免費論壇 繁體 | 簡體
Sclub交友聊天~加入聊天室當版主
分享
Board logo

標題: 高深莫測的床破 [打印本頁]

作者: 飛毛腿    時間: 2018-8-14 22:30     標題: 高深莫測的床破

中美貿易戰十日後進入第二階段升級戰
8月 23日, 老味對額外價值 160億美籠中國商品加徵 25% 關稅
同日生效,老中將對老味同等價值商品加 25% 關稅,以牙還牙

今年初3月份,床破話要發起貿易戰
佢信心滿滿咁話 : Trade wars are good, and easy to win
到目前爲止,佢呢句話有一個成功嘅例子 ~ 泡菜國
短短幾日,泡菜國即刻跪低,俾老味更改美韓自由貿易協議,加入不平等條約
但除咗泡菜佬,老味再冇其他貿易戰成功案例

明眼嘅地球人都睇得出
老味打呢場貿易戰最大嘅對手,亦係最難啃嘅對手就係老中
無論老中嘅古老兵法也好,西方嘅戰略也好
正常嘅策略就係盡量搵多 D 幫手結盟去圍剿對手
所謂一個籬笆三根樁,一個好漢三個幫
但腦筋清奇又自信心爆棚嘅床破,竟然單挑全地球
作者: 飛毛腿    時間: 2018-8-14 23:03

老味一個進口鋁鋼加徵關稅
就將本來係盟友嘅歐盟丶大家拿丶墨西哥丶日本等打成貿易戰敵人
本來嘛,中美大打出手, 呢班友企定定袖手傍觀,鷸蚌相爭,睇下有冇機會抽水咬老中兩啖
點知床破大棍一揮,連佢哋都打埋
床破殺得性起
最近連一堆窮國小國度唔肯放過

話說,老味一個所謂 GSP ( Generalised Scheme of Preferences )優惠制度
呢個優惠係給予一 D 發展中國家,幾千種商品進口老味度可以獲免稅或者減稅
亞太地區有 25個國家,好似印度丶印尼丶泰國之類
其他東歐丶中東丶非洲都有 D 窮國可以受惠
床破咬老中咬唔到咩肉,可能有 D 發窮惡
諗諗下,蚊脾肉都係肉,好過冇
於是動腦筋要向呢班窮鬼埋手
作者: 神..六    時間: 2018-8-14 23:58

最近睇到屈潁妍形容菜菜子係一位"不知所措"的女人.....

我見到既床破係一個財大氣粗巴x閉閉既老臭八婆,一d都唔深不可測.....

你試下將佢代入女姓性格,咁就鮮明得多了.....
作者: 飛毛腿    時間: 2018-8-15 20:56

最近睇到屈潁妍形容菜菜子係一位"不知所措"的女人.....

我見到既床破係一個財大氣粗巴x閉閉既老臭八婆,一 ...
神..六 發表於 2018-8-14 11:58 PM



菜菜子家下不知幾 high
佢做緊春夢,認為自己可以利用床破同老中格劍嘅機會,做一件千古留名嘅大事
菜菜子覺得自己係鴻圖大略,運籌帷幄
~ 老娘將床破當棋子擺弄  

[attach]2652[/attach]


至於床破,唔係話佢有幾高深
而係佢出招鬼神莫測,超出正常人嘅理解能力
作者: 飛毛腿    時間: 2018-8-15 21:17

老味嘅 GSP 貿易優惠政策係 1976年創立
當年老味啱啱由越南灰頭土臉執包袱走人
燒銀紙打一個武器裝備唔入流嘅北越,打極都打唔死
~ 鬼咩,北越背後係老中同蘇聯支持
老中一早警告,老味地面部隊唔可以越過 17度線,否則後果自負
今次老味好聽話,唔敢越過界線,只有縮晌南越邊界打越共
只能派轟炸機去狂轟河內,用生化武器去炸九越共 ( 落葉劑)
但咁打法唔可以打殘越共
老味自己就打到債臺高築,死咗幾萬老味大兵
國內反戰熱潮風起雲湧
終於尼克遜去大陸同老毛講掂數, 老味逐步撤軍
老味前腳一走,越共後腳就攻陷南越

老味丟晒架,晌班馬仔面前鞋口鞋面
果時蘇聯意氣風發,老味就頭耷耷
為咗維護自由世界老大嘅形象
就拍心口推個 GSP 政策出嚟 ,嗱,老大我照顧班窮馬仔
開放個市場俾你哋搵啖食,幾千種商品減免你哋班窮鬼進口關稅
~ 冷戰年代,西方世界打嘅旗號係自由世界,而共產國家嘅旗號係民主社會
~ 蘇聯歸西之後,老味就執起蘇聯枝民主大旗,開口埋口民主
作者: 飛毛腿    時間: 2018-8-15 21:43

老味呢個 GSP 政策涉及嘅貿易額好有限
班窮鬼國家一年都只係約 200億美籠貿易額受惠於呢個政策 (下面嘅數字都係以美籠計算)
好似印度只有 56億,泰國有 46億,印尼就有20億,土耳其有 16.6億
相對同老中丶歐盟等日韓嘅貿易額,真係微不足道
但老床對班窮鬼越睇越唔順眼,仲話佢哋揩老味油,好似當老味係錢甖咁撩喎

Tariffs are the greatest ! Either a country which has treated the United States unfairly on Trade negotiates a fair deal, or it gets hit with Tariffs. It’s as simple as that - and everybody’s talking! Remember, we are the “piggy bank” that’s being robbed. All will be Great!


所以老床開出條件俾班窮鬼 :
一係你哋乖乖地同我傾一個公平嘅貿易協議
一係俾我打你哋關稅,打到你抽筋

點先令你老床滿意地認為係公平嘅貿易協議 ?
比如泰國,你乖乖地放我哋有激素藥物 ( 瘦肉精)嘅豬肉入口
~ 泰國禁止含有瘦肉精嘅豬肉入口
比如印度,印度對老味嘅乳製品等醫療器械徵收關稅
精你就減免關稅,唔係就泡製你
作者: manw0ng    時間: 2018-8-15 22:03

至於床破,唔係話佢有幾高深
而係佢出招鬼神莫測,超出正常人嘅理解能力飛毛腿 發表於 2018-8-15 20:56


即係痴L線
作者: 無神論狂徒    時間: 2018-8-16 08:32

佢策略係開天殺價落地還錢。佢要幫國內解決逆差。所以四圍掠水。老中唔服,但老美冇得揀,老美退,其他國嘅敲詐計劃就冇效。
所以我睇,老床殺到七七八八。食得入肚嘅都食咗,先會向老中讓步,再傾。
歷史證明貿易戰加關稅係冇用嘅。只會兩敗俱傷。老床係生意人。著數食咗。食唔到著數自然縮槓
作者: 無神論狂徒    時間: 2018-8-16 10:57

老蔡係棋手,不過係傀儡棋手,主子叫佢點捉,佢就掂捉
作者: 維圓阿伯    時間: 2018-8-16 12:56

夕陽西下全球一哥
一个人打晒全世界
老味再偉大羣衆大讚嘆?
係醒目仔定低B弱智仔
肯定此人不讀亦不懂歷史教訓
睇相佬呃你十年八年
攪屎棍得到最大好處川氏家爺仔乸
陷家升官又發財
配合放料股市賣空買空
執吳小就真
作者: 飛毛腿    時間: 2018-8-18 22:30

本帖最後由 飛毛腿 於 2018-8-18 22:50 編輯
佢策略係開天殺價落地還錢。佢要幫國內解決逆差。所以四圍掠水。老中唔服,但老美冇得揀,老美退,其他國嘅 ...
無神論狂徒 發表於 2018-8-16 08:32 AM



呢個就老床著書立說,得意得意洋洋嘅 The art of the deal
向談判對手施以巨大壓力,令對手信心瀕臨崩潰
於是對手討價還價嘅能力大大減弱,心諗輸少當贏
但我認為前提係雙方強弱懸殊先有呢個效果
如果處境對調,老床處於弱勢,佢開個毛天價去壓逼對手

因為老味對絕大部份貿易對手都係逆差
老床覺得全世界人都賺老味錢,靠老味開飯
所以佢係處如強勢,對手處於弱勢
老床同佢班智囊對老中嘅判斷大概係咁 :
中美貿易額每年老中向老味輸出總值五千幾億美籠嘅商品
而老味只向老中輸出二千幾億美籠嘅商品
出口貿易佔老中經濟好大比例
老床覺得呢個係老中嘅死穴,老床曬佢冷,老中應該跟唔起
可能老床原先嘅估計,老中係咁做下樣撐兩下
跟住覺得自己經濟會頂唔住,唯有忍氣吞聲同老味講數
所以開頭老床開出嘅條件,辣到老中幾乎要喪權辱國先可以接受
例如唔可以向老味報復關稅,要停止 2025 中國製造業大計
老床係咁意讓少少步,老中應該就(舌累) 飯應
因此老床一開頭就認為跟老中打貿易戰係  easy to win
作者: 飛毛腿    時間: 2018-8-18 22:48

本帖最後由 飛毛腿 於 2018-8-18 22:51 編輯

貿易戰打到難分難解
跟老味打嘅唔止係老中,幾乎大部份嘅老味貿易夥伴
本來老床應該全力應付呢鑊貿易戰
但唔係,老床無厘頭又辣起其他火頭

上個月,老床剛剛同普京晌芬蘭會面
老床話同普京傾得好好,仲話打算邀請普京今年 11月訪問老味
老味國內為此嘈到拆天,話老床落實通俄嘅指控
轉下頭,上兩個星期,老床突然對俄羅斯追加新制裁
理由係俄羅斯前特工兩父女晌陰國俾俄羅斯人化學毒劑暗算
呢鑊嘢連陰國都漸漸收聲
老味突然無厘頭攞嚟向俄羅斯發難
你老味攞第二樣理由嚟炒作都冇咁谷氣,你真係當隻北極熊係小丑咁
普京唔谷到爆就奇
作者: 飛毛腿    時間: 2018-8-18 23:09

無啦啦又鞭一嘢隻北極熊都算嘞
一波未平,老床又攞起碌棍,兜嘢藕落隻火雞度

火雞國總統前年經過一鑊軍事政變
埃爾多安認真唔安,差 D 命都冇
佢認為係佢個政治對手搞鬼,呢條友一直匿晌老味度
埃爾多安要老味交人出嚟
老味梗係啋佢都傻

俄羅斯嘅情報能力真係堅
連埃爾多安自己都收唔到料
晌軍事政變前老埃一無所知
老埃當時去度假
俄羅斯嘅情報系統通知老埃 : 即刻走人,唔係冇命
~ 報導冇講詳情,我覺得係俄佬好高層人物直接通知老埃,唔係老埃唔會輕易相信
老埃即刻契弟走得摩,冇鞋挽屐走
一走出酒店冇耐,酒店就被炮轟
然後一班軍人衝入酒店
老埃走遲半步都冇命

明日有時間繼續講埋落去   
作者: 飛毛腿    時間: 2018-8-19 15:11

本帖最後由 飛毛腿 於 2018-8-19 20:26 編輯

火雞國本來就心存大慾要做中東地區霸主
事實上火雞晌中東嘅戰鬥力僅次於以色列
而且火雞有一個身份係北約成員國,自覺有神功護體
~ 如果北約成員受到攻擊,北約有義務保護成員國而發起反擊

老味針對敘利亞發起圍毆
又扶植班恐怖份子,話係乜七溫和反對派
班反對派捉住敘利亞政府軍,生劏佢挖個心出嚟生食人心刺身
將敘利亞五歲基督徒細路女斬頭,呢 D 就係西方強國稱之為溫和反對派嘅所為
火雞國同敘利亞接鄰,邊境相連,於是乘機抽水,派兵去侵佔敘利亞邊境領土
頭幾年,敘利亞政府苦苦支撐,八成領土被恐怖份子佔領
敘利亞離亡國只有一步之遙

俄羅斯因為合併克里米亞,俾西方列強全面封殺,經濟制裁
老味得勢不饒人,要將隻北極熊打殘
普京毅然破局,將個戰場擺去中東,派戰機去敘利亞狂轟反對派
北極熊雖然今非昔比,但對付一班豺狼野狗仍然輕而易舉
火雞國勃然大怒,話俄羅斯對付嘅係佢哋嘅親人
2015年尾,火雞食咗春藥咁擊落俄羅斯一架戰機
~ 都話火雞恃住北約撐腰,俄羅斯打火雞的話要考慮北約嘅反應
人人都睇住一向以牙還牙,唔肯忍氣吞聲嘅俄羅斯有乜報復行動
但呢次出乎大部份人意料之外,普京忍住呢啖氣,冇還手報仇

有俄羅斯狂轟,又有唇亡齒寒嘅波斯國派兵相助
敘利亞班所謂反對派嘅恐怖份子就滾水淥周周咁,越玩越謝
老味睇見班炮灰越嚟越唔爭氣, 就轉而扶植班庫爾德人
庫爾德人係敘利亞丶波斯丶火雞三國嘅心腹之患
庫爾德人世代盤踞三國邊境地區,成日想獨立建國
老味嘅如意算盤係扶植一個傀儡嘅庫爾德人獨立國家
老味就可以駐守呢度監視威脅敘利亞同波斯。就好似一把尖刀咁指向佢哋心臟
至於火雞,有利用價值就用,冇用時再搵機會收拾佢
庫爾德問題係火雞嘅不可逾越嘅紅線
因此火雞對老味嘅佈局非常不滿,覺得老味出賣自己利益

冇幾耐就發生軍事政變事件
老埃指控發動政變嘅人又受到老味包庇
於是老埃就大變臉
平息政變後即刻飛去莫斯科見普京,攬頭攬頸做好兄弟
普京 : 老埃,你家下知道啦,老味靠得住,豬乸會上樹
作者: 飛毛腿    時間: 2018-8-19 15:37

跟住,火雞同北極熊嘅合作火速發展
俄羅斯一條油氣管道經火雞國輸向歐洲
火雞向俄羅斯購買先進嘅防空導彈 S400
老味極力反對火雞買俄羅斯防空導彈
因為火雞裝備嘅係北約武器系統
北約最大唯一嘅假想敵就係俄羅斯
要整合兩者不同嘅軍備,技術上係一個大難題
而且可能會俾俄羅斯了解到北約嘅武器技術關鍵
但火雞一意孤行,懶九理老味嘅不滿

老床發起貿易戰
鋼鋁關稅涉及火雞輸老味嘅產品
連歐盟丶大家拿呢種老味親密盟友都要捱打,何況你火雞?
火雞當然向老味報復加徵老味商品關稅
最近老味又有一個藉口向火雞窮追猛打
事緣一個老味嘅傳教士晌火雞度被捕超過兩年
火雞指控呢個傳教士係有份煽動政變
~ 火雞係回教國家,傳教士去回教國家傳基督教,有如去和尚寺賣狗肉咁無稽

老床威脅火雞要即刻放人,唔係就制裁火雞
老埃話你交出匿藏老味度果條政變主謀,我就放你個傳教士
於是老床就宣佈制裁土耳其嘅司法部長同內政部長,凍結佢哋晌老味嘅資產
~ 話就咁話,呢兩條友未必會晌老味度有資產
對等報復,火雞宣佈制裁老味嘅司法部長同內政部長,凍結佢哋晌火雞國嘅資產
老味又話,原定賣俾火雞嘅先進戰機 F35,唔賣喇
老埃冇軍火賣俾老味,就向關稅埋手
火雞將原先向老味加徵嘅關稅起一個孖 :
老味嘅葡萄酒飲料 關稅加到140%,老味汽車 120%,煙草 60%,其他化妝品丶米丶煤炭通通關稅加倍
作者: 無神論狂徒    時間: 2018-8-24 22:24

而且老中仲發表咗聲明,支撐火鷄維護自由貿易,打擊霸權。
老美推火雞比老中同北極熊。你話老床係北極熊支針,我都有啲信。曲線整死老美。
作者: 飛毛腿    時間: 2018-8-29 22:17

老味三番四次放料話同老中溝通貿易戰問題
老中亦多次向外澄清 : 冇同老味談判貿易戰
終於老味邀請老中派人去華盛頓再傾
既然老味正式邀請去傾,唔去就好似老中冇意思傾過方案出嚟
咁就會俾老味佔道德高地 : 嗱,唔係我哋我唔肯傾,係老中唔想傾
明知老味反口覆舌,傾乜都冇用,即管派一個副部長去傾
呢個級數根本冇權決定 D乜,大家摸吓對方底牌算喇
果然,乜都傾唔埋欄,貿易戰繼續
雙方話下次安排時間再傾
老中話會派一個司級官員去傾
越傾嘅官員級數越低
擺明都係互相敷愆
作者: 飛毛腿    時間: 2018-8-29 22:35

老味向火雞落井下石
好似唔踩死你火雞都唔罷手
呢個時候,有個財主佬出嚟幫火雞撐一撐
卡塔爾,中東油王,人均 GDP 過十萬美籠
卡塔爾托咗 150億美籠去幫火雞救急
呢下真係雪中送炭

油王點解咁夠騾氣 ?
因為卡塔爾家下晌中東成為棄嬰
以沙特為首嘅中東佬同佢絕交
沙特軍雖然戰鬥力唔好得過鄉港警察幾多
但要打殘卡塔爾仍然綽綽有餘
就好似當年伊拉克打科威特咁
就晌卡塔爾孤立無援嘅時候
火雞挺身而出,派兵去卡塔爾駐守
火雞當然有私心,佢一直想當中東盟主
講軍力,佢晌中東絕對係一哥 ~ 除咗右軚佬
果然種瓜得瓜,火雞家下有難,而卡塔爾冇咩多,勝在錢多

咁老味咪好唔高興 ?
唔怕,卡塔爾左右逢源
老味晌中東最大嘅軍事基地就晌卡塔爾
而卡塔爾亦不停向老味買軍備,孝敬老大
作者: 飛毛腿    時間: 2018-8-29 22:57

老味退出伊朗核協議
老歐見財化水,本來預備晌伊朗大肆發財
老味警告話邊個同伊朗做生意就制裁邊個
法國佬嘅大石油化工財團 Total 晌伊朗核協簽好,奧巴馬解除對伊朗制裁後
去伊朗投資開採油氣田
點知老床上台後撕毀協議,仲唔准其他國家去伊朗做生意
Total 晌老味度有過百億資產
如果俾老味揸住把柄就肯定斬到佢一頸血,好似幾年前 BNP 咁罰一鑊金
於是 Total 壯士斷臂,將伊朗油田嘅股份讓出嚟,可能由中石油接手
伊朗地理位置上靠近歐洲,所以係歐洲嘅能源主要來源之一
老味制裁俄羅斯,要歐洲跟住制裁
家下又要制裁伊朗,你叫歐洲佬去鑽木取火呀 ?

老歐真係谷到爆
佢哋安慰伊朗 : 我哋唔會退出核協議嘅,你放心
伊朗 : 你講呀, 空口講白話氹住我,一係一拍兩散,我去發展核武器
於是老歐為表達誠意,送上 1,800萬歐羅 : 嗱,攞去用住先
作者: anakin    時間: 2018-8-31 13:30

美國既中期選舉係十一月頭,而老中既入口博覽會又係十一月頭,我覺得唔會係巧合…
作者: 飛毛腿    時間: 2018-8-31 23:16

美國既中期選舉係十一月頭,而老中既入口博覽會又係十一月頭,我覺得唔會係巧合… ...
anakin 發表於 2018-8-31 01:30 PM



老床做好多無厘頭嘅事,外人覺得佢乖張胡鬧
但好大程度為咗 11月 中期選舉,同埋老味國內嘅政治鬥爭
最近同墨西哥傾掂個某易協議,變相廢掉原来嘅北美自由協定
老床又可以自吹自擂係貿易戰中一項勝利

老中晌年初嘅兩會,同埋博鰲亞洲論壇上已經講過會加大開放市場
畫一個大蛋糕俾世界各國睇
呢樣係貿易戰之前已經宣佈嘅政策
你覺得有咩蹟象係針對老味 ?
作者: anakin    時間: 2018-9-1 12:22

老床做好多無厘頭嘅事,外人覺得佢乖張胡鬧
但好大程度為咗 11月 中期選舉,同埋老味國內嘅政治鬥爭
最 ...
飛毛腿 發表於 2018-8-31 23:16



我覺得老中好似準備將所有要入口既野,一次過同全世界公佈入貨量、價格、關稅…等等既貿易資料,一方面想攞到人民幣既計價權,二則就針對美國既商家,暗示佢地如果支持床破再攪落去,原先佢地賺開既錢將會流出去比其他國家。
作者: 飛毛腿    時間: 2018-9-2 22:00

我覺得老中好似準備將所有要入口既野,一次過同全世界公佈入貨量、價格、關稅…等等既貿易資料,一方面 ...
anakin 發表於 2018-9-1 12:22 PM


冇人會咁蠢公佈入貨量、價格、關稅…等   
經濟嘅嘢有好多變數
一年前邊有人估到床破向全世界打貿易戰
向老中發難就唔奇,話晒老中每年賺老味兩三千億美籠貿易順差
但竟然連歐盟丶大家拿呢種所謂親密盟友都亂棍打落去,完全冇人情講

如果老中宣佈入貨量、價格、關稅…等,到時冇辦法兌現,點收科 ?
老中又做唔出好似老味咁面皮厚,講過嘢當放屁,話唔算數就唔算數
老中舊年畫咗一個大蛋糕,商務部長晌一帶一路高峰論壇話未來五年,老中將會進口超過八萬億美籠嘅商品
而摩根大通舊年年尾有個報告話老中未來三年,消費市場會增加到六萬億美籠
~ 目前老中嘅消費市場已經係四萬億美籠
呢個大蛋糕會點分法點食法,就睇各國各顯神通

點解人人當老味係老大 ?
因為老味係地球大買家,大豪客
人人爭住同佢做生意,賺佢 D 美籠
家下床破反其道而行,話人哋好賺佢錢,搵佢笨實
你滷味跟住你冇著數,冇錢賺,邊個等九閒認你係老大 ?

至於大宗商品定價權
呢個係一個好複雜嘅機制,唔係簡簡單單嘅供求關係去決定
好似沙地阿拉伯同俄羅斯係數一數二嘅石油供應國
而老中就超越老味成為最大石油進口國
但最大買家同最大嘅石油供應商都冇權去定石油價格
老中亦係最大嘅鐵礦石買家
但亦冇權決定鐵礦石價格,任由袋鼠國同巴西去閹割
所以老中痛定思痛,要諗辦法搶大宗商品定價權
先開個上海石油期貨市場,大連商品交易所開個鐵礦石期貨市場
呢 D其實係挖老味牆腳,所以老味恨到咬牙切齒
作者: 飛毛腿    時間: 2018-9-2 22:31

上個月老歐個歐盟委員會主席去同床破會面
事後話雙方達成 「朝零關稅努力」共識
重點係歐盟取消對老味汽車進口關稅 ~ 前提係老味亦要取消對歐洲汽車嘅關稅
呢個報導出嚟之後
大陸有一幫含洋奴  ( 冇錯,大陸都有含洋奴)大吹大擂話歐美達成自由貿易協議
~ 佢哋發雞盲睇唔見個前提
佢哋話歐美妥協,呢鑊老中含忍喇

其實歐盟委員會主席有條卵實權
返到去要睇下老歐兩個大孖沙點睇先得
德國冇所謂,德國車同老味車唔同檔次,買賓士寶馬保時捷嘅人唔會望美國車一眼
但法國就唔同,法國車同美國車相近嘅檔次,競爭性大
所以法國佬首先就潑冷水
德國默大媽亦冇咁天真,會相信床破講嘅嘢

前兩日,床破接受 bloomberg 訪問,被問起呢個問題
老床話就算歐美互免雙方汽車關稅唔夠好 ~ 唔通要老歐補貼美國車進口?
老床話班歐洲佬唔會買美國車嘅,佢哋只鐘意買自己歐洲車  ( 我哋都係,邊個唔想揸法拉利賓士寶馬 ? )
老床跟住噴班歐洲佬,話佢哋同老中一樣係壞人,一味搵老味笨實
只係老中大隻 D, 歐洲就係細一個碼嘅老中


[attach]2716[/attach]
作者: 飛毛腿    時間: 2018-9-2 22:55

插完老歐,老床再插大家拿,狂插   

同墨西哥傾掂個新嘅北美自由協議 ~ 不過冇大家拿份
老床鬆毛鬆翼,話搞掂咗老墨
8月31日,輪到同大家拿傾
會前,老床九咁大個鼻,對記者講 ( 講明話 off record,私下傾啫,唔好報導 ) :
我冇向大家拿作任何讓步,我哋話晒事,大家拿冇計嘅,只能跟住我哋玩

記者佬點會替床破守秘密 (其實亦唔係咩高度秘密,老床自己向記者佬認屎認屁啫)
呢 D說話泄露出去,大家拿當然收到料
真係佛都有火,你真係當大家拿靠黐飲黐食過日子
於是大家拿同老味嘅談判乜都傾唔成
老床指責 Bloomberg 泄漏秘密談話
同時佢威脅大家拿 : 你搵我哋笨實咁多年,再阿支阿左唔聽話,我將你踢出北美自由貿易協定
佢仲警告老味國會,唔好插手入嚟替大家拿做架樑


[attach]2717[/attach]

[attach]2718[/attach]
作者: 飛毛腿    時間: 2018-9-9 21:47

8月尾,床破出席西維珍尼亞州一個集會
佢向班粉絲宣稱 :
在我上任之前,中国可能会在短时间内超越美国,但现在不会发生了。
我打乱了他们的计划。中国经济全乱了。我出手之后,现在中国开始走下坡路,这正是美国需要的,
就算再过100年,中国也不会超越美国,我会让老味继续伟大。


貿易戰只係手段,咩減少貿易逆差唔係主要目標
打殘老中嘅經濟,停止老中嘅發展,呢個先係主要目標
唔係床破做總統,換第二個上台都會咁做
只係手法唔係咁硬膠
如果老中連呢點都睇唔透
咁就唔駛晌地球撈都得嘞
所以老中根本冇可能退縮
你退都冇用,你讓一步,老味就得寸進尺
作者: 飛毛腿    時間: 2018-9-9 21:47

本帖最後由 飛毛腿 於 2018-9-9 21:49 編輯

前兩日,白宮首席經濟顧問Kudlow 接受電視訪問
佢話老味同老中繼續談判,老味嘅要價好明確 :
零關稅、零壁壘、零補貼、停止知識產權盜竊,老味嘅公司老味人自己擁有
你老味開價好明確,老中都好明確 ~ 拒絕老味勒索
所以 Kudlow 話傾咗幾個月,老中都冇俾老味一個滿意嘅承諾
老中 : 承諾你條毛,送咗成個國家俾你好唔好 ?

老味國會啱啱開完一個聽證會
聽下班商家佬對床破開徵另一個 2,000美籠中國商品進口關稅有乜意見
雖然有九成嘅出席商家佬反對再對另外嘅商品開徵進口關稅
但大概阻止唔到床破一意孤行
上次果 500億商品開徵關稅,一樣係大多數出席聽證會嘅商家反對
咪照樣開徵關稅,擴大貿易戰
老味呢種聽證會係多舊魚,做下樣,扮話諮詢各界人士
最後都係多數服從極少數

老中企硬,唔屈服於老味敲詐
於是床破又恐嚇要加碼
佢話對 2,000 億美籠中國商品加關稅之後,將會再對另外 2,670億中國商品加關稅
佢話 : 如果我願意,將會好快實施

500億+2,000億+2,670億,咁即係全部中國貨進口老味道都要加關稅
不過,老床以前都講過,最後一招就會咁做
加咪加囉,老中應該有幾手準備,做咗最壞嘅預案 ~中美貿易額歸零
作者: 飛毛腿    時間: 2018-9-9 22:08

老味商務部前幾日公佈 7 月份貿易數據
其中老味對中國出口110.26億美籠,環比( 比6月份)下降8.2%
從中國進口額增長 1.6%
老味對老中貿易逆差達 341.35億美元,增加5.2%

唔知老床有冇興趣睇貿易數字
佢睇到咁嘅數據真係扯火
乜開打貿易戰後竟然進口中國貨仲上升咗 ?
不過,可能老味商家佬怕遲 D 連其他商品都要加徵關稅
拿拿聲加速入貨都未定
總之,日個月嘅數字未必反映到真實情況
睇多幾個月先睇到比較確實嘅影響
作者: 飛毛腿    時間: 2018-9-11 23:02

今日睇到有篇新聞 :

香港電台-港聞
•2018年9月11日 下午3:24
港區人大代表吳秋北就上周五反新界東北發展撥款案13名被告刑期覆核上訴得直的判決,曾在社交網站貼文,指終審法院法官做「老好人」,
予以釋放,實際上是害死青年,為社會埋下定時炸彈,認為法官已成為青年殺手,社會罪人。

行政長官林鄭月娥出席行政會議前,被記者問及對吳秋北的有關評論,林鄭月娥回應說,就終審法院的裁決引起一些人士對法官的批評,甚至是人身攻擊,
她表示遺憾,認為是不能接受,亦是對本港司法制度及精神一大損害。


港產含蝦燦俾陰國佬洗腦洗到痴痴呆呆
將假髮人當神咁拜,神聖不可侵犯
你可以批評任何政府官員,或任何人  ~ 除咗你公司嘅老細上司,除非你唔志在份工,同埋假髮人
假髮人係神唔係人,永不犯錯,有錯都係你哋錯,所以不容質疑,不可批評
作者: 飛毛腿    時間: 2018-9-11 23:36

本帖最後由 飛毛腿 於 2018-9-11 23:40 編輯

地球上有一個叫做國際刑事法庭嘅架步 ( The International Criminal Court )
呢個架步係西方國家支持 ( 錢銀上) 嘅組織
前幾日,呢個架步食咗春藥咁
竟然話要立案調查老味嘅戰爭罪行
首先由阿富汗戰爭入手

老味晌阿富汗血債累累
話反恐,話要打殘塔利班
但塔利班冇殺到幾個,平民百姓就枉死無數
比如有一次有一條村,有人嫁娶辦喜事,成棚人百幾人浩浩蕩蕩咁去迎娶新娘
老味話誤以為係塔利班武裝人員,一九就狂炸佢哋
奧巴馬年代出動過無數無人機去炸塔利班
但結果係炸中目標人物只有 10%, 有 90% 都係炸死平民
最出名一次所謂 「誤炸」 係炸九咗無國界醫生醫院
一間醫院都可以誤炸 ? 無國界醫生就話根本唔係誤炸
但點解老味咁唔順超無國界醫生,咁就唔知嘞

好嘞,家下國際刑事法庭話要調查老味嘅戰爭罪行
老味就話 : 挑,嗱   ╭∩╮

老味嘅國家安全顧問 John Bolton 直頭恐嚇國際刑事法庭 :
你班福街唔想吔飯定喇,你試下惹到我,我制裁你班法官同檢察官 (係針對個人)
唔准你哋入境,凍結你哋晌我哋度嘅資產,金融體系中制裁你哋嘅資金流通
仲有晌我地頭度起訴你班含包散 ~ 晌老味法庭度鍾意點判你哋都得
總之要你班福街自作自受   ( let the ICC die on its own)


所以,叫林鄭睇下老味點樣尊重司法,點樣法治精神
批評下假髮人就大驚小怪,好似褻瀆神靈咁緊張  ╭∩╮



[attach]2799[/attach]
作者: das_reich    時間: 2018-9-12 01:55

本帖最後由 das_reich 於 2018-9-12 01:58 編輯

其實, 自己覺得個條癲肥阿伯在某方面是太容易給人家

捉到路。 例如當牠自以為有得著而要去認屎認屁時, 總

會重複一些關鍵字 : [Itˊs a 逼弔, very 逼/really 逼.]


從牠最近放風說要對所有我國輸入商品都徵税去看, 我

覺得牠似乎對我國已是無招可再用, 因我國視牠為流嘅

牠猶如一殺手, 雖知自己條炮仔只得三飛, 在啪出了二

飛而辣不到對手之下, 卻貿然再扳雞一樣
作者: 飛毛腿    時間: 2018-9-12 22:12

呢個聽起嚟個名好威猛嘅國際刑事法院係乜嘢來頭 ?
1998年聯合國晌羅馬開一個大會通過成立一個永久性嘅國際刑事法院
以前嘅國際法庭係臨時性,為一個項目而成立,審完就解散
好似德國紐倫堡軍事法庭,遠東軍事法庭咁

國際刑事法院審判四種罪行 : 戰爭罪,反人道罪,種族滅絕罪,侵略罪
有 120個國家贊成,並簽署條約,稱為羅馬規約 ( The Rome Statute of the International Criminal Court )
投反對票有七個國家 ~ 以色列丶伊拉克丶敘利亞丶利比亞丶也門,仲有老味同老中
老中反對嘅理由係呢個法庭只係由西方操控嘅政治工具
根本唔係一個公平公正,獨立嘅法院,所以老中唔簽條約,唔加入呢個架步
而老味反對嘅理由跟老中唔同
老味要求有一票否決權
~ 比如國際刑事法院要立案調查以色列犯下戰爭罪,老味可以一票否決
其他 120個國家梗係唔刮你老味啦
好,冇一票否決權,起碼要有特權
就係老味總統丶官員同軍隊要有不受調查同指控嘅特權

其他國家同樣唔刮你老味
於是老味就將呢條條約晾晌度,唔簽約加入
可能考慮到老味一向以世界警察自居,開口埋口人權
如果唔乸住個國際刑事法庭嚟作威作福,好似少減樣政治工具
諗下諗下,咪喇,加入去先,再向其他簽約國威逼利誘,修改或者加入對老味有利嘅條款
就晌 2000年12月31日加入條約最後限期前幾個鐘
當時嘅總統克淫頓簽署條約,成為諦約國

後來,老味想修改羅馬規約若干條款唔成功
其他國家唔肯俾老味享有特權
2002年5月,繼任嘅小布殊宣布老味唔承認羅馬規約,唔加入國際刑事法庭
冇老味一齊玩,地球照樣轉
2002年 7月 1日,國際刑事法庭成立
作者: 飛毛腿    時間: 2018-9-12 22:21

本帖最後由 飛毛腿 於 2018-9-12 22:23 編輯

呢個國際刑事法庭成立十幾年,做過 D乜 ?
發過幾張傳票要審訊幾個國家嘅總統或高官 :
蘇丹總統,乍得總統,科特迪瓦總統,剛果司令,利比亞部長。。。。
都係一堆窮國小國,但都冇人啋佢哋

2014年克里米亞公投脫離烏克蘭,加入俄羅斯聯邦
2016年國際刑事法庭發表報告話俄羅斯吞併克里米亞構成對烏克蘭侵略
北極熊係咩狠角色,對住老味都未驚過,會怕你呢班冇槍冇炮嘅假髮佬 ?
你哋食蕉啦,自己玩賓周啦
俄羅斯宣佈退出國際刑事法庭
俄羅斯好鄙視咁話 :
國際刑事法庭成立 14年,只做過 4次判決,但開支消費超過 10億美籠

養呢棚人夠哂昂貴
不過,玩西式法治,幾時都係燒銀紙嘅玩意

菲律賓老杜上台後,鐵腕對待毒販,拒捕者格殺勿論
歐美就指責老杜違反人權,反人道
國際刑事法院又話要對老杜調查
於是今年 3月,菲律賓就宣佈退出國際刑事法院
老杜話呢個法院除咗對小國作威作福,乜卵用都冇
咁家下你哋明白點解老中一早就話呢個法院只係政治工具
老中冇興趣陪佢哋玩,慳返每年嘅會費好過

用咁多錢去養呢班假髮人
雖然話有 120個簽約國,應該大家每年都要交會費
但好多窮國連開飯都成問題,搵條毛交會費咩
唔緊要,你哋手緊就欠住先,會有財主墊底
一個國際組織要會員多先有權威性,夠氣勢,可以大大聲話有代表性
呢個法院嘅經費有 70% 由歐盟照起,日本都支持一部份
出錢就係 boss,出錢越多話事權越大 ,唔駛問阿貴都知道邊個講嘢最有牙力
咩獨立性喎,嗱
作者: 飛毛腿    時間: 2018-9-12 22:39

今次呢壇針對老味晌阿富汗嘅戰爭罪行
係由國際刑事法院一個非洲岡比亞籍嘅檢察官發起
提案晌舊年 11月提出,要交由法院審核批准先可以立案


[attach]2810[/attach]


其實個法院冇乜嘢做,行行企企,食飯幾味
都要等咗八九個月先批准立案
一來官僚作風,文件遊花園
二來針對世界上最心狠心辣嘅黑幫老大
大家心裏面都十五十六  ~ 嘩,有冇用呀 ?
終於有人扑槌,去馬,呢個後台要好硬先得
有人就估,可能最近老味發癲咁全世界辣火頭,到處亂棍打人
尤其是歐盟呢個盟友都照打,冇面俾
仲有,床破一連串舉動都嚴重損害老歐嘅利益
例如承認以色列搬去耶路撒冷,辣起中東火頭
退出伊朗核協議,仲要禁止其他國家同伊朗做生意
又要搞喎俄羅斯建一條經土耳其輸往歐洲嘅能源管道
又要挑撥法國退出歐盟,想打散歐盟。。。。
下下背後捅兩刀嘅所謂盟友 ~ 老味

歐盟係國際刑事法院嘅出錢大老細,佢肯去馬就冇問題
估計係老歐要俾 D 面色老味睇
咁就由國際刑事法院出面令老味難堪
不過,估計作用不大
老味係咩人物 ? 心黑手辣面皮厚,笑罵由人,橫行霸道
仲有船堅炮利,你乜七法院判乜都冇用
你有乜本事執行判決 ?
家下老味擺明對人不對事,警告你班假髮人
明面就話會制裁你哋
暗地裏,話唔定你哋會遇上一 D 離奇車禍,劫殺案之類
真係死咗都未知乜事
你認為老味做唔做得出呢下 ?     
作者: 飛毛腿    時間: 2018-9-18 18:14

老床舞來舞去果三度板斧,俾人睇通哂
上次邀請老中再傾下,老中明知道老味只係作下有得傾嘅姿態
所以只派個副部長去
呢頭傾完冇乜實質成果,老味果頭就對 500億美籠中國進口商品加稅
上星期老味又話邀請老中再去傾貿易戰問題
老中話歡迎,不過冇答應會派人去傾
果然話口未完,老味又話要對 2,000美籠中國進口商品加稅
今次要加關稅嘅商品涵括好多民生用品
短時間内老味進口商冇辦法由其他國家搵到替代品
就算搵到,價錢都頂唔順
所以今次老味只敢加 10% 關稅
而人民幣呢幾個月已經貶值咗 8%
可以講已經抵銷大部份嘅關稅
不過人民幣冇可能只就住中美貿易而長期處於貶值狀態
睇下老中點反擊
作者: 飛毛腿    時間: 2018-9-18 22:43

睇返之前嘅報導
8月3日老味就開徵 2,000億中國商品嘅聽證會前
老中已經公佈相應反擊嘅清單
老中話會對 600億老味商品施以 「數量型和質量型」結合反制

其中:

2493個稅目商品,加征25%關稅
1078個稅目商品,加征20% 關稅
974個稅目商品,加征10% 關稅
662個稅目商品,加征5% 關稅

睇落就係老味對華出口商品少
老中唔可能對應到有同樣 2,000億老味商品報復
但可以將商品稅率加倍或以上嚟對應
總之老中早已經有備而戰,預咗老味會加碼
所以老中幾個鐘頭後即刻宣佈反擊
作者: 飛毛腿    時間: 2018-9-18 22:45

至於老味假惺惺話邀請老中再談判
外交部回應 :

记者问:关于中美之间的贸易争端,我们是否可以认为,中美之间的所有对话已经中断,谈判现在是否无法进行了?

耿爽表示,中方一再强调,只有在平等、诚信和相互尊重的基础上进行对话协商,才是解决中美经贸问题的唯一正确途径。美方目前的所作所为,并没有体现出诚意与善意。

作者: 飛毛腿    時間: 2018-10-1 17:33

先睇一段片
條片係一個 youtube 用戶用大疆無人機拍嘅
呢款無人機係大疆 DJI Mavic Pro 型號
經過剪輯,段片有美感有動感,好有專業水準



[youtube]oMBZP-yEZ2Q[/youtube]
作者: 飛毛腿    時間: 2018-10-1 17:47

本帖最後由 飛毛腿 於 2018-10-1 17:49 編輯

大疆嘅無人機只係民用商用嘅航拍機 ,唔係軍事用途
以下呢款就係軍人無人機,號稱世上最細隻嘅軍用無人機,叫黑蜂 ( Black Hornet Nano)
咁細隻,當然唔可以攜帶炸彈機槍之類
純粹係偵察用
呢隻機係挪威出品,最初售價要19.5萬美籠,最近好似話平咗,賣 12.5 萬美籠


[attach]2887[/attach]

[attach]2888[/attach]
作者: 飛毛腿    時間: 2018-10-1 18:09

一隻咁嘅無人機,要近百萬港銀,值唔值呀 ?
軍佬就話 : 值。
一隊兵要巡邏,覺得前面有可疑,唔知有冇埋伏
以前就派偵察兵去偵察下先
家下可以派偵察兵連同放一兩隻迷你無人機去偵察
唔駛盲摸摸走入敵人嘅埋伏圈都唔知

不過,呢隻身價不菲嘅迷你無人機,除咗細隻隱蔽性好之外,冇乜其他地方比大疆嘅航拍機更出色
而且,因為細隻輕身, 只得 20g 左右
試過有陰國軍佬訓練時,放隻黑蜂無人機出去
剛好一陣大風吹過嚟,將隻機吹到冇雷公咁遠

而民用嘅大疆航拍機 Mavic Pro,係就係大隻好多
但風吹雨打,乜都唔怕
睇下有條木咀點樣暴力測試 :

[youtube]oY0wNPYE2JA[/youtube]
作者: 飛毛腿    時間: 2018-10-1 21:22

講到軍用無人機
世上最先進嘅無人機當然係老味 ~ 起碼宣傳上係咁
無論無人偵察機,攻擊機,察打一體無人機,種類齊全
不過,呢 D造價超昂貴嘅無人機係按編制配給
普通一個小分隊就唔好指意可以獲配給一架無人機

不過,老味大兵被允許自己出錢買單兵裝備上戰場,國家唔配給,自己出錢買
普通大兵當然唔會自己出錢買架坦克丶吉普車,亦唔容許
但買一架航拍機玩下就冇問題,而且係民用航拍機啫
千幾蚊美籠一隻大疆,實用又好玩,自己又出得起
老味大兵就唔只攞隻大疆嚟閒時玩航拍,仲要嚟當偵察用

[attach]2890[/attach]



但舊年老味陸軍部就話大疆可能有 「 網絡安全隱患」
所以下令陸軍禁用大疆無人機

[attach]2891[/attach]


剛剛 9月中,老味空軍就話打算買幾十隻大疆 Mavic Pro Platinum 用嚟配合某 D 特別任務
~ 陸軍還陸軍,陸軍嘅禁令對空軍無效
空軍認為你唔敢用啫,但平靚正,我就敢用嘞

[attach]2892[/attach]
作者: das_reich    時間: 2018-10-6 03:23

約在上月中至末, 自己留意到先後兩件 老尾官員在鏡頭

前說, 牠們已在貿易戰勝出了 , 如是真的那麽 床破

為何又在本月初, 說牠不急於和我國談因牠明白我國需要時間

去作調整 。 自己偏向相信反而 老味是似越來越無棋步可再行。

有新聞報導講, 說 老尾有傳聞會在 11月在 南海、臺灣海峽、東海

作大規模海軍軍事演習, 自己卻猜這只是一“曬冷“語言。Just bring

it on, 放馬過來。




歡迎光臨 擺 渡 ※ 空 間 (http://seeu.weclub.info/) Powered by Discuz! 7.2