自己會堅守伊朗核協議
為表誠意,先彈住 1,800萬歐羅俾伊朗鎮下驚
8月,老味實施第一輪對波斯制裁,而老歐同時啟動一項阻斷法案 ( Blocking Statute )
呢個法案 禁止歐盟企業遵守老味制裁波斯,並允許企業可在法庭上追討因老味制裁所帶來嘅損失
另外再推出一個 SPV 系統,係繞過 SWIFT 同波斯另作貨幣結算
老味駐歐盟大使對呢個 SPV 計劃冷笑,話呢隻只係紙老虎


[attach]3017[/attach]
作者: 無神論狂徒    時間: 2018-11-14 21:19

噚日美國一個智庫指出北韓有十二個秘密導彈發射場,可以射導彈去美國本土。
我唔知呢單真定假。
不過北韓只係話棄核,冇話棄武,美國就無離頭指責。
唔通叫北韓掰開脾歡迎你隨便插咩。老美會唔會將佢國內佈軍情況,導彈發射位置係邊,列哂出嚟?
作者: 無神論狂徒    時間: 2018-11-14 21:25

今日默大嬸撐馬克隆成立歐洲軍,呢個意義非同小河。
點解歐洲各國有自己軍唔夠,要成立歐洲軍,這意味佢哋都聞到燶味,估計會有仗要打。而呢場仗可能係中美問題引發。
中美兩個都係大嘢,無論人力、財力、軍力'資源都唔係講笑,兩國開打,歐洲點都要自保,以中美能力,歐洲冇一個國家可以頂得住,為有聯手先頂到。所以歐洲要有自己聯軍。
不論來臨會否打仗,風險不能少觀。
作者: 飛毛腿    時間: 2018-11-14 21:52

本帖最後由 飛毛腿 於 2018-11-15 10:53 編輯

床破本來就對老歐諸多不滿
見老歐唔聽自己枝笛,仲要死撐
更加心頭火起,所以豁免買波斯油呢鑊,對歐盟完全冇人情講
其實老歐火氣更大
呢幾十年嚟,老歐同老味假假地都係同撈同煲
大家夾手夾腳對付蘇聯,恃住自己科技領先,朋比為奸去禍害剝削班窮國小國
所謂一個好漢十個幫
單憑老味一國之力,冇本事去四圍惹事生非,蝦蝦霸霸
但拉埋班西方發達國家作幫兇,咁就人強馬壯
老味軍事力量夠強,歐洲經濟力量夠大,咁就可以橫行無忌
呢個就係 G7 嘅由來

不過,如今一個床破打破以往嘅遊戲規則
佢唔理咩同撈同煲,只要 America First
北極熊惹唔起,老中就軟硬不吃,手瓜又起展,想咬都咬唔入
於是歐盟丶日本呢種荷包腫脹,卻手無搏雞之力嘅「盟友」 就攞嚟開刀就最穩陣嘞
作者: 飛毛腿    時間: 2018-11-14 22:00

今日默大嬸撐馬克隆成立歐洲軍,呢個意義非同小河。
點解歐洲各國有自己軍唔夠,要成立歐洲軍,這意味佢哋 ...
無神論狂徒 發表於 2018-11-14 09:25 PM



講笑咩,山長水遠,冇老中嘅核心利益,又冇領土糾紛
老中又點會去歐洲開炮打仗
早幾年前,法德已經推動組建歐洲防衛共同體
只係老味一直阻頭阻勢
作者: 飛毛腿    時間: 2018-11-14 22:09

噚日美國一個智庫指出北韓有十二個秘密導彈發射場,可以射導彈去美國本土。
我唔知呢單真定假。
不過北韓只 ...
無神論狂徒 發表於 2018-11-14 09:19 PM


以前呢 D西方傳霉壟斷所有新聞話語權
佢話乜就係乜,普通人好難去質疑佢哋
但今時今日就唔同,因為有個老床
身為老味總統,佢不厭其煩去鞭撻呢 D 傳霉大孖沙造假新聞


[attach]3018[/attach]
作者: 飛毛腿    時間: 2018-11-14 22:42

本帖最後由 飛毛腿 於 2018-11-15 10:55 編輯

老味晌歐洲做老大,收班歐洲佬保護費
仲要當自己係救世主
以前有蘇聯呢隻凶猛嘅北極熊
歐洲佬提起就腳軟
不過,講起嚟就無厘頭
俄佬雖然粗暴,但歷史上冇點樣打殘歐洲
英法打一場百年戰爭,真係打足一百年有多 ~ 116年
歐洲佬自己打一場 30年戰爭 ,雖然有俄佬支持
但主要係天主教同基督教國家混戰
日耳曼各邦國 ( 果時未成立德國) 死咗 40% 人口
20世紀兩場世界大戰,發起嘅係德國,唔係俄佬
而俄佬反而捱完拿破崙一鑊,再捱希特拉一鑊
一場二戰,蘇聯得果一億幾人口,死傷二千幾萬人,都咪話唔金
講到尾,係歐洲佬對俄佬有偏見
總係當俄佬係野蠻人,睇唔起俄佬
老味樂於有俄佬呢個假想敵
攞嚟恐嚇歐洲佬,要歐洲乖乖地交保護費

蘇聯解體後,歐洲佬覺得一大威脅解除
開始鬆毛鬆翼,覺得唔使再俾老味剝削
呢個想法唔係今日先有
只係老味點肯放開歐洲呢隻肥羊

前幾日係第一次大戰結束 100周年
法國佬做東,舉行紀念儀式 ~ 梗係法國佬做東,唔通戰敗國德國做東咩
法國總統晌紀念會發言,話歐洲有必要建立自己嘅防衛軍力,應對來自俄佬丶中國同埋。。。。老味嘅威脅
老中係無厘頭被拉埋嚟陪襯,老中幾時侵略過歐洲? 相反咩英法聯軍丶八國聯軍就欠下老中血債
咪住,點解老味有份 ?     老味對歐洲係威脅?

老床坐緊空軍一號去法國出席紀念日
睇電視見到法國總理晌度吹水,乜話,竟然燒到老味果疊。。。。
佢老人家大發雷霆,狂插法國佬   

[attach]3019[/attach]
作者: 無神論狂徒    時間: 2018-11-14 22:43

回復 34# 飛毛腿


   
咁又唔係呀。當年二戰,咪一樣歐洲到東南亞,打到去太平洋同美國。如果全球因某啲原因打起嚟,戰火燒去歐洲好出奇咩。
作者: 飛毛腿    時間: 2018-11-14 22:48

老床越諗越焗冷氣
返到白宮,仲要吠九條法國佬
你條法國佬,當日俾德國打,毫無還手之力
德國佬攻入法國,只係 44日,法國宣佈放棄抵抗 ~ 即係投降
唔係我哋老味嚟解救你,你班廢柴要用德文做國語 ~ 老床真係咁講  。。。。


[attach]3020[/attach]
作者: 飛毛腿    時間: 2018-11-14 22:56

本帖最後由 飛毛腿 於 2018-11-14 23:00 編輯

老床呢次火氣好大
諗下諗下,覺得未吠得夠過癮
昨日連續發幾個 twitter  繼續吊高法國佬
話佢政績唔掂, 民望低,經濟又搞唔好,失業率上到 10%
所以撩事鬥非引開法國人注意力
陰功,一個總統 (法國佬)俾另一個大國總統罵街咁罵
老床真係前無古人   
最後仲要潤法國佬一句 : Make France Great Again     


[attach]3021[/attach]
作者: 飛毛腿    時間: 2018-11-18 17:05

床破點解對北約軍費耿耿於懷,總覺得老味吃虧 ?
原來北約每年嘅軍費真係好驚人
2017年,北約成員國嘅國防總開支達 9,587億美籠
而2018年將超過一萬億美籠
由於北約係集體防衛制度
大數就係咁多,其他國家軍費不足嘅情況,有大食大,梗係由老味包底
2017年,老味嘅軍費佔北約經費 72%
所以老床貓刮咁嘈,話老味好蝕底

北約軍費有兩大來源
一個係直接資金,直接資金分為共同資金同聯合資金
2017年,直接資金預算係 24.5億美籠,由數有成員國攤分
老味負擔 22.1%,德國14.6%、法國10.6%、陰國9.8%、意大利8.4%、大家拿 6.6%
剩餘嘅由其他小國分攤
直接資金中嘅聯合資金就花費晌特定項目,由參與國家分攤,冇份參與嘅成員國唔駛科水

直接資金都係小意思,最大鑊係間接資金
間接資金係用於北約號召 ( 其實就係老味)發起嘅軍事行動
各成員國自願投入裝備丶兵力所涉及嘅費用
~ 大概係指入侵阿富汗,轟炸利比亞之類
軍事行動係燒銀紙嘅玩意
但呢 D費用係各成員國自願負擔
咁問題就嚟喇,邊個都唔想出錢,勉為其難只係出少部份
特別係後來加入北約嘅原東歐小國,自身都唔係富有,邊有咁多閒錢陪老味去豪?
個個都唔願出大錢,老味唯有包底

老床上台之後,啄到實北約班友,猛吠佢哋唔願出錢
鞭撻佢哋要將國防預算提升到 GDP 嘅 2%
結果只係陰國丶愛沙尼亞丶希臘等少數國家勉強達標
作者: 飛毛腿    時間: 2018-11-18 17:27

本帖最後由 飛毛腿 於 2018-11-18 17:28 編輯

老床最唔順眼就係德國
德國係北約中,除咗老味外最有米嘅財主
偏偏就詐生賴死
梗係啦,有錢都攞去發展經濟,點咁硬膠陪老味去燒銀紙
雖然老味渲染話俄羅斯野心勃勃,威脅歐洲
但明眼人都睇得出,俄羅斯今時唔同往日,唔係蘇聯時代嘅國力
對歐洲唔係咩逼切性嘅威脅
所以德國死都唔願花大錢晌軍費度

今年年初,德國聯邦議會提交一個武器系統戰備狀況報告
報告話德國戰機丶坦克丶艦艇都存在缺少零件丶品質有瑕疵問題
國防軍主要武器只有一半可用
空軍戰機可以飛嘅唔夠總數量嘅三份之一

德國佬裝死有時真係裝得過火
前幾年有一個北約軍事演習
德軍竟然攞 D 掃把柄油黑佢當係衝鋒槍
總之扮死狗扮到足,錢就老虎蟹都唔願出
床破睇見佢就眼火爆


[attach]3025[/attach]
作者: 無神論狂徒    時間: 2018-11-23 12:05

來臨的世界是物聯網世界,是人工智能世界,哪一個國家最快掌握物聯網及人工智能最尖端技術,就是世界皇者,上世紀說誰掌握資訊誰就是皇者,現在有資訊也不足了,還要講求快速處理分析及行動,過去有資訊了,但要人去處理,再分析完作出反應,太慢了。現在要即時分析即時反應,即是要這一刻收資訊,下一秒要有行動,要做到這個高速,就要有一個完美接收資訊及發放資訊的工具,這就是5G技術。
也就是說,5G將會是人類發展的核心組成部份,一個國家的強盛也離不開這個技術。
作者: 無神論狂徒    時間: 2018-11-23 12:18

因為5G傳輸速度極快,十秒下載一激數據,以國家之內,這種傳輸速度等如毫無延誤(實在有,但極輕微,人類不會察覺)。
這套技術可以即時巨量接收訊息,再以人工智智能分析,快速得出結論,化成行動,經過物聯網作出實際物理反應,這全部要用5G的傳送。
例如物聯網所有車輪,人類不再需要駕車,所有道路訊息,都在人工智能掌握中,理論上不考慮天災,可做到零交通意外,在物流業中,可以做到超低成本,人的往反成本大幅降低。
以人工智能控制空中一切交通,可以鉅細無遺包括無人機,速遞方面也可以做到無縫接軌,人去到哪裡,速遞機就可以飛到你身處地方。
在軍事上更加可以做到無人戰場,所有軍事裝備都可以高度配合,縱使阻止通訊,5G可以協助預先把所有攻擊方案輸入軍備中,再由軍備中的人工智能自行決定攻擊方法。
所有經濟資訊都會自動匯入大數據中進行分析,改動經濟調控。
作者: 無神論狂徒    時間: 2018-11-23 12:25

所以5G是通往下一個人類革命的重要技術。往後才是真正的新世代革命人工智能技術。

我嗡咗一大堆5G,想帶出另一個話題,中美在5G的話語權。

5G技術上,日本、美國、中國及歐洲都有搞,好似韓國都有,現在最頂尖的5G技術就在中國華為手上。
你不難想像,華為對世界的5G有詁語權,就是中共對世界有話語權,中國的5G技術會掌人類命運,然而美國及西方國家是不會給中國這個機會,所以正在科技上著手打擊中國發展,現在是5G。下一步會是CPU芯片技術,更甚是量子電腦領域。而量子電腦如果成功了,將會對人工智能有長足貢獻。
作者: 無神論狂徒    時間: 2018-11-23 12:39

最近澳洲及美國都禁止了中國華為對其國內的5G投標,今日新聞指美國正在向更多國家灌輸中國5G不可信的宣傳,要求盟國禁用中國技術。這意味中國的5G技術雖然優質,但不能全球通用,有可能全球出現兩個5G陣營,一個是中國標準5G,一個是某某國陣營。
我預期中西方來臨5G的惡鬥只是一個序幕,來臨的人工智能技術才是一連串惡鬥。
題外話,中國的共黨掌政,只要一聲令下,舉國資源攻關,互相配合,應該有優勢,而西方的科技開發,以民間主導,各自為政,不會互相配合,民企以利字當頭,這個體制下,中國應該佔優。
作者: 無神論狂徒    時間: 2018-11-23 12:50

最後,我有理由相信中共正在計劃及塑造的,是一個高科技高效能清潔高速的人類將來。
而一帶一路正在興建的鐵路(中共正野勃勃研究真空超音速高鐵),再加上傳送技術及人工智能,將會把沿路的國家高度緊密配合互聯起來,地域距離及各種族的互聯,人類價值觀得到高度融合。最終型態可能是一帶一路的鉛綫國家和中國,可能會變成準聯邦的共生方式,或更甚成為一個體,「中國」這個字可能會成為人類歷史一部份。
因為老習提出的是人類命運共同體。
作者: 飛毛腿    時間: 2018-11-23 17:44

最近澳洲及美國都禁止了中國華為對其國內的5G投標,今日新聞指美國正在向更多國家灌輸中國5G不可信的宣傳, ...
無神論狂徒 發表於 2018-11-23 12:39 PM



所謂全球,最大市場不外乎歐美中三大主要市場
其他非洲丶拉美丶亞洲 (日韓除外)市場細,更冇話事權   
5G 用咩標準,除咗技術問題,話事權亦要靠市場大細去支撐
老中自己嘅 5G 用戶大概會超過歐美用戶嘅總和
咁我駛條毛理你咩標準,你要入我嘅市場就跟我嘅標準
假如蘋果丶三星嘅 5G 制式唔可以用晌中國移動丶聯通網絡
有卵人買你嘅電話,中國自己大把智能電話牌子
更何況華為嘅 5G 技術係第一線世界水準
家下大陸已經開始研發 6G 技術

华为描绘6G网络架构 迈向2030年及以后的新互联网
微波射频网 • 2018-11-14

日前,工信部 IMT-2020(5G)无线技术工作组组长粟欣透露6G概念研究将在今年启动。这意味着中国与全球同步开始6G研究。除了中国,美国、俄罗斯、欧盟等国家和地区也在进行相关的概念设计和研发工作。

我国4G用户数已达5.3亿 超过欧美总和
2016年06月23日

在前日举行的2016中国互联网大会上,工信部副部长陈肇雄表示,我国目前4G用户数已经达到5.3亿,比欧美总和还要多。4G网络经过两年时间的发展,已经在广大用户中得到普及。


2018年:中国智能手机用户数量将达13亿人次

据美国Zenith最新研究报告,到2018年,全球智能手机用户数量还将稳步上升,在这其中,中国为当之无愧的用户大国,其智能手机用户数量将达到13亿人次,位居全球第一;而位列第二的同样是人口大国印度,其智能手机用户人数则是5.3亿,近几年来,包括苹果在内的手机制造商纷纷把战略重心转移到了印度,希望能够开拓其中低端手机市场。美国则排在第三名,其智能手机用户为2.29亿人次

作者: 無神論狂徒    時間: 2018-11-23 22:19

[attach]3033[/attach]
作者: manw0ng    時間: 2018-11-23 22:53

正九西
作者: 無神論狂徒    時間: 2018-11-25 13:14     標題: 民進黨變身

民進黨變身:
[attach]3038[/attach]
作者: 無神論狂徒    時間: 2018-11-25 13:20

老美暫斷一臂。下期再選先由綠營上場,台灣政治一向輪流揸庄,但呢次九合一民進黨幾乎滅黨。
個情況係好似擠牙膏。國民黨上場拼好經濟民生,日子好啲手上有資源少少,民進黨上場就鋪台毒路,整死經濟又到藍營上場搵錢,搵到錢,綠營用呢啲錢搞台毒,擠下擠下。台毒就愈擠愈多。
作者: 飛毛腿    時間: 2018-11-25 22:16

正話去深水埗黃金商場買 D 電腦配件
街上見到有助選團晌度貓刮咁叫
李雀痕個福街含家慘幅車頭相通街掛起
佢嘅助選團十之八九係廢青
講來講去三幅被,咩為香港人發聲,監管政府唔好亂用錢
佢哋話起條高鐵,每個月要蝕八千萬喎
佢哋話另一個對手陳凱欣喺有錢人,而李雀痕就跟你哋一樣係香港人喎  ╭∩╮
總之幾十年如一日,都係果堆廢話,丟佢滷味

另一個候選人陳凱欣嘅助選團係上年紀嘅居多
行過幾條街都只係見到呢兩個候選人擺檔叫喊
唔見有幾他候選人嘅助選團,奇怪

總而言之,呢種西方議會制係廢柴,低效率嘅制度
以前風生水起嘅時候就吹到天花龍鳳
今日西方國家普遍競爭力下降,狗咬狗骨嘅議會制就醜態百出
選舉制既然係一個完美民主嘅制度
仲駛乜卵嘢好似下面咁要上街暴亂

同場加映
呢度唔係非洲第三世界
係曾經嘅浪漫寫意嘅花都 ~ 巴黎
時間 : 昨日


[attach]3042[/attach]
[attach]3041[/attach]
[attach]3040[/attach]
[attach]3039[/attach]
作者: 無神論狂徒    時間: 2018-11-25 23:48

法國血腥屠城花都。眼見法警放火燒死啲手無寸鐵嘅民權鬥士blablabla⋯⋯
作者: 無神論狂徒    時間: 2018-11-25 23:53

我响長沙灣見陳凱欣都比雀㾗叔少拉票馬仔。不過陳凱欣啲馬全部係上咗年紀嘅大嬸阿婆。
雀㾗叔就老又有後生又有。响元洲商場門口見監躉雄幫雀㾗叔扯皮條。
作者: 飛毛腿    時間: 2018-11-26 08:44

今早起身睇下新聞
點票結果係陳凱欣 10萬票險勝
李雀痕條躝癱都有九萬三票
可見港獨嘅死忠腦殘都幾疊友
唔一定係李雀痕呢種政治老人有咩魅力
而係反中亂港嘅人數不可少覷
不過,李雀痕梗以為自己係政治明星,魅力沒法擋
下一鋪垃圾會選舉,肯定會見到呢條杏加橙出嚟搏命
呢種賤人只有靠議員身份先可以賣到錢,替老味主子效力
作者: 無神論狂徒    時間: 2018-11-26 12:37

https://hk.news.yahoo.com/劉小 ... 心-182015959.html

牛屎麗話雀痕叔輸咗,民主運動不會因為一場戰役而灰心。

吊詭係陳凱欣勝出,正正係民主運動下的結果,係選民足出來,用選票踢走雀痕叔。

牛屎麗嘅潛台詞係,民唔民主,唔係你做過啲乜,而係我話你民唔民主,我話你唔民主就係唔民主。响佢哋眼中,只有佢哋係民主,就算全港人一人一票選出習近平做香港特首,响呢班泛民本土派眼中,都是唔係民主。

這就是民主頭獨裁骨的泛民本土派真面目,

可能收美國人工,點都唔可以丟美式民主、美式人權嘅架,美國佬話你有民主有人權才說了算,你做過啲乜唔係重點。
作者: manw0ng    時間: 2018-11-26 22:19

李呃人佔中時話,選民可以用選票去懲罰牠
作者: manw0ng    時間: 2018-11-26 22:29

李呃人佔中時話,選民可以用選票去懲罰牠
manw0ng 發表於 2018-11-26 22:19

旺角選民一定記得
作者: 無神論狂徒    時間: 2018-11-26 22:48

https://www.guancha.cn/politics/2015_09_18_334779.shtml

呢個張瑋珊原來响大陸好惹火。由一個深綠人變成深藍人,比深綠人痛罵,然而似乎是有識之士。
作者: manw0ng    時間: 2018-11-26 23:35

呢個張瑋珊原來响大陸好惹火。由一個深綠人變成深藍人,比深綠人痛罵,然而似乎是有識之士。 ...
無神論狂徒 發表於 2018-11-26 22:48

寫得幾好
作者: 維圓阿伯    時間: 2018-11-27 11:43

呆灣民退黨輸
綠骨藍皮回塘
其实綠人永久執政
我國統一才有望
阿伯真失望
作者: 無神論狂徒    時間: 2018-11-27 20:09

https://www.youtube.com/channel/UCAtSI7TkYLlQEfU4X0K_sCw/featured

我呼籲這裡的朋友,請訂閱這個頻道,就是張瑋珊及台灣的一些醒悟,有研究歷史的年青人,開了這個頻道。
裡面內容有不少台灣人的歷史資料、現狀、日本如何對台灣人進行洗腦。陳水扁上台去中國化,推教改。
給她一份力量吧!
而且內容很好看,在裡面看見更多我不知的台灣人情況及想法。
請大家subscribe一下!
作者: 無神論狂徒    時間: 2018-11-27 20:17

https://www.facebook.com/yuanwang.cntw/

如果你哋有面書,請比個讚!
作者: 無神論狂徒    時間: 2018-11-27 20:20

https://presciencetw.blogspot.co ... FyeI6Tlr7wcbrMAQMCk
這個很讚。入去逛逛
作者: 飛毛腿    時間: 2018-11-28 09:21

這就是民主頭獨裁骨的泛民本土派真面目,

可能收美國人工,點都唔可以丟美式民主、美式人權嘅架,美國佬話你有民主有人權才說了算,你做過啲乜唔係重點。

無神論狂徒 發表於 2018-11-26 12:37 PM


佢班含洋奴學佢哋老味契爺 D 民主頭獨裁骨
跟老味作對嘅鬍鬚佬係恐怖份子
跟老味唔順眼嘅政府作對嘅就係自由戰士
好似拉登就係,同一個人,跟蘇聯作對時係自由戰士
跟老味作對就係恐怖份子
總之,老味話你係民主,你唔係到變係
老味話你唔民主,你係都變唔係


[attach]3047[/attach]
作者: 飛毛腿    時間: 2018-11-28 09:31

本帖最後由 飛毛腿 於 2018-11-28 09:42 編輯

有一個活人辦
曾幾何時,昂山素姬被捧為民主女神
乜卵嘢諾貝爾和平獎,各國大贈送各類榮譽公民,大學榮譽學位等
眾星捧月咁,光芒四射,女神下凡一樣

限於緬甸憲法, 素姬女神因為老公同仔都係陰國人,所以唔可以做緬甸總統
素姬嘅政黨想修改憲法,軍佬極力反對
素姬於是搵一個忠實政治盟友出嚟參選總統,自己做太上皇
贏咗選舉,盟友做掛名總統,實權係素姬掌控
所有國際會議都自己以「國家顧問」身份出席
換著如果係老中或者俄羅斯用呢一招
老味同西方一班契弟肯定猛吠呢種係假民主,係傀儡總統
但素姬係民主女神,大家理解佢嘅難處

本來老味期望素姬坐江山之後
會乖乖地聽老味指點,奮不顧身咁做反中炮灰
話唔定仲邀請老味建立幾個軍事基地俾老味駐軍
估唔到素姬真係為國為民,決策以國家利益為首要考慮
天堂在遠,中國在近
跟中國作對於國於民都係損害,而跟中國合作就利國利民

於是敘利亞嘅劇本又一次上演
緬甸若開邦一大堆回教徒 ( 正式名稱係穆斯林)作反搞事
呢個族群叫羅興亞人,想要客家變地主,話自己係若開邦嘅主人
呢 D又係陰國佬殖民統治遺留嘅蘇州屎
好似鄉港有好多殖民地時期引入嚟嘅南亞人
如果過咗幾代,佢哋話自己世代晌鄉港居住,佢哋係鄉港嘅主人,鄉港係佢哋神聖不可侵犯嘅領土
睇下班港燦含蝦燦有咩反應 ?

你得把口講都算嘞
但佢哋有一個激進組織叫 「羅興亞救世軍」,舊年突然發動恐怖襲擊
同敘利亞一樣,老味同西方班契弟話呢班人唔係恐怖份子,係反抗緬甸政府壓迫嘅自由戰士
呢班人背後有咩勢力支持,唔駛問阿貴都知
想借題發揮,割走緬甸一塊領土自立為王?
昂山素姬同軍佬都企硬唔妥協,唔係點向國民交代?
於是軍佬圍剿呢班羅興亞激進組織
老味同班西方契弟就發爛渣,口誅筆伐狂插昂山素姬
話緬甸政府進行種族清洗
跟住將昂山素姬掃落神壇
西方贈送俾素姬各種錦上添花嘅榮譽逐一被剝奪
昂山素姬 : I don’t care
作者: manw0ng    時間: 2018-11-28 12:06

如果你哋有面書,請比個讚!
無神論狂徒 發表於 2018-11-27 20:17

支持
作者: 無神論狂徒    時間: 2018-11-28 14:50

功德無量
作者: 無神論狂徒    時間: 2018-11-28 14:59

http://orientaldaily.on.cc/cnt/c ... 1128_00178_004.html

新疆再教育營
很難要我相信。
過去十幾廿年有傳美國及西方致力抹黑中國,妖化中國。所以西方人會以負面角度睇中國,我半信半疑,因為我接觸不多外國鬼,更少談這類話題。
但我上youtube和老外多談話了。又去一個公開網站比全球人交流篊國人民的視角,都肯定這是事實。機乎所有來中國遊覽或工作的老外、都承認自己被西方媒體騙了,真係自認被洗腦了。
所以西方經常講大話,看穿了的人是不會信的。
再加上美國熱比婭係彊獨組織,和東突恐怖組織係一丘之貉。所以我有理由相信這次也是假的
作者: 飛毛腿    時間: 2018-12-2 22:21

阿根廷 G20 峰會
床破預早約定老習食晚餐,傾貿易戰問題
原定傾一個鐘,最後要加時傾咗兩個半鐘
不過連埋食飯時間,邊食邊傾抑或傾完再食,兩個半鐘唔算多
最後大家公佈話雙方貿易戰暫停
暫停嘅意思係之前老床威脅要出年1月1日起對兩千幾億中國商品再加 25%關稅
家下就唔執行住,三個月時間內再傾出一個協議
本來已經加咗關稅嘅,繼續執行
所以係貿易戰保持現狀

睇下數據 :

中國海關公佈資料顯示,前三季度中國對美進出口3.06萬億元,同比增長6.5%
其中,對美出口2.27萬億元,增長7.4%;自美進口7981.3億元,增長3.8%。
9月份當月,對美進出口4055.4億元,增長13.1%。
其中,對美出口3193.1億元,增長16.6%;自美進口862.3億元,增長1.6%。

中國前三季度對外總體貿易情況 :
前三季度中國出口總值22.28萬億元,同比增長9.9%。
其中,出口11.86萬億元,增長6.5%,進口10.42萬億元,增長14.1%。


貿易戰打咗半年左右
可能大嘅後果仲未完全反映出嚟
但已經有趨勢睇到 :
老味想通過貿易戰消除貿易逆差係唔可能 ~ 無論對中國貿易抑或對其他國家
貿易戰唔會實現到老床喊嘅口號 Make America Great Again
貿易戰對老味嘅金融霸權有害無益
老中嘅反制措施,首先受害嘅係老床嘅擁躉 ~ 農民
貿易戰暫時睇到係老味損失唔見得比老中少

所以老床受到一定壓力
最主要係好多分析都認為,1月之後,因加關稅嘅效應,零售價格會全面飆升
到時最傷嘅係抵受能力最弱嘅老味社會低下層
真係民怨四起時,仲再次偉大條毛咩
對手民主黨會乘機借住民怨藉口盡情攻擊老床
作者: das_reich    時間: 2018-12-4 15:11

新疆再教育營
很難要我相信。
過去十幾廿年有傳美國及西方致力抹黑中國,妖化中國。所以西方人會以負面角 ...
無神論狂徒 發表於 28-11-2018 14:59

狂徒兄, 恐怕現時已沒有太多人去信 老尾及其轄下的新聞

之笛 。 老尾位於 古巴內的甚麼所謂 “超佢阿摸“海軍基地

裏, 扣押了一班非 老尾公民, 那又能作何解釋
作者: das_reich    時間: 2018-12-5 16:16

本帖最後由 das_reich 於 2018-12-5 16:31 編輯

自說自話

昨天 4號星期二, 從新聞報導中得知, 老尾 與我國在阿根廷

舉行峰會後, 相方所公佈的內容是截然不同, 例如 床破說我國會對其

生產的汽車作零關稅而我國就根本沒提及 。 到今天, 新聞報導中又

說條 床破又想對恊議作出改變, 會派出那件 萊實欺榨再談過(大

意是) 。 自開戰而來, 床破已不下二次說牠已贏, 但為何牠總是

最後還是要談 。 自己仍覺得暫時是一和局但時間是站在我國,

即我國不著急、不用急
作者: das_reich    時間: 2018-12-5 16:28

...呢度唔係非洲第三世界係曾經嘅浪漫寫意嘅花都 ~ 巴黎時間 : 昨日
飛毛腿 發表於 25-11-2018 22:16

飛兄, 可能是自己太小心眼與疑心大, 這鑊的起承轉合實太似 傷港

的 黃巾之亂了……開始的訴求變了、說是和平進行亦變了。 那幕後

推手就實太明顯了
作者: 無神論狂徒    時間: 2018-12-5 22:51

民主發展下去,不知民主精粹的人會把民主演化成民粹。
作者: manw0ng    時間: 2018-12-6 13:48

民主制度只是人類發展的其中一個工具,
從古代一群人只有十多人,推舉領袖,
到越来越大族群,國家。
經歴多種制度都各有利弊。
民主制度也顯現很多弊端,並不是一個優勢的制度,用太抬舉
作者: 無神論狂徒    時間: 2018-12-6 15:05

https://hk.news.yahoo.com/華為 ... 令-235319320.html

美國封殺中國5G技術,第一波係遊說盟友棄用華為5G技術,呢次係捉佢副坐館。
制裁伊朗係美國單邊行為,連盟友歐洲都唔賣賬,美國本土肯定大把歐洲公司同人都違法。佢係唔捉,係你中國華為副坐館。背後係以司法花紙包裝政治惡毒陰謀。
中美在科技上的競爭,一定是連番惡戰,這次捉老孟,仲可以為中美貿易戰談判桌上,多一件籌碼。
或者再把圖畫放大一啲,係中西方權力核心轉移修昔底德的揭斯底里呼叫。西方以為自己最先跑到人類發展的終極制度,但現實上不是,兩極在意識型態上的鬥爭。
作者: 飛毛腿    時間: 2018-12-10 22:19

12月1日,華為太子女晌加麻大溫哥華機場被「合法」綁架
太子女當時只係去溫哥華轉機去阿根廷
太子女晌華為嘅職務係首席財務官 CFO
加麻大綁架佢嘅理由係應老味地方法院要求,綁佢返去老味度受審
罪名係華為違反老味禁令,華為嘅關聯公司同伊朗做生意
唔好狗噏咩法律依據,老味嘅邏輯係我唔准你哋同伊朗做生意,全世界嘅人都要遵從老味嘅禁令

匯豐幫墨西哥丶哥倫比亞毒販洗黑錢,老味罰款
渣打幫客戶轉錢俾伊朗,罰款
法國巴黎銀行幫古巴丶伊朗轉錢,罰一鑊金嘅
中興同伊朗做生意,先罰款,再禁買芯片俾中興
冇芯片用中興可能會死,不過賣芯片俾中興嘅高通一樣半死,大家攬住死
於是老味就再罰款算喇
其他人違反老味禁令,都只係敲詐一筆錢算數
偏偏華為就要綁架太子女
於是,大陸仔就編咗一段笑傲江湖嘅內容嚟形容呢件事
~ 我唔記得笑傲江湖係咪真有呢段對話,不過我估都係老作嘅多 :


[attach]3059[/attach]
作者: 飛毛腿    時間: 2018-12-10 22:28

本帖最後由 飛毛腿 於 2018-12-10 22:29 編輯

一間企業嘅財務主管,執行公司嘅決策
又唔係走私販毒入老味度
有乜理由個人要負上刑事責任 ?
而且只係你老味嘅國內法律
不過,老味係黑社會國家,理九得你咩法理依據
但加麻大呢種毒品國真係腦殘到冇人有
人哋老中同老味互片,你醒目嘅就有咁遠就避咁遠啦,插隻腳落去托七咩
由此可見,加麻大呢種國家做狗做到冇哂自主權,比朝鮮都不如
作者: 飛毛腿    時間: 2018-12-10 22:51

電訊業嘅發展
最先嘅 BB機,然後手提電話 - 模擬制式
然後 GSM  2G 年代
再後來西方國家操控標準
淨係收專利稅,都可以瞓晌度收錢
到 4G年代,老中先趕上嚟分一杯羹, 好少嘅一杯羹 ~ 都好過冇

但去到今日 5G 年代
華為佔大部份專利,而且仲領先其他電訊商
西方瞓晌度收錢嘅日子冇咗嘞
而且 5G 年代,號稱萬物互聯
咩無人駕駛,智能家居之類,幾乎大部份嘅日常生活都離唔開 5G
電訊設備係華為的話,老味想加後門監控全世界就冇著落
技術上又打唔低華為,於是扯爛面,出 D 卑賤無恥嘅旁門左道手法
華為嘅靈魂人物係任正非
太子女係任正非悉心栽培嘅接班人
於是就發生呢件事
太子女唔係咬住金鎖匙出嚟嘅富二代
佢係由最低層 ~ 坐門口嘅 reception 做起

件事仲係僵持住
加麻大整色整水咩走法律程序
老中外交部已經召加麻大大使,嚴厲警告立即放人
不過,估計警告係冇乜實用
冇 D雷霆手段佢哋當你唱歌
白鬼唯一聽得明嘅語言就係拳頭
睇下老習點對付佢哋啦
作者: 無神論狂徒    時間: 2018-12-11 10:37

呢度補充少少資,根據法律,華為係法人,出咗事係由法人孭。所以要告就告公司。
但法律上有謂揭開法人面紗,某種程況下,由公司負責人孭飛。
不過一來揭開法人面紗,唔係話揭就揭,而係要經法律程序,正常程序係出信去華為,先告公司,公司派人上庭抗辯,經法庭判定有否需要揭開法人面紗。
再者盂晚舟唔係坐館,就算揭開法人面紗,都唔應該捉佢。
作者: ali    時間: 2018-12-12 00:25

本帖最後由 ali 於 2018-12-12 00:38 編輯

加拿大官方資料https://www.scribd.com/document/395185754/Surrey-RCMP-Const-Winston-Yep-s-affidavit#fullscreen&from_embed
其中一頁老尾話係8月份係New York已簽發拘捕令喎
[attach]3060[/attach]

老尾通知加拿大 孟晚舟搭國泰機cx838往溫哥華轉機去墨西哥
[attach]3061[/attach][attach]3061[/attach]

班機仲係從香港飛溫哥華
香港同老尾有引渡協議,幾個月嚟點解唔通知香港警方?因為唔要畀阿爺知?

[attach]3062[/attach]
作者: 無神論狂徒    時間: 2018-12-12 09:39

好明顯係佢估香港唔會助日紂為虐,在5G技術上香港冇必要怕,而且只有利。香港幫佢扣人咗,轉頭會玩司法手段放人,又或者通風叫老孟唔好嚟。
作者: 飛毛腿    時間: 2018-12-12 22:22

本帖最後由 飛毛腿 於 2018-12-12 22:24 編輯
好明顯係佢估香港唔會助日紂為虐,在5G技術上香港冇必要怕,而且只有利。香港幫佢扣人咗,轉頭會玩司法手段 ...
無神論狂徒 發表於 2018-12-12 09:39 AM


香港假髮人雖然好多腦殘同香蕉人
但有上訴機制情況下,未必下下遇著腦殘嘅
只要受過正常嘅法律專業訓練,好難幫老味幫得落手
睇下份無厘頭九嘅逮捕申請書 :

PROVISIONAL ARREST REQUEST FOR WANZHOU MENG

Because Meng and other Huawei representatives misrepresented to Financial Institution I (Note:i.e. HSBC) and other financial institutions about Huawei‘s relationship (Note:not specified but maybe China big 4 banks?) about Huawei’s relationship with Skycom, these victim banking (Note:potential victims) institutions were induced into carrying out transactions that they otherwise woud not have completed. (Note: these banks are supposed to rely only on their own decision to provide service or not based on their DD.) As a result, they violates the banks's internal policies, potentially violates U.S. sanctions laws and exposed the banks to the risk of fines and forfeiture. In particular, these relationships included the clearing of hundreds of millions of U.S.-dollar transactions throguh correspondent accounts at financial institutions in Eurozone countries. In essence, these misrepresentations exposed the financial institutions to serious harm and denied the institutions the opportunity to make decisions based on the true risk of processing certain transaction and the reputations risk associated with banking high-risk clients such as Huawei!

家下要拉孟女嘅理由唔係話華為跟伊朗做生意
係話孟女誤導銀行 ~ 除咗匯豐仲有唔知邊間銀行
these victim banking (Note:potential victims)  ~ 所謂受害嘅銀行,唔係真係受害,係可能會受害
因為呢 D銀行 ( 唔知乜叉銀行)可能會違反老味嘅禁令

一份咁無厘頭九嘅莫須有指控就話要拉要鎖孟女
加麻大個腦殘白痴法官仲煞有介事咁聆訊
仲要開出 16項條件先准孟女保釋
迷信英式法律嘅含蝦燦真係可以開下眼界
作者: 飛毛腿    時間: 2018-12-12 22:31

狀棍同含蝦燦死吹死含嘅所謂西方法治社會
老床真係啋你都硬膠
呢鑊係借法律之名嘅綁架勒索案
只要贖金傾得埋欄,法治你條毛  



[attach]3064[/attach]
作者: 飛毛腿    時間: 2018-12-13 23:12

華為呢個名,晌鄉港俾人認識到係近十年八年嘅事
主要係智能手提電話蓬勃後嘅事
之前嘅手提電話主要係三叔丶諾基亞丶Sony Ericsson之類
蘋果電話橫空出世後,智能電話進入新時代
華為電話呢個時候先至加入戰團,咁就漸漸多人認識
到今日,三叔暫時仍然佔全球銷量第一 ~ 但晌大陸嘅市場佔有率已經跌到得 2%左右
大陸市場以華為為一哥
全球市場就華為同蘋果叮噹馬頭,你追我趕爭第二位
因為咁,好多港燦以為華為係手機製造商
但其實華為最勁嘅唔係手機,係通訊設備

華為有幾勁?
勁到老味怕咗佢,又冇能力( 技術上)打低佢
去到 5G年代,華為可能一騎絕塵
老味真係又驚又怒
老味幾十年來睥睨天下嘅本錢就係科技冠絕全球
領先其他國家唔係一個馬鼻或者半個身位,要贏一條街先叫做贏
即係以代差計,好比話你用緊 BB 機時,老味已經用手提電話
掌握先進科技,好似自己印銀紙咁,成本 10蚊嘅貨可以賣 500蚊,甚至唔賣俾你
你自己又唔識做,識都冇本事做

但今時今日,老味呢種絕對優勢已經冇哂
相對優勢愈嚟愈少
5G 通訊制式甚至毫無優勢
老味急怒攻心,所以殺人越貨,綁架勒索無所不為
作者: 飛毛腿    時間: 2018-12-13 23:23

21世紀初,科網熱潮年代
通訊設備商有好多大孖沙
好似加麻大嘅 Nortel,老味 Cisco, 法國佬 Alcatel丶朗訊, 西門子,諾基亞,愛立信。。。。
果時華為名不見經傳,苦苦掙扎嘅細廠商
十九幾廿年過去,大浪淘沙,好多大孖沙歸天
Nortel 破產, 朗訊俾 Alcatel兼併,西門子拉閘
而華為竟然成為全球通訊設備一哥
睇下 :


[attach]3065[/attach]

[attach]3066[/attach]
作者: 飛毛腿    時間: 2018-12-13 23:33

通訊設備唔同衫褲鞋襪
唔係你賣得平就多人幫襯
係要你嘅產品可靠,高技術
華為好肯落本錢開發自己嘅技術
明知道依靠外國技術你就唔駛指意有發展
必要嘅關頭,班白鬼實會鏈死你,少隻香爐少隻鬼
睇下華為自己嘅專利技術 :

[attach]3067[/attach]
作者: 無神論狂徒    時間: 2018-12-15 11:50

呢排又多咗好多政局話題值得吹吓。
作者: 無神論狂徒    時間: 2018-12-15 12:02

我都聽過一個論調,指出美國針對盂嘅虛假電郵,係電郵詐騙,所以孟要私人負責,所以美國唔告公司呢個法人,係合情合理。
如果按呢個邏輯,法人就冇用。因為法人背後一定有人做嘢,呢捉著裡面犯錯嘅人(如有),就聲稱係私人行為,呢啲係乜邏輯。
孟以公司排頭出電郵,只能推論出公司詐騙。是否要揭法人面紗,係後話
作者: 飛毛腿    時間: 2018-12-15 22:35

我都聽過一個論調,指出美國針對盂嘅虛假電郵,係電郵詐騙,所以孟要私人負責,所以美國唔告公司呢個法人, ...
無神論狂徒 發表於 2018-12-15 12:02 PM


任正非個女就冇辦法
佢落入人哋手中,只有晌法律圈套裏面掙扎
但老共得九閒墮入佢哋嘅圈套,同佢哋狗噏扯皮咩法律問題
老共死咬住呢件係政治事件
你同佢哋扯皮咩法律觀點的話
一班狀棍假髮佬可以同你咬文嚼字大戰三百回合都未分勝負
前幾日床破接受路透社訪問時,佢話如果跟老中嘅貿易談判得到有利嘅結果
佢可以插手干預呢件事,只要 Whatever’s good for this country, I would do

大家麻班跟美狗正自吹自含咩法治社會,司法獨立,依法辦事
床破就話只要勒索成功,贖金令我滿意,我可以隨時搞掂呢鑊嘢
大家麻班白痴好似俾床破一嘢實條卵入佢哋個口咁,冇聲出
作者: 無神論狂徒    時間: 2018-12-16 16:08

我睇呢舖,樹葉國會放人居多,只係要搵個好聽嘅方法放人。
樹葉國近年同老美都有啲過節,不過有司法引渡協議,所以焗著綁架任大小姐,點知一綁架先知一褲都係。
轉頭老中就依法拘捕佢啲人,成件事都好明顯,老美將瞄準老中科技升級,要一棍吽落去,先嚟貿易戰,再嚟搵樹葉國綁架老中科技巨頭副坐館。
老中捉番樹葉國兩隻馬,都天公地道丫。你果兩件係蛋散,捉兩件鬥坪,任大小姐一定重好多。
我睇樹葉國心諗,你老味,我冇理由為你老美同老中開片丫。你哋點開火,唔好燒著我,我唔會理你。
所以樹葉國冇理由攬上身咁戇狗。
再加上呢單嘢,智障都知係政治事件,大條道理放人。
昨日裁決咗,放咗任大小姐軟禁著,都算比面,而事實比對翼任大小姐,都冇可能棄保潛逃,佢敢走,以後老中仲洗出嚟行走江湖?乜面都丟清啦,佢真係走,老美一定第一時間踩一腳落嚟。
所以樹葉國一定會放人。不過要放得好好睇睇。
作者: 無神論狂徒    時間: 2018-12-16 16:16

https://hk.finance.yahoo.com/new ... 據-023502704.html

德國走出嚟講公道說話。
幾過癮,當年默克爾比奧巴馬揭開裙底睇,個稄鏡計劃。所以德國人對美國都有戒心。
棄用美國嘢都係,用華為都仲有機會冇人愉睇,用美國嘢或其爪牙產品,都一定會被偷睇。
總算聰明。
作者: 飛毛腿    時間: 2018-12-28 11:02

原定 2020年先可以全球導航
提前今年年底開檔
當然意義重大嘅唔係民用導航服務咁簡單
而係全球軍用導航,比如戰機丶軍艦潛艇丶導彈。。。。。

北斗系统今天开始提供全球服务

人民日报客户端12月27日报道,在12月27日下午举行的国务院新闻办公室新闻发布会上,中国卫星导航系统管理办公室主任、北斗卫星导航系统新闻发言人冉承其宣布:北斗三号基本系统完成建设,于今日开始提供全球服务。这标志着北斗系统服务范围由区域扩展为全球,北斗系统正式迈入全球时代。

作者: 飛毛腿    時間: 2018-12-31 21:16

以前睇過一齣戰爭片
講二次大戰時英軍轟炸機要冒死去炸德軍一個水壩
水壩望落有成十幾呎厚,用鋼筋水泥建造
咁堅固嘅水壩唔係一兩個炸彈就可以炸得冧,閒閒地要投下幾十噸炸藥
於是十幾架英國轟炸機輪流飛過水壩上空掉炸彈
地面防空炮火密集咁射向轟炸機
一架轟炸機中彈墜落,後面嘅轟炸機繼續上,前赴後繼
最後當然將水壩炸冧

轉眼幾十年
1991年第一次海灣戰爭
老味要炸開伊拉克一個水壩
首先發射一隻巡航導彈將水壩炸一個缺口
跟住第二隻巡航導彈準確咁擊中呢個缺口,跟住第三隻又到。。。
伊拉克防空部隊連老味嘅轟炸機影到見唔到,已經俾老味炸到開花
2003年老味再打伊拉克
據講導彈可以沿住新聞大樓嘅通風口打入去
呢 D導彈好似自己有眼咁識得搵路走
就係 GPS 衛星導航嘅功勞
作者: 飛毛腿    時間: 2018-12-31 21:21

本帖最後由 飛毛腿 於 2019-1-1 23:00 編輯

1993年, 老中有一隻貨輪銀河號正駛向中東
老味話收到情報,呢隻船載住化學武器運去伊拉克,要求登船檢查
當時伊拉克受到聯合國決議禁運
老中話冇違反聯合國禁運令,拒絕俾老味登船搜查
但冇耐,隻銀河號導航系統失靈,隻船冇晒方向
隻船晌海上漂流咗幾十日, 冇咗 GPS 導航,大海茫茫唔知駛向邊先啱
隻船晌海上漂流,淡水同食物儲備有限
船上冇準備原始嘅測量工具,要求救都講唔出自己嘅座標
而且就算老中派船嚟救,老味關閉呢個區域嘅 GPS 或者發出修改過嘅假座標
拯救嘅船隻一樣搵到隻銀河號
迫於無奈,只好俾老味登船搜查
最後,乜七都搜唔到,老味拍拍蘿柚走人

1995年,李燈灰拋出兩國論後,克淫頓又准許李燈灰訪美
或明或暗咁替岩里政男撐腰
老共要俾 D決心老味同李倭睇
1996年3月解放軍大規模海陸空演習,仲向呆灣發射導彈
但三隻導彈有兩隻射到無雷公咁遠
原因係老味關閉果區嘅 GPS導航
冇咗導航嘅導彈,同射枝煙花上天冇幾大分別

受到呢 D教訓,老中知道冇自己嘅衛星導航
就好似一個盲公靠人哋拖住隻手帶路咁
人哋甩開你,你就盲摸摸,諗都唔好諗咩導彈嘞
而人哋老味,可以千里之外擊中你嘅要害

1978年老味開始施行GPS 計劃,但只限於軍用
去到1983年,列根先允許 GPS 開放俾公眾平民
民用 GPS 定位精度梗係唔及得上軍用,據講軍用 GPS 精度比民用高十倍
所以老中搭單用老味嘅 GPS 只限於民用 GPS
仲要隨時俾老味關閉,等你變盲公
所以老中有乜可能忍受到呢種寄人籬下嘅處境
作者: 飛毛腿    時間: 2018-12-31 21:29

本帖最後由 飛毛腿 於 2019-1-1 22:54 編輯

老中睇見老味晌海灣戰爭演示嘅現代化信息戰爭
已經警覺到時代唔同嘞,戰爭方式跟以前唔同
敵人唔須要晌目視範圍內郁手
你都未睇到敵人,已經俾人炸到四腳朝天
所謂取人首級於千里外就係咁樣
從此有一個新戰爭名詞,叫外科手術式打擊

1994年老中開始研發衛星導航系統
直至 2003年終於完成北斗一號
雖然精度比 GPS 差 D, 但終於擺脫對 GPS 嘅依賴
其實北斗一號精確度比唔上 GPS,唔係技術問題而係錢嘅問題
GPS 呢種定位系統,精度取決於衛星軌道
如果採用低軌衛星,發射成本低,精度高,聽落好似幾正
不過,要覆蓋全地球的話,要 200隻衛星
呢個數量連老味都頂唔順,莫講老中
老味用折衷方案,24隻中軌道衛星就搞掂,精度差少少,但花費慳好很多
老中就冇錢又冇經驗,只好用最慳錢嘅方法~ 兩隻高軌道衛星
呢兩隻衛星靜止晌中國上空,只能為中國境内定位,而且俾唔到高程數據 ( 注釋如下)
用戶要自備家生測高程,數據作為第三座標,但咁做最慳錢

老中自己嘅土產貨北斗一號,拍埋 GPS 度顯得冇咁帥靚正
一直都俾人輕視
點知2008年汶川大地震時,有樣功能出人意表咁好使好用
GPS 嘅用戶端只能接收衛星信號,不能相互通信
而北斗一號具備雙向通信功能,用戶端可以接收亦可以發出短信
當日進入災區嘅救援隊伍就係利用北斗向指揮部報告災區情況,請求救災直升機空投物品之類
同樣情況,出海漁船配備北斗導航,遇上緊急情況可以發短信向控制中心求救
當然佢哋可以用衛星電話,國際卡海事電話每分鐘 7蚊人仔,衛星電話要自己買,仲要交月費
而北斗一號每條短信 三粒神人仔,漁船裝備北斗導航仲有政府補貼
作者: 飛毛腿    時間: 2019-1-1 22:54

注釋:

地面上某點到某一水平面的垂直距離。分絕對高程(即海拔)和假定高程(離假定水平面的垂直距離,即相對高度)
作者: 無神論狂徒    時間: 2019-1-2 22:12

https://www.exmoo.com/article/90667.html

https://www.youtube.com/watch?v=EiHvKIni_UE


英國電信商不理會英國政府。
捷克認衰仔。
日本軟銀栠團警告日本政府。

美國施壓,好似唔多有效,無嘅,因為華為技術太先進了,其他對手仍在研究階段,只有老中華為真係搞掂哂,而且量產出來。
技術才是硬道理。
作者: 飛毛腿    時間: 2019-1-2 22:31

老味電訊業老大 AT&T 前幾日向客戶測試 5G 網速
客戶用AT&T嘅 5G 設備測試到實時 :   194.88Mbps
同一位置,客戶用 4G 設備測到網速係  187.44Mbps
於是D客戶吊高 AT&T 充大頭鬼, 將 4G 叫做 5G

而差不多同樣時間,都係幾日前
華為晌意大利替 Vodafone 測試 5G
用華為嘅設備, 測出嘅網速係每秒 2.7G


老味測試:

[attach]3099[/attach]

[attach]3098[/attach]
作者: 無神論狂徒    時間: 2019-1-2 22:34

餘下床破留响老美搓賓周。自己講自己爽。




歡迎光臨 擺 渡 ※ 空 間 (http://seeu.weclub.info/) Powered by Discuz! 7.2