免費論壇 繁體 | 簡體
Sclub交友聊天~加入聊天室當版主
分享
返回列表 發帖

時代在變多少發現......

小弟轉向賠率選馬多年,本來懶懶地都可以晌網上威水一下,不過近一兩年都失失地效,原因係投注工具越見先進,d聰明錢等隻馬安全入閘先匯入到彩池,變左事前計又計唔到,臨場跟又跟唔到.......至於賽績派,就要睇下梁定華對獸醫既鞭撻,原來近年馬會以換血黎提升馬匹質素,小病就變打柴,每年馬匹更新率達30%以上,即是話每3年就換過晒一批馬,正一刨得黎隻馬都走9左/後浪冚前浪......所以,任你40年功力都要時刻與時並進,認清大勢,調節選馬角度,現世係只爭朝夕!!

https://www.youtube.com/channel/UCxjnxeVd-HQd3USr2azJM9Q/videos

大家有時間可以睇下梁定華點樣怨獸醫怨到到樹葉都落埋.............傳統華廄都係圍威位馬主騎師練騎師夾計搵食,將匹馬由3歲玩到7.8.9.歲,幾年間晌班次上上上落落睇準就食,出既係馬會糧,用既係馬會資源,贏既係馬迷既錢.......馬會一用獸醫作大換血,果班揞住荷包既舊派華廄,當然及唔上財大氣粗既外洋集團(馬販+練馬師)咁夠食力喇......依家賭既係高價馬匹質素,一季就要對本對利,兩季食埋尾水就要換血買過堆未用過既黎......華人馬主/練馬師並未有澳紐育馬基地作後援,人地平平地比堆貴野你贏左先慢慢拆賬都仲得,你就下下高價地真金白銀去一命搏一命.........所以,選馬都同時勢同步,係只爭朝夕呀!

TOP

馬販若果經已落戶練馬c變成賭博集團既一員,咁馬主既角式就變成掛名馬主,注碼係從海外既匯合投注匯入,即是開跑緊仲變緊果d電算機數字,所以從前馬主隔夜/賽前可見既呼朋喚友飛都不復再見,因為佢地都係等緊跑完贏左後大圍分錢........

TOP

多謝分享

TOP

返回列表